📌 تحریف اولونموش صمد بهرنگی✍🏻 حامد مرسلی▫️بو گون آذربایجانین بؤیوک اؤیرتمنی، یازیچیسی و اوشاق اد…
انتشار: 2026/06/24 09:12 UTC
📌 تحریف اولونموش صمد بهرنگی✍🏻 حامد مرسلی▫️بو گون آذربایجانین بؤیوک اؤیرتمنی، یازیچیسی و اوشاق ادبیاتینین اونودولماز سیماسی صمد بهرنگینین دوغوم گونودور. بو موناسبتله اونون عزیز خاطیرهسینی یاد ائتمک مقصدیله، ایران سینما تاریخینده اونا قارشی یؤنلمیش ان غرضلی و آجی تحریفلردن بیری اولان بیر فیلم و او فیلمدن آلینان بیر شکیل حاقدا دانیشماق ایستهییرم.▫️هر یئرده صمد عمینین شکیلی یئرینه یاییلان بو شکیل، محسن مخملبافین ۱۳۶۲-جی ایلده چکدیگی «دو چشم بیسو» آدلی فیلمیندن آلینمیش بیر کادردیر. مخملباف بو فیلمده، صمد بهرنگینین فیکری میراثینی ائلهجه خالق آراسینداکی درین نفوذونو هدف آلاراق، اونو تخریب ائتمهیه چالیشمیشدیر. فیلمده مجید مجیدینین جانلاندیردیغی کند معلّمی کاراکتری؛ عینیی، بیغی و اوز قورولوشو ایله تمامیله صمد بهرنگییه بنزهدیلهرک گریم اولونموشدور.▫️آنجاق بو معلّم، گئرچک صمد معلّمین عکسینه اولاراق، تودهچی، اینانجسیز، مادیگرا، یانیسیرا کندلیلرین ناموسونا گؤز دیکن اخلاقسیز بیر آدام کیمی تصویر ائدیلیر. او، اوشاقلارا صمدین مشهور «قاراجا بالیق» کیتابینی اوخوتدورور، سانکی بو یوللا کندین اوشاقلارینین اینانجلارینی پوزماغا چالیشیر.▫️فیلمین ان دارتیشمالی و ایدئولوژیک صحنهلریندن بیری ایسه، سون بؤلومده یئر آلیر. او صحنهده کندین اوشاقلاری مذهبی اتمسفرین تأثیری آلتیندا بو معلّمه قارشی عصیان ائدیر و صمدین میراثینی قوروتماق آماجیلا «مرگ بر ماهی سیاه کوچولو» (قاراجا بالیغا اؤلوم) شعارینی سسلندیریرلر. بو، او دؤورون حاکیم فکری دالغاسینین، فرقلی دوشونجهلری نئجه قارا یاخاراق آرادان آپارماق ایستهدیگینین آچیق بیر اؤرنهییدیر.▫️ایللر سونرا بو رولو اوینایان مجید مجیدی، «در قلمروی دیدار» آدلی کیتابیندا بو فیلمدهکی ایشتیراکینا گؤره دریندن پشیمان اولدوغونو بیلدیرمیشدیر. او، بو رولو اؤز کارنامهسینده قارا بیر لکه آدلاندیراراق، صمد بهرنگییه و اونون شخصیتینه بؤیوک بیر حاقسیزلیق ائتدیگینی اعتیراف ائتمیشدیر.▫️تأسوفله، بو گون ان آجی و اوزوجو مسألهلردن بیری بیر چوخ مدنییت خادیمی، هنرمند، یازیچی و سوسیال مئدیا ایستیفادهچیسی، صمد بهرنگینین گئرچک عکسی یئرینه، تام اونو تخریب و بدنام ائتمک آماجیلا دوزلمیش بو تحریف اولونموش کاراکترین گریملی شکیلینی پایلاشیرلار. بو معلوماتسیزلیقلا دیققتسیزلیک، بیلمهدن صمدین اولو روحونا و اونون تمیز تاریخی سیماسینا قارشی بؤیوک بیر سایغیسیزلیق ائلهجه حاقسیزلیقدیر. بو عکسین آرخاسیندا دایانان قارا نییتی بیلمهدن اونو صمدین شکیلی کیمی تقدیم ائتمک، او دؤورون غرضلی آماجینا هله ده بیلمهدن خیدمت ائتمک دئمکدیر.▫️صمد بهرنگینین تمیز آدی، فداکارلیغی و یاراتدیغی آزادلیق سئوداسی بئله تخریباتلارلا سیلینمَز. او و اونون جسور «قاراجا بالیغی» هله ده نسیللردن نسیللره کئچهرک آذربایجان خالقینین اورهیینده یاشاماقدادیر. بونا گؤره ده اونون دوغرو دوزگون سیماسینی قورویوب تانیتماق، هر بیر معارفپرور اینسانین بورجودور.🔗 @Yurdses
پستهای تلگرام — 🌿@Bizimdil🌿M.Dalğa
«یوخو»قاپلی باغلی،پنجره باغلیدیل باغلی.من اؤزومو دووارلارا چالیرام!یادیمدادیر،بیر گئجه من یوخومدا، بیر قوش گؤردوم اوچدو کئچدی دوواردانقاناد چالدی، قاچدی، گئتدی دورمادییورولمادی، آغلامادی، قالمادی...آماگینه، باغلی قالدیقارا قاپی، پنجرهدووارلارین دالینداکی حنجره.من یوخو گؤردوم بیر گئجهسئویندیم،بئله بیلدیم اللریمدن توتان وارمنله گلیب، باغچالارا قاجان وار.قاچارقان او دلی یئللر گلندهداغلار سسه دوشوب،مئشه گولندنکوراوغلونا، نیگار کؤنول وئرندهاللریمی سالیم یارین بوینوناباغلی قاپی، پنجرهلر آچیلسینشیرین دیلیم،عاشیقلارین سازینداداریخماسین، گوله -گوله چالیسین.کاش یوخولار شیرین - شیرین بیتئیدیگؤزلریمدن،قارا دووار ایتئیدی...✍🏻 #محمود_بنیآدم(دالغا)#بیزیم_دیل👉🏻 @bizimdil 💫💫💫💫
"وطن"بالتادیر، دهره دیر، اوراق دیر، سنسن!شپهدیر، قیروو دور، سازاق دیر، سنسن!یاشیلدیر گؤزلرین ساری مئشهده دوغرانان ساچلار دیر، داراق دیر، سنسن!داغلار دیر، یوللار دیر، اوزاق دیر، سنسن!دیلک دیر، اورک دیر، واراق دیر، سنسن!سؤزلریم قورخودان قارا گئیینیبگئجه دیر، اولدوز دور،سایاق دیر، سنسن!!!#ماحمود_دالغا#بیزیم_دیل👉🏻 @bizimdil 💫💫💫💫
پازلیارانیش تسبئحی قیریلدی او گونقوجا تانرینین شاشقین گوزلری اؤنوندهقیریقلاریم سپه لَندی پَرَم-پَرَم؛داغلارا،دره لره،دنیزلره....اوزون ایللردیر اوچورام دَلی کولکلرین قانادیندایوردسیز،یووواسیزتوپلایا بیلمیرم قیریقلاریمیایپه،ساپا چکمک اوچون اؤزوموشعره دولورام،شعر یازیرامقیریقلاریمی توپلاییرام واراقلاراپناهلانیرام کیتابلاراقینامایین وورغونام دنیز خویلو آداملارا قیریقلاریمی آختاریرام دلی سوو دالغالاریندایووووخ اولا بیلمهییر اولماییر...اولماییر...تاپیلماییر قطعه لریمتاماملاشمیر بو یاریمچیق پازلسانکی عؤمور بویو یاریجان؛ باش یازیم دیر اوچماق؛سَفیل-سرگردانقاچیرام... قاچیرام...چاتانمیرام اؤزومهاوچورام پارام- پارچا؛یالقیز-یالقیزایکینجی آدیم "پاییز".#سحر_خیاویhttps://t.me/secilmiseirler
✍️ M.Zamacois ✍️ م. زاماگویس⭕️ منیم لهجهم🔷 فرانسیزجادان چئویرن: #سوسن_نوادهرضیلهجهسی اوْلمایان آداما، آنجاق یازێغیم گلیر!اؤز ائلینین لهجهسینی اؤزۆنله داشێماق،اؤز توْپراغێندان بیر آزجاسێنی، باشماقلارێندا داشێماق کیمیدیر.اؤز «بریتانی»یادا «اوْوئرنی» لهجهن ایله دانێشماقبیر آز قورو یئرلریندن یا داغێندان یانێنجا داشێماق کیمیدیر.وطندن اوزاق ایکن، قایغێلار ایچینده باش آلێب قاچان زمانلهجهن؛ بیرآز وطندیر، گلیر آرخانجا سنین...سنین لهجهن، گؤز ایله گؤرۆنمهسه ده، بؤیۆك سفرلردهداشێدیغین بیر آز گۆوَنجین، بیرآز دا قێوانجیندیر سنین.جلای وطن زوْروندا قالان قارابختلر اۆچونیابانجێ سؤزلری بوْیایان دا، آغێزدیر، لهجهدیرسوْنوندا، لهجهسی اوْلماق، اوْنو ایشلتدیکجههر ندن دانێشسان بیله، وطندن بیر نغمهدیر سانکی. 🔶 من هیچ اوتانمیرام اؤز دۆزگون لهجهمدن!ایستیرم طنطنهلی اوْلسون، هم ده آیدێن و گۆرولتولو.ایستیرم، لهجهمی ائشیدنده خُلقوم - خویوم دڲیشمهدن هم باش اوجا دایانام، هم ده وقارلێ و غرورلو!@SancaqDergisihttps://t.me/Sancaq_media/8345
💢💢💢#بادام_آغاجیسئودیم سنی، باهار گونو باغیمیزدا. آغاجلار گولدولر، چیچکلر آغ دونلارینی سنه وئردیلر، آغاردی گونلریمیز، بختور اولدوق. قیسقاندیلار، مئشهلره قارا دوْنوز دولدو قوشلار اوچدولار، قارقالار بیزیم یاشیل باغلاری قارقیدیلار بادام آغاجینین بوداغیندا، بیر جوت گؤیرچین قالدی! آغ دونلاری اللرینده. سن آغلادین! منیم سینهمه قان دامدی کیمسه بیزی تانیمادی، بیز یانلیز گؤیرچینلر کیمین بوینوموز چینیمیزده قالدی. یانلیز گلدیک، ایکیمیز، سن ـ من گئجهنین گؤزوندن ایراق بادام آغاجینین دیبینده آرزولاریمیزی اکدیک سن آغلادین، منیم اورهییمه قان دامدی بیزیم آغ گونلریمیز بختور گونلریمیز گؤیَرهجکلر باغچانین ایچینده سنسیز، منسیز قارقالار مئشهدن، باغدان گئدهجکلر قارا دونوزلاردا. بادام آغاجی گینهده گول آچاجاق بیر جوت گؤیرچین قانادلاریندا بیزیم آدیمیزی یازاجاق. گینه ده آنام سنه ـ منه آغ دون توخویاجاققابار بارماقلاریندا. بادام آغاجی باغیمیزدا باهار گونو چیچکلرینی پایلاشاجاق. بیریسی «ساعات قاباغیندا» دار آغاجیندان آچیلاجاق اللریمیزی آچاجاق! بارماقلاریمیز بیر ـ بیر قیزاراجاق «امامیه» باشیندا بیریسی باغیراجاق - بیز قورخوروق، اولسون، یولا دوشسک هامی قورخولاریمیز بیتهجک. سئویرم سنی، باهار گونو پاییز گونو، قیش گونو،آرزولاریمین سویوقلوغونا باخمااورهییمده تونقال قالامیشامساباحکی گونهگونه باخان کیمی دنهلریمگونشلنهجک.باغیمیزدا سئرچهلر یووا قوراجاقبالا قویاجاق. ✍#محمود_بنیآدم (دالغا)#ایمگهلر_کانالی t.me/secilmiseirler%E2%9C%94%EF%B8%8F%E2%…
📕چنگیزخان(ساختن دنیای مدرن)✍🏻 #جک_وِدِرفورد«مغولان در مقام مقایسه با ملایمت بیشتری به دنیای فتح شدهی خود قدم گذاشتند.آنها سبک معماری خاصی با خود نیاوردند، در پی تحمیل زبان و دین خود به مردم مغلوب هم نیامدند، حتی در بیشتر مواردغیر مغولان را از یادگیری زبان مغولی منع میکردند. مغولان مردم را وادار به کشت محصول بیگانه نکردند و تغییر بنیادین در شیوهی عمومی اتباع خود ندادند..»#بیزیم_دیل👉🏻 @bizimdil 💫💫💫💫