⭕️ آند اوْلسون قلمه و اوْنون یازدێـقلارینا✍️ یازان: #شبنم_توحیدی قلمی یارادان و اوْنون یازدێـغینا آ…
انتشار: 2026/07/04 20:56 UTC
⭕️ آند اوْلسون قلمه و اوْنون یازدێـقلارینا✍️ یازان: #شبنم_توحیدی قلمی یارادان و اوْنون یازدێـغینا آند ایچن اولو تانرێنین آدێلا۱۴. قوْرا پیشیرنآی (تیر)، قلم گۆنو، بو ساحهده چالێـشانلارا موبارک اوْلسون. 🌻☘️قلم و اوْنون یازدێـقلاری آللّهێن انسانلارا وئردیڲی نعمتلردیر. بونلار اوْ نعمتلردیر کی، قرآن کریم اوْنلارا آند ایچمکله اوْنلارێن اهمیتینی معیّن ائدیر.قرآن کریمین ۶۸.جی سورهسی «قلم» آدلانێـر. ۵۲ آیهدن عبارت اوْلان بو سوره، ایڲیرمی دوْققوزونجو جزءده یئرلشمیشدیر. مکّهده نازل اوْلان «قلم» سورهسی، اسلام پیغمبرینه (ص) نازل اوْلان ایکینجی سورهدیر.بو سوره «قلم» آدلاندێـریلمیشدیر، چۆنکی بو سؤز، سورهنین بیرینجی آیهسینده قئید ائدیلمیشدیر.همچنین آللّه و اوْنلارین یازدێـقلارینا آند ایچمیشدیر. اوْنا گؤره ده قلم و قلمله یازانلار آللّهین أن بؤیۆک نعمتلریندندیرلر. نئجه کی، قرآن کریمده گۆنشه، آیا، گئجهیه، گۆندوزه، خورما و حتّی انجیر و زیتون کیمی مختلف نعمتلره آند ایچیلیر.بو سوره آللّه رسولونا (ص) مُشرکلرین اوْنا قارشێ آتدێـقلاری و اوْنو دَلی آدلاندێردیقلاری یالان اتّهاملارێن آردێنجا تسلّی وئریر. اوْنا وعدهلر وئریر و پیغمبری مُشرکلره اطاعت و اوْنلارلا صحبت ائتمهڲی قاداغان ائدیر. و آللّهین قلم و یازێـیا آند ایچمهسی ایله باشلایێـر.قلمین تاریخینه قێسا بیر باخێشلا گؤرۆروک کی، قلم، انسانێـن خلقتی ایله دۆنیایا گلیب، آما نه اينديكی شكيلده! انسانلار ياشاملارێـندان ايز قوْيماق قصديله بير زامان داشلار، آغاجلار، قايالاردا و داشلێ داغلاردا ياشام طرزلريندن يا هر نه كی اوْنلارا اهمیتلی اوْلوردو، تصویرلرین چكيرديلر. زامان کئچندن سوْنرا حرفلر و كلمهلر يارانێـر.انسانلار دمیرله و يا قوشلارێن قلمه اوْخشار قانادلارێلا قایالاردا و اوْندان سوْنرا حیواناتێـن دَریلرینده و ياواش – ياواش كاغاذ اۆزرينده یازغێ یازێب، چئشیدلی شئیلرین نقشینی چکیبلر و بیر سند اوْلاراق ایندیکی کتابلاردا ايضاحلانێبدير. بو باخێشلا بللی اوْلور كی، قلمین نقشی سؤزدن ایرهلیدیر. چۆنكو قلمله یازێلان اثر يۆز ایللر بوْیو قالارغێ اوْلور و بیر سند سایێـلیر. دانێـشیلان سؤز هئچ بیر وقت قالارغێ سند سایێلمير. چۆنکو سؤز دانێـشیلیر و اوْ آن یاددان چێخیر گئدیر. بئلهليكله قلم انسانێن وارلێغی و هويّتی سايێـلير. آيرێ باخێـمدان دا قلم انسانێن ایکينجی دیلی سایێـلیر. چۆنکو بو قلمدير كی، انسانێـن کۆلتور، ادبیات، دیل و دینینی دۆنیایا تانێـتدیریر و بئلهليكله انسانێـن عقلی، معرفتی و دویغو دیلی سایێـلیر.قلم اوْ قدر قیمتلی و دڲرلیدیر کی، هئچ بیر آزاده انسان اوْنو نه پولا، نه مقاما، نه مالا، نه ثروته و نه شؤهرته ساتماز. اما بعضی انسانلار تاریخ بوْیو قلمی عکس صورتینده ایشلهدیبلر و قلم واسطهسیله چوْخلو قانلارێ ناحق يئره تؤکۆبلر. حقّی ناحق ائیلهییبلر، باشلارێ دار آغاجێـنا آپارێـبلار. عائلهلری داغێـدیبلار، آزاده انسانلارێ دوستاقلارا تاپشێریبلار، اوْنلاری سۆرگون و دیدرگین سالێبلار. قلم بئله بیر انسانلارا چؤرک آغاجێ و ترقّی نردبانی اوْلوب!.. آما چوْخلو انسانلارین الینده ده قلم، کسگین پێچاق اوْلاراق، ظالیملرین قارشێسیندا دایانێب، انسانلارین مدنی ايستکلرینی يئرینه گتیریب.(جمعه ۱۲ تیر ۱۴۰۵ – خیاو شهری) @SancaqDergisihttps://t.me/Sancaq_media/8244
پستهای تلگرام — 🌿@Bizimdil🌿M.Dalğa
«یوخو»قاپلی باغلی،پنجره باغلیدیل باغلی.من اؤزومو دووارلارا چالیرام!یادیمدادیر،بیر گئجه من یوخومدا، بیر قوش گؤردوم اوچدو کئچدی دوواردانقاناد چالدی، قاچدی، گئتدی دورمادییورولمادی، آغلامادی، قالمادی...آماگینه، باغلی قالدیقارا قاپی، پنجرهدووارلارین دالینداکی حنجره.من یوخو گؤردوم بیر گئجهسئویندیم،بئله بیلدیم اللریمدن توتان وارمنله گلیب، باغچالارا قاجان وار.قاچارقان او دلی یئللر گلندهداغلار سسه دوشوب،مئشه گولندنکوراوغلونا، نیگار کؤنول وئرندهاللریمی سالیم یارین بوینوناباغلی قاپی، پنجرهلر آچیلسینشیرین دیلیم،عاشیقلارین سازینداداریخماسین، گوله -گوله چالیسین.کاش یوخولار شیرین - شیرین بیتئیدیگؤزلریمدن،قارا دووار ایتئیدی...✍🏻 #محمود_بنیآدم(دالغا)#بیزیم_دیل👉🏻 @bizimdil 💫💫💫💫
"وطن"بالتادیر، دهره دیر، اوراق دیر، سنسن!شپهدیر، قیروو دور، سازاق دیر، سنسن!یاشیلدیر گؤزلرین ساری مئشهده دوغرانان ساچلار دیر، داراق دیر، سنسن!داغلار دیر، یوللار دیر، اوزاق دیر، سنسن!دیلک دیر، اورک دیر، واراق دیر، سنسن!سؤزلریم قورخودان قارا گئیینیبگئجه دیر، اولدوز دور،سایاق دیر، سنسن!!!#ماحمود_دالغا#بیزیم_دیل👉🏻 @bizimdil 💫💫💫💫
پازلیارانیش تسبئحی قیریلدی او گونقوجا تانرینین شاشقین گوزلری اؤنوندهقیریقلاریم سپه لَندی پَرَم-پَرَم؛داغلارا،دره لره،دنیزلره....اوزون ایللردیر اوچورام دَلی کولکلرین قانادیندایوردسیز،یووواسیزتوپلایا بیلمیرم قیریقلاریمیایپه،ساپا چکمک اوچون اؤزوموشعره دولورام،شعر یازیرامقیریقلاریمی توپلاییرام واراقلاراپناهلانیرام کیتابلاراقینامایین وورغونام دنیز خویلو آداملارا قیریقلاریمی آختاریرام دلی سوو دالغالاریندایووووخ اولا بیلمهییر اولماییر...اولماییر...تاپیلماییر قطعه لریمتاماملاشمیر بو یاریمچیق پازلسانکی عؤمور بویو یاریجان؛ باش یازیم دیر اوچماق؛سَفیل-سرگردانقاچیرام... قاچیرام...چاتانمیرام اؤزومهاوچورام پارام- پارچا؛یالقیز-یالقیزایکینجی آدیم "پاییز".#سحر_خیاویhttps://t.me/secilmiseirler
✍️ M.Zamacois ✍️ م. زاماگویس⭕️ منیم لهجهم🔷 فرانسیزجادان چئویرن: #سوسن_نوادهرضیلهجهسی اوْلمایان آداما، آنجاق یازێغیم گلیر!اؤز ائلینین لهجهسینی اؤزۆنله داشێماق،اؤز توْپراغێندان بیر آزجاسێنی، باشماقلارێندا داشێماق کیمیدیر.اؤز «بریتانی»یادا «اوْوئرنی» لهجهن ایله دانێشماقبیر آز قورو یئرلریندن یا داغێندان یانێنجا داشێماق کیمیدیر.وطندن اوزاق ایکن، قایغێلار ایچینده باش آلێب قاچان زمانلهجهن؛ بیرآز وطندیر، گلیر آرخانجا سنین...سنین لهجهن، گؤز ایله گؤرۆنمهسه ده، بؤیۆك سفرلردهداشێدیغین بیر آز گۆوَنجین، بیرآز دا قێوانجیندیر سنین.جلای وطن زوْروندا قالان قارابختلر اۆچونیابانجێ سؤزلری بوْیایان دا، آغێزدیر، لهجهدیرسوْنوندا، لهجهسی اوْلماق، اوْنو ایشلتدیکجههر ندن دانێشسان بیله، وطندن بیر نغمهدیر سانکی. 🔶 من هیچ اوتانمیرام اؤز دۆزگون لهجهمدن!ایستیرم طنطنهلی اوْلسون، هم ده آیدێن و گۆرولتولو.ایستیرم، لهجهمی ائشیدنده خُلقوم - خویوم دڲیشمهدن هم باش اوجا دایانام، هم ده وقارلێ و غرورلو!@SancaqDergisihttps://t.me/Sancaq_media/8345
💢💢💢#بادام_آغاجیسئودیم سنی، باهار گونو باغیمیزدا. آغاجلار گولدولر، چیچکلر آغ دونلارینی سنه وئردیلر، آغاردی گونلریمیز، بختور اولدوق. قیسقاندیلار، مئشهلره قارا دوْنوز دولدو قوشلار اوچدولار، قارقالار بیزیم یاشیل باغلاری قارقیدیلار بادام آغاجینین بوداغیندا، بیر جوت گؤیرچین قالدی! آغ دونلاری اللرینده. سن آغلادین! منیم سینهمه قان دامدی کیمسه بیزی تانیمادی، بیز یانلیز گؤیرچینلر کیمین بوینوموز چینیمیزده قالدی. یانلیز گلدیک، ایکیمیز، سن ـ من گئجهنین گؤزوندن ایراق بادام آغاجینین دیبینده آرزولاریمیزی اکدیک سن آغلادین، منیم اورهییمه قان دامدی بیزیم آغ گونلریمیز بختور گونلریمیز گؤیَرهجکلر باغچانین ایچینده سنسیز، منسیز قارقالار مئشهدن، باغدان گئدهجکلر قارا دونوزلاردا. بادام آغاجی گینهده گول آچاجاق بیر جوت گؤیرچین قانادلاریندا بیزیم آدیمیزی یازاجاق. گینه ده آنام سنه ـ منه آغ دون توخویاجاققابار بارماقلاریندا. بادام آغاجی باغیمیزدا باهار گونو چیچکلرینی پایلاشاجاق. بیریسی «ساعات قاباغیندا» دار آغاجیندان آچیلاجاق اللریمیزی آچاجاق! بارماقلاریمیز بیر ـ بیر قیزاراجاق «امامیه» باشیندا بیریسی باغیراجاق - بیز قورخوروق، اولسون، یولا دوشسک هامی قورخولاریمیز بیتهجک. سئویرم سنی، باهار گونو پاییز گونو، قیش گونو،آرزولاریمین سویوقلوغونا باخمااورهییمده تونقال قالامیشامساباحکی گونهگونه باخان کیمی دنهلریمگونشلنهجک.باغیمیزدا سئرچهلر یووا قوراجاقبالا قویاجاق. ✍#محمود_بنیآدم (دالغا)#ایمگهلر_کانالی t.me/secilmiseirler%E2%9C%94%EF%B8%8F%E2%…
📕چنگیزخان(ساختن دنیای مدرن)✍🏻 #جک_وِدِرفورد«مغولان در مقام مقایسه با ملایمت بیشتری به دنیای فتح شدهی خود قدم گذاشتند.آنها سبک معماری خاصی با خود نیاوردند، در پی تحمیل زبان و دین خود به مردم مغلوب هم نیامدند، حتی در بیشتر مواردغیر مغولان را از یادگیری زبان مغولی منع میکردند. مغولان مردم را وادار به کشت محصول بیگانه نکردند و تغییر بنیادین در شیوهی عمومی اتباع خود ندادند..»#بیزیم_دیل👉🏻 @bizimdil 💫💫💫💫