💢💢💢#مشروطهچی_قادینلار آزربایجانلی قادینلار بوتون تاریخیمیزده اولدوغو کیمی مشروطه دؤنمینده ده اؤز…
انتشار: 2026/08/04 06:00 UTCدریافت: 2026/08/05 04:57 UTCآخرین مشاهده: 2026/08/05 04:57 UTC
💢💢💢#مشروطهچی_قادینلار آزربایجانلی قادینلار بوتون تاریخیمیزده اولدوغو کیمی مشروطه دؤنمینده ده اؤزگور و باغیمسیز یاشاماق اوچون دؤولت و ایشغالچی روسلارا قارشی ساواشیردیلار.چاغداش تاریخیمیزین صحیفهلرینی ورقلهییب باخدیقدا نئچه-نئچه قادینین ایزی گؤرونور.بو یازیدا چاغداش تاریخیمیزه ایز بوراخان ایگید قادینلاردان دانیشاجاییق؛یاخین کئچمیشده، ناصرالدین شاه دؤنمینده اولان تنبکی نهضتینده قادینلارین میتینگلره قاتیلیب یاراقلی-یاساقلی دوشمنه قارشی ساواشدیقلارینی بلگهلردن اؤیرنیریک.توتون-تنبکی یا همن رئژ جریانیندا تبریزلیلر تپکی (عکسالعمل) اولاراق بازاری باغلاییرلار.نئچه گون اوندان سونرا دؤولت بو اعتراضلارا سون قویماق اوچون بازاری آچدیریر.بیر-ایکی ساعات کئچمهدن نئچه یاراقلی قادین بازارا گلیب زورلا یئنیدن بازاری باغلاتدیریرلار.بونلارین باشچیسی اؤنباشی زینب و بیبی شاه زینب کیمی تاخما آدلاری اولان "زینب پاشا" ایدی.نهایت کوتلوی چابالارین سونوجوندا شاه گئری اوتورماق زوروندا قالیر.بوتون کوتلهنی ساواشا چاغیران "زینب پاشا"، چیخیشلارینین بیریسینده کیشیلرین اعتراض سسینی ائشیتدیکده "سیز کیشیلرین، ظالیملره قارشی ساواشماغا جورأتینیز یوخدورسا، قورخورسونوزسا آلین بو لئچهیی باشینیزا باغلایین" دئییب لئچهیی کیشیلره ساری آتیر."زینب پاشا" و اونون ۴۰ ایگید آرخاداشی (بونلاردان یالنیز فاطما نیسه، سولطان بهییم ماه شرف، جان بهییم، خئیرانسا، ماه بهییم و شاه بهییم آدلارینی شعرلردن اؤیرنیریک) قیتلیق چاغلاریندا ایسه مؤحتکیرلرین آنبارلارینداکی ارزاغی چیخاریب اوجوز قیمته ساتیب، پولونو مال یییهسینه وئریرمیشلر.خالقین بو کیمی ایشلرینه قارشی، حاکمیت ماراغا قوشونونو تبریزه چاغیریر.قوشونلا تبریزلیلرین آراسیندا اولان چارپیشمالاردا بیر کیشی، بئش قادین اؤلور."زینب پاشا" تبریز والیسینین آنبارینین ارزاغینی دا تبریزلیلر آراسیندا بؤلوشدورور.بو آرادا باش وئرن توققوشمالار سونوجوندا ۳۰ نفر اؤلدورولوب، والی ولیعهدین ساراینا سیغینیر."زینب پاشا"دان اولان سون بیلگیمیز اونون کربلایا گئتمهسیدیر.اما اوندان سونرا نه اولدوغونو، "زینب پاشا"نین باشینا نه گلدییینی بیلمیریک.آزربایجانین اونورلو و دوشونجهلی قادینلاری گاهدان دا کیشیلرین یوردلارینا و یوردداشلارینا اولان گؤرولرینی اونلارا آنماقلا، کیشیلری دوشمنله ووروشماغا چاغیریردیلار.تبریزین دوهچی محلهسی، دوهچیلی "میر هاشیم"ین الینده اولان چاغلاردا دوهچیلی قادینلار ستارخانا مکتوب یازیب بیر اؤرپکله یاناشی گئرچک درنهیینه (انجمن حقیقت) گؤندریرلر.ترقی قزئتهسینده چاپ اولان بو مکتوبون متنی بئلهدیر: "سیزین بیزیم بارهمیزده بیر تدبیر گؤرمهمهنیز عیب دئییل می؟ رحیم خانی و باشقالارینی قووا بیلدییینیز حالدا عجبا نه اوچون بیزلری 50 گون مودتینده زیندانداکی کیمی ساخلاییرسینیز؟ گلیز بیزلری خلاص ائدیز! بیزیم هامیمیزین محبتی سیزین طرفدهدیر".ستارخان اؤرپهیی گؤردوکده دئییر: "بونو دوهچیلی قادینلار بیزه گؤندریبلر کی، دوهچینی شاهچیلاردان قورتارا بیلمهسک باشیمیزا اؤرتک.سونرا "ستارخان" یوروش فرمانی وئریب، موجاهیدلر شاهچیلاری دوهچیدن قووورلار.آزربایجانلی و اؤزللیکله تبریزلی قادینلار مشروطه دؤنمینده اولان ساواشلاردا اؤزللیکله تبریز شهرینین 11 آیلیق موحاصیرهسینده "آسلانین ارکک دیشیسی اولماز" سؤزونو گؤزلجهسینه چؤزدولر. بو قادینلار ساواش چاغلاریندا دؤیوش مئیدانلارینین آرخاسیندا ساواچیلارا یئمک بیشیریب، گئییم تیکیب، جوراب توخویوب، یارالیلارین یارالارینی باغلاییب، سانیتارلیق (پرستارلیق) ائدیردیلر. "محمد سعید اوردوبادی" کیتابیندا کیشی پالتاری گئین دورد قادینین آدینی چکیب اونلاری مشروطه دئوریمینین ایلک سانیتارلاری بیلیر.هله آزربایجانلی قادینلارین بیر سیراسی بو کیمی ایشلره قانیخماییب، کیشیلرله یاناشی روسلار و تهراندان گؤندریلن اوردو ایله ساواشیرمیشلار.روس تاریخچی پاولیچ تبریز سنگرلریندن بیرینی ساوونان 60 چادرالی و یاراقلی قادینلارین شکیلیندن دانیشیر.او هم ده حبلالمتین گوندهلیک قزئتهسینین راپورلارینین بیریندن بئله نقل ائدیر: "مشروطهچیلرله شاه اوردوسونون آراسیندا اولان دؤیوشده 20 مشروطهچی قادینین اؤلوسو کیشی پالتاریندا تاپیلیب".1285-جی ایلده مشروطه دؤیوشلرینین بیرینده دؤیوشچولردن بیریسی یارالانیر.موجاهیدلر گنج دؤیوشچونون پالتارلارینی چیخاریب، یارالارینی باغلاماق ایستهدیکلری زامان، او مانع اولور. موجاهیدلر بو خبری ستارخانا چاتدیریب، گنج بیر دؤیوشچو یاراسینی سیخیب آغریدان قیوریلیر آما یاراسینی باغلاماق اوچون پالتارلارینی چیخارماغیمیزا ایزین وئرمهییر، دئییرلر.✍#محمدرضا_خیریفام#ایمگهلر_کانالی ✔️✔️✔️👇👇👇telegram.me/imgalar
پستهای تلگرام — ایمگهلَر️
💢💢💢سئوگی واردیر کی، دوْداقلاردا آچار گۆللرینیسئوگی واردیر کی، بیرآز قار کیمی، روزگار کیمیدیرسئوگی واردیر اوْخودور قلبیده بۆلبوللرینیبؤیله بیر سئوگی، منیم روحومو اوْخشار کیمیدیر....✍#میکاییل_مشفق#ایمگهلر_کانالی ✔️✔️✔️👇👇👇telegram.me/imgalar
💢💢💢🔷 چیخیب گئتمک ایستهییرمچیخیب گئتمک ایستهییرم، چیخیب گئتمک...هاردا، نئچه ایز-توزوم وار، ییغیب گئتمک...سون گولـلهمی اؤز باشیما سیخیب گئتمک...چیخیب گئتمک ایستهییرم، چیخیب گئتمک.بیر یاد قلبه اسیر دوشن حؤرمتیمی،"فرقی یوخدو، او گؤردومو، گؤرمهدیمی"ییغیب گئتمک ایستهییرم، ییغیب گئتمک...عؤمروم بویو ایکی همرأی سس تانیدیمخالقین سسی - حاققین سسیحاققین سسی - خالقین سسییویورموشم خالقا ساری، یئتمهمیشم،داها حاققین دالیسینجا گئتمهمیشمخالقین سسی حاق سسینه جالانماساهر ایکیسی، بیر اوجاغا قالانماسا،اودامیزدا اود ساخلاماق چتین اولار،اودسوز اوجاق اولسا بئله، یئتیم اولار.اودو یوخسا نهیی وارکی، بیر میللتین؟!اودو یوخسا، یالانی وار،یالانی وار، تالانی وار،یالانین دا قالانی وار،ساتانی وار، آلانی وار...یالان یوکو داشیماقدان یورولمادیق،دومان بؤرکو داشیماقدان یورولمادیق...بو گؤی آلتدا، بو یئر اوستده، یئریم داردی،دیل تاپدیغیم آداملار یوخ، آغاجلاردی،چینارلاردی، قوواقلاردی، پالیدلاردی،قونشولاریم سیغیرچینلار، قومرولاردیر...درد-سریمین چوخدو آردی، چوخدو آردی...یادداشیمدا چینقیللاشان، منسیز قالیب داریخاجاق دردلری ده،اورهییمین سیزیلدایان سسینی ده،آنلاریمین کؤورهیینی، ترسینی ده،ییغیب گئتمک ایستهییرم، ییغیب گئتمک...شیمشک کیمی هؤنکورتومو چاخیب گئتمک...بوش وعدهلر فخری یئرده أیلَشَنده،بئش تعریف-کئش یئرله-گؤیله أللشنده،یئر اوزونده یاشاماغا یئر چاتیشمیر،بؤر-بؤجهیه، قورد-قوشا دا یئم چاتیشمیر،دردیمیزی آغلاماغا، گؤز چاتیشمیر،قایغیمیزی بؤلوشمهیه سؤز چاتیشمیر.ایندی قبیر یئرلریمیز حراج-دادیر،حتی میللی آدلاریمیز حراج-دادیر،هاوامیزا ال اوزانیر- هاوامیزا،ال اوزانیر دردیمیزه- داوامیزا.کیمدی دوغان بو کینلری، غرضلری؟بوغوشماغا، دیدیشمهیه حریصلری؟!وارمی یازان بو اؤرنهیی بو درسلری؟!یوخمو بوغان، دئییلمهین بو سسلری؟!ایندی واللاه، ان بیرینجی چاشقین منم.یورددان-یوردا ان بیرینجی قاچقین منم.نه ایتیم وار، داش آتالار، هوردورهلر،نه آتیم وار، چوبوق چکیب، هورکودهلر،نه قویونوم، نه قوزوم وار، قوردا قیسمت،واریم-یوخوم بئش اون سؤزدو، یوردا قیسمت.بو توپراقدان بیرجه اوووج تورپاق آلیب،بیرجه کلمه خوش سؤز آلیب،اؤز کؤکومه ییغیب گئتمک ایستهییرم،ییغیب گئتمک، چیخیب گئتمک ایستهییرم،چیخیب گئتمک...!✍#ممد_آراز#ایمگهلر_کانالی ✔️✔️✔️👇👇👇telegram.me/imgalar
💢💢💢🔷 آچیل سحر،، اویان گۆنش✍ Kərim Məşrutəçi🎙 #یعقوب_ظروفچی#ایمگهلر_کانالی ✔️✔️✔️👇👇👇@imgalar
💢💢💢🔷 آچیل سحر،، اویان گۆنش✍ Kərim Məşrutəçi🎙 #یعقوب_ظروفچی#ایمگهلر_کانالی ✔️✔️✔️👇👇👇@imgalar
💢💢💢بۇ گۆن کدر آلیٛب تام اۆرهگیمی فیکریمی قاتیبدیٛر، دیلهنن قادیٛن امینم چتیندیر اونا بۇ یاشام ایستهگین آتیٛبدیٛر دیلهنن قادیٛن فیکریمی قاتیٛبدیٛر، دیلهنن قادیٛناۆرهگی دۇلۇدۇر ،گۆنلری قاراگۆل کیمی ازیلیب، کۆنۆلۆ یاراآغیٛر نیسگیلینه تاپماییٛر چاراگؤر هارا چاتیٛبدیٛر ،دیلهنن قادیٛن فیکریمی قاتیٛبدیٛر، دیلهنن قادیٛناۇتانا اۇتانا، باخیٛردیٛ یئرهکئفلی تک بۇلانیٛب، آخیٛردیٛ یئره عزتین، حؤرمتین، یاخیٛردیٛ یئرهنهیین می ساتیٛب دیٛر، دیلهنن قادیٛن ؟!فیکریمی قاتیٛبدیٛر دیلهنن قادیٛن سوْیۇق بیر کوچهده، اۇزانیٛب قادیٛنبیلن یوخ نئچهدن، اۇزانیٛب قادیٛن بلکهده گئجهدن، اۇزانیٛب قادیٛن چوْخ آغیٛر یاتیٛبدیٛر دیلهنن قادیٛن فیکریمی قاتیٛبدیٛر دیلهنن قادیٛن ✍#سلمان_عبدیزاده#ایمگهلر_کانالی ✔️✔️✔️👇👇👇telegram.me/imgalar
💢💢💢🔷 Gidiyorum🎼 #Sezen_Aksu#ایمگهلر_کانالی ✔️✔️✔️👇👇👇@imgalar