ABŞ terrorçu ordusunun ötən gecə İrana qarşı törətdiyi təcavüzkar aktlara dair İran İslam Respublik…
انتشار: 2026/07/09 09:44 UTC
ABŞ terrorçu ordusunun ötən gecə İrana qarşı törətdiyi təcavüzkar aktlara dair İran İslam Respublikasının Xarici İşlər Nazirliyinin bəyanatı Xarici İşlər Nazirliyi ABŞ terrorçu ordusunun iyulun 9-u (cümə axşamı) sübh çağı ölkənin cənub sahilyanı vilayətlərindəki bir neçə məntəqəyə, eləcə də şərq vilayətlərində yerləşən və müqəddəs Məşhəd şəhərinə gedən dəmir yolu xətti üzərindəki iki körpüyə qarşı həyata keçirdiyi, şübhəsiz ki, aşkar hərbi cinayət təşkil edən təcavüzkar hücumlarını ən kəskin şəkildə pisləyir; qeyrətli İran xalqının öz ərazi bütövlüyünü, suverenliyini və milli təhlükəsizliyini müdafiə etmək barədə qətiyyətli iradəsini bir daha bəyan edir. Hörmüz boğazında çərşənbə axşamı günü qanun pozuntusuna yol vermiş bir neçə tranzit gəmisi ilə bağlı baş verdiyi iddia edilən hadisələrə reaksiya bəhanəsi altında son 48 saat ərzində ABŞ-nin İran İslam Respublikasına qarşı yönəlmiş cinayətkar hücumları, nəinki BMT Nizamnaməsinin 2-ci maddəsinin 4-cü bəndinin aşkar şəkildə pozulması, həm də "Müharibənin başa çatdırılmasına dair Anlaşma Memorandumu"nun 1-ci və 5-ci bəndlərinin kobud surətdə tapdalanmasıdır. Bu, ABŞ-nin müharibənin başa çatdırılması barədə sazişə davamlı olaraq sadiq qalmamasını əsaslandırmaq üçün irəli sürdüyü bəhanədən başqa bir şey deyildir. İranın müdrik və cəsur milləti, inqilabın şəhid lideri ilə keçirilən tarixi vida mərasimlərində misilsiz iştirakı ilə ölkəmizin bədxah düşmənlərinə qarşı durmaq, habelə vətənimizin qüdrətini, milli suverenliyini və ərazi bütövlüyünü qorumaq üçün öz sarsılmaz iradəsini nümayiş etdirdiyi bir şəraitdə, ABŞ-nin şər və Psixi pozuntulu hakimiyyəti, iranlıların öz inqilab amallarına olan sədaqətinin və vətənpərvərliyinin əzəmətini dərk etməkdə aciz qaldığını kompensasiya etmək üçün təhqir, yalan və hərbi təcavüzə əl atmış, o cümlədən Məşhəd-ər-Rza istiqamətindəki dəmir yolu marşrutunu hədəfə almışdır. İran İslam Respublikasının Xarici İşlər Nazirliyi, ABŞ prezidentinin və digər rəsmilərinin böyük İran millətinə qarşı yönəlmiş cılız ritorikalarına qarşı nifrətini ifadə etməklə yanaşı, onların iyunun 18-nə təsadüf edən "Müharibənin başa çatdırılmasına dair Anlaşma Memorandumu"na sadiq qalmadıqlarını açıq şəkildə etiraf etmələrini, ABŞ hakimiyyətinin əhdəvəfasızlığının, rəzalətinin, müharibəpərəstliyinin və şər xislətinin növbəti bariz sübutu hesab edir. Xarici İşlər Nazirliyi, ABŞ terrorçu ordusunun son 48 saat ərzində həyata keçirdiyi vəhşi hücumlar nəticəsində şəhid olmuş əziz həmvətənlərimizin, o cümlədən ölkənin cənubunda vətəni müdafiə edən bir qrup dənizçinin şəhadəti münasibətilə başsağlığı bəyan edir. Nazirlik, İran İslam Respublikasının öz milli suverenliyini, ərazi bütövlüyünü müdafiə etmək və təcavüzkarları cəzalandırmaq əzmində olduğunu vurğulayır. İran İslam Respublikası, ABŞ hakimiyyətinin əhdəvəfasızlığının, qorxutma siyasətinin və rəzalətinin İranın milli hüquq və mənafelərinə xələl gətirməsinə heç bir vəchlə icazə verməyəcəkdir.
پستهای تلگرام — سفارت جمهوری اسلامی ایران - باکو
İran və Azərbaycan Respublikası gənclər və idman sahəsində əməkdaşlığın inkişafı barədə razılığa gəlibƏhməd Dünyamalı ilə Azərbaycan Respublikasının gənclər və idman naziri Fərid Qayıbov arasında keçirilən görüşdə idman diplomatiyasının inkişafı, idman federasiyaları arasında əməkdaşlığın genişləndirilməsi, birgə təlim-məşq toplanışları və yarışların təşkili, məşqçilər və idmançıların mübadiləsi, eləcə də təhsil və istedadların aşkar edilməsi sahəsində əməkdaşlıq barədə fikir mübadiləsi aparılıb.Həmçinin iki ölkənin 2026–2028-ci illər üzrə idman və gənclər sahəsində əməkdaşlığa dair İcra Proqramı sənədi hər iki ölkənin nazirləri tərəfindən imzalanıb.
Biləsuvar gömrüyündə keçidin asanlaşdırılması və sürətləndirilməsinin əhəmiyyəti vurğulandıƏrdəbil əyalətinin valisi Məsud İmami Yegane İranın Azərbaycan Respublikasındakı səfiri Müctəba Dəmirçilu, İslam Şurası Məclisində Parsabad, Biləsuvar və Aslandüzü təmsil edən deputat, eləcə də valinin tikinti və iqtisadi məsələlər üzrə müavinləri ilə birlikdə Biləsuvar sərhəd-gömrük keçid məntəqəsinə baş çəkib.Səfər zamanı ixrac, idxal və tranzit yükləri daşıyan yük avtomobillərinin hərəkətinin son vəziyyəti, eləcə də Biləsuvar gömrüyündə göstərilən xidmətlərin gedişi nəzərdən keçirilib. Həmçinin Azərbaycan Respublikasının Biləsuvar sərhəd-gömrük keçid məntəqəsinə baxış zamanı hər iki ölkənin yük avtomobillərinin keçidinin asanlaşdırılması və sürətləndirilməsi ilə bağlı fikir mübadiləsi aparılıb.
Mesajda bildirilir ki, ölkəmizin yeniyetmə güləşçilərinin qazandığı uğurlar və idmançılarımızın, məşqçilər heyətinin və idarəetmə heyətinin əzmkarlığı, iradəsi, həmrəyliyi və yüksək peşəkarlığı sayəsində ucaldılan gözəl və qürurverici İran bayrağı bütün iranlılar üçün iftixar və qürur mənbəyidir, eyni zamanda ölkəmizin dünya arenasında daha böyük uğurlar qazanması üçün zəmin yaradır.Qeyd edək ki, yeniyetmələr arasında sərbəst güləş üzrə dünya çempionatı 31 iyul–2 avqust tarixlərində Azərbaycan Respublikasının Bakı şəhərində keçirilib. İran millisi 3 qızıl, 1 gümüş və 2 bürünc medal, həmçinin 145 xalla ikinci yeri tutub.Bundan əvvəl isə İran komandası 27-29 iyul tarixlərində Bakıda keçirilən yeniyetmələr arasında yunan-Roma güləşi üzrə dünya çempionatında 2 qızıl, 2 bürünc medal və 96 xalla üçüncü yeri tutmuşdu.
İran səfirliyindən yeniyetmələrdən ibarət milli güləş komandasının uğurları münasibətilə təbrik mesajıİran İslam Respublikasının Bakıdakı səfirliyi yaydığı mesajda ölkəmizin yeniyetmə güləşçilərini Bakıda keçirilən dünya çempionatında qazandıqları uğurlar münasibətilə təbrik edib.
