پنجرهم اؤنونده سولار چاغلاییر،خال دوشور گئجهنین آیدینلیغینا.قوللاریم اوستونده بیر قیز آغلاییراینا…
انتشار: 2026/06/29 10:43 UTC
پنجرهم اؤنونده سولار چاغلاییر،خال دوشور گئجهنین آیدینلیغینا.قوللاریم اوستونده بیر قیز آغلاییراینانا بیلمهییر قادینلیغینا.باشینین اؤرپهیی یانا سوروشوبایچمهییب، مست اولوب...سببی نهیدی؟یئرین چکیسیزلیک قوطبونه دوشوببو قوطبو نه واختسا او، کئچمهلییدی.اؤزو گؤزلهدییی بیر گون گلیبدیایندی سوروشمایین، هئچ بیلمهییر اوقادینلیق قیزلیغا اوستون گلیبدیآغلایا-آغلایا گولومسهییر او.آچیب گؤزلرینی ایندی قالخاجاقتانیمیر اؤزونو شیرین رؤیاداقیزلار نه دئیهجک، بیلمیرم، آنجاق،موبارک! بیر قادین آرتدی دونیایا.بیر کیشی قایغیسی آرتدی، موبارک!بو گئجه هر قلبه نور النیبدینه قدر قادین وار او قدر دئمک،دونیایا قایغیلار سپهلنیبدی.آزالیر او بعضن، آرتیر او بعضنسینانیر وارلیغی، یوخلوغو اوچونبلکه من سئویرم دونیانی قلبن،قادین طبیعتلی اولدوغو اوچون.بعضن بیر ائیهاملا، یا باخیش ایله،نه قدر ایستهسن سؤز دئمک اولور.یالنیز بیر قادینین تبسّومویله،یوز آغلایان اولسا، کیریتمک اولور.کؤکسونده گیزلیجه سئون اورهیی،گؤزونده همیشه معلوم اولوبدو.کیشیلر اؤنونده، جبرله دئییل،قادینلار، خواهیشله مغلوب اولوبدو.قوللاریم اوستونده بیر گؤز یاشینی،بیر غریب گولوشو اؤپورم هله.اؤزو قیز ساچینی، قادین ساچینی،اوزومه داغیدیر اؤز اللرییله...#نریمان_حسنزاده🕊📚 @kurabazag #کوراباز_ادبی_گونش ✍
پستهای تلگرام — کوراباز ادبی گونش📚
▫️گؤرهسن ائله دۆزدن هامیسی بو قدر دایاز دوشونجهلیدیرلر یوخسا فقط سنین یوخلوغون باشقا اینسانلاری گؤزومده بو قدر دیَرسیز، بو قدر کارسیز ائلهییب؟#غسان_کنفانی🕊📚 @kurabazag #کوراباز_ادبی_گونش ✍
سلامعلیکینی کسمه کی وار اریک هلهلیک،بو باغ سنین، بو کؤنول، سئوگی اوستهلیک هلهلیک!پریشانام، گزیرم، شاهیدیم قدیم کوچهلر،تاوار، بازار، تزه میدان، پیرَتمَلیک هلهلیک.گئدیب سوراغینی قارتال داشیندا آختاریرام،دئیم، گلیب ساوالاندا چکیر کئشیک هلهلیک.یا بلکه ده ساری داشدان دوران او هئیکلدیر،شهر یئرینده باشین ساخلاییبدی دیک هلهلیک.باشیمدا مین دنه میسگر دۆکانینین سسی وار،فیٖلارموْنیک¹دی، چالیر سمفونیک موزیک هلهلیک.عاشیقلار عشقینه بو عشقه دؤرد آشیق آتدیم.نه آلچی دوردو، نه توْوخان، نه بؤک، نه جیک هلهلیک.بیچاق، اوراق، قمه، اوخ، دهره، بالتا، کرکی، گزن²،بو عشقی دوغراماغا اولدولار شریک هلهلیک.کسیک-کسیک کسیلیبدیر، بؤلوک-بؤلوک بؤلونوب،ایپک کیمی اورک اولموش دلیک-دلیک هلهلیک. ✍🏼 امین_رسولی¹- موزیکسئور²- کئچمیشده باشماقچیلارین گؤن کسمک اوچون ایشلَتدیگی ایتی آلت🕊📚 @kurabazag #کوراباز_ادبی_گونش ✍
▫️بو بویدا یالان اولماز!ائل بیر بئله دؤیولمز،بو بویدا تالان اولماز!اؤزگهلرین اؤنونده،بئله آلچالان اولماز!آندینا، گومانینا،آدینا، اؤز جانینا،اؤز چؤلونه، گۆلونه،اؤز دردینه دم توتانبو خاری بولبونه،ائلینه-اۇلوسونا،نامینا-ناموسونا،کئچمیشلی-گلهجکلینهیی وار... هامیسینا،گۆللـه اوخونان یئردهبونجا گۆلوب آچیلان،بئله آلچالان اولماز.جانیم، داها بسدی، بس،یوزماق بئله ایستهمز!یاریلان ائو بوش قالار،سوْیولان کالان اولماز!بو زورلاما قوْشقۇلارفال آچان فیلان اولماز!قانی ایچیلن خالقین،یوردو کیچیلن خالقین،قارا گون اوووتماغا یاتیر خزینهسی یوخ!جیزداغی چیخمیشلارینقالدیرماغا سسی یوخ!سن ده بئله عینادسان،اؤیونورسن* یئتَنده.گویا تامام آزادساناؤزو دوستاق وطنده.بو بویدا یالان اولماز،بئله آلچالان اولماز.#آغا_لاچینلی* فخر ائتمک🕊📚 @kurabazag #کوراباز_ادبی_گونش ✍
دیالوق▫️- بو راحاتلیقدا یوخ اولان دویغولارا نئجه گووَنمک اولار؟!🎬 Blue Valentine2010 آمریکادرک_سیانفرنس🕊📚 @kurabazag #کوراباز_ادبی_گونش ✍
مندن تزه شعیر خبر آلان دوست!بس یازین گلمهسی شعیر دئییلمی؟!گزمهیه چیخاندا چؤلون، چمنین،اۆزونه گولمهسی شعیر دئییلمی؟!یئنه گؤزوم قالیب باغچادا، باغدا،مین-مین گول آچیلدی آراندا، داغدا.ائیوانا اَییلن چارپاز بوداقدا،بولبولون نغمهسی شعیر دئییلمی؟!سئیر ائله حوسنونو گؤیده دورنانین،قایادا ککلیگین، گؤلده صونانین!آینابند اوتاقدا گلین آنامین،شیرین لایلای سسی شعیر دئییلمی؟!درهده موْروق* در، دؤشده چیهلک!گاه یاغیش خوش گلیر، گاه سرین کولک.یاش اؤتور، دوْیماییر دونیادان اورک،یاشاماق هوسی شعیر دئییلمی؟!کیم دئییر شعیرین مئیدانی داردیر؟سونو گؤرونمهین بیر ایلکباهاردیر.نئچه کی حیات وار، شعیر ده واردیر،حیاتین نفسی شعیر دئییلمی؟! ✍🏼 حسین عارف🕊📚 @kurabazag #کوراباز_ادبی_گونش ✍
بیلمم باشین بلالی ایمیش اولدوزون سؤنۆکقان طوفانی باشیندان آشان ای آنا وطنیاسلی خزانلار سوْلدو مگر کؤیشهنین باغین؟گئتدی موغانلی غوربته آه، کؤچدۆ شاهسونطوفان قوْپوبدا سئل سولاری باسدی هر یئریکۆل قالدی یوْللار اۆسته دئمک کؤچدۆ کاروانمسجید ده هر گئجه یاریسی یاندی تک چیراقیوردسوزلاری قوجاقلادی ویرانهلر... آمان✍ حبیب_ساهر🕊📚 @kurabazag #کوراباز_ادبی_گونش ✍