🔷🔷🔷خاطره خانلو و اکتای زمانینین بو ایفاسی دا بیر چوخ ایفالاری کیمی یاندیریجی و یاخیجیدیر آما دوغر…
انتشار: 2026/06/30 14:42 UTC
🔷🔷🔷خاطره خانلو و اکتای زمانینین بو ایفاسی دا بیر چوخ ایفالاری کیمی یاندیریجی و یاخیجیدیر آما دوغروسو منی بو شعرده ایشلهنن استعاره تیترتدی: کیشنر بولود آغلاربولودو آتا و گؤی گورولتوسونو آتین کیشنهمهسینه بنزتمک حقیقتن بیزیم ادبیاتین سیحیرلی بدعتلریندندی و گؤی گورولتوسو ایله ایلگیلی او قدر تاپماجا و مثل وار کی اونلاری بوردا گتیرمک اولماز و سادهجه بولود حاقدا اولان بیر تاپماجایا کفایت ائدیریک:عزیزییم امهر هئیبئلده گوموش کمر هئیگؤیده بیر مایدان گؤردومیئرده قولون امهر هئی.گؤردویونوز کیمی بو تاپماجا بولودو، دیشی آت یا مایدان فرض ائدیب کی یوخاریداکی ماهنیدا اولان «کیشنر بولود آغلار» استعارهسیله اوست اوسته دوشور.خاطره خانیما بو ایفاسینا گؤره آلقیش دئییب، یئری گلمیشکن اؤلمز شاعیر تیلیمخانین بولود حاقدا بیر تاپماجا شعرینی سیزلره تقدیم ائدیرم:او نهدی کی مهلر کئچراو نهدی کی الر کئچراو نهدی کی دهلر کئچرقانی قاینار، یاراسی یوخ.او بولوددو مهلر کئچراو یاغیشدی الر کئچرطعنهلی سؤز دهلر کئچرقانی قاینار، یاراسی یوخ.✍ابراهیم رشیدی 🕊📚 @kurabazag #کوراباز_ادبی_گونش ✍
پستهای تلگرام — کوراباز ادبی گونش📚
▫️گؤرهسن ائله دۆزدن هامیسی بو قدر دایاز دوشونجهلیدیرلر یوخسا فقط سنین یوخلوغون باشقا اینسانلاری گؤزومده بو قدر دیَرسیز، بو قدر کارسیز ائلهییب؟#غسان_کنفانی🕊📚 @kurabazag #کوراباز_ادبی_گونش ✍
سلامعلیکینی کسمه کی وار اریک هلهلیک،بو باغ سنین، بو کؤنول، سئوگی اوستهلیک هلهلیک!پریشانام، گزیرم، شاهیدیم قدیم کوچهلر،تاوار، بازار، تزه میدان، پیرَتمَلیک هلهلیک.گئدیب سوراغینی قارتال داشیندا آختاریرام،دئیم، گلیب ساوالاندا چکیر کئشیک هلهلیک.یا بلکه ده ساری داشدان دوران او هئیکلدیر،شهر یئرینده باشین ساخلاییبدی دیک هلهلیک.باشیمدا مین دنه میسگر دۆکانینین سسی وار،فیٖلارموْنیک¹دی، چالیر سمفونیک موزیک هلهلیک.عاشیقلار عشقینه بو عشقه دؤرد آشیق آتدیم.نه آلچی دوردو، نه توْوخان، نه بؤک، نه جیک هلهلیک.بیچاق، اوراق، قمه، اوخ، دهره، بالتا، کرکی، گزن²،بو عشقی دوغراماغا اولدولار شریک هلهلیک.کسیک-کسیک کسیلیبدیر، بؤلوک-بؤلوک بؤلونوب،ایپک کیمی اورک اولموش دلیک-دلیک هلهلیک. ✍🏼 امین_رسولی¹- موزیکسئور²- کئچمیشده باشماقچیلارین گؤن کسمک اوچون ایشلَتدیگی ایتی آلت🕊📚 @kurabazag #کوراباز_ادبی_گونش ✍
▫️بو بویدا یالان اولماز!ائل بیر بئله دؤیولمز،بو بویدا تالان اولماز!اؤزگهلرین اؤنونده،بئله آلچالان اولماز!آندینا، گومانینا،آدینا، اؤز جانینا،اؤز چؤلونه، گۆلونه،اؤز دردینه دم توتانبو خاری بولبونه،ائلینه-اۇلوسونا،نامینا-ناموسونا،کئچمیشلی-گلهجکلینهیی وار... هامیسینا،گۆللـه اوخونان یئردهبونجا گۆلوب آچیلان،بئله آلچالان اولماز.جانیم، داها بسدی، بس،یوزماق بئله ایستهمز!یاریلان ائو بوش قالار،سوْیولان کالان اولماز!بو زورلاما قوْشقۇلارفال آچان فیلان اولماز!قانی ایچیلن خالقین،یوردو کیچیلن خالقین،قارا گون اوووتماغا یاتیر خزینهسی یوخ!جیزداغی چیخمیشلارینقالدیرماغا سسی یوخ!سن ده بئله عینادسان،اؤیونورسن* یئتَنده.گویا تامام آزادساناؤزو دوستاق وطنده.بو بویدا یالان اولماز،بئله آلچالان اولماز.#آغا_لاچینلی* فخر ائتمک🕊📚 @kurabazag #کوراباز_ادبی_گونش ✍
دیالوق▫️- بو راحاتلیقدا یوخ اولان دویغولارا نئجه گووَنمک اولار؟!🎬 Blue Valentine2010 آمریکادرک_سیانفرنس🕊📚 @kurabazag #کوراباز_ادبی_گونش ✍
مندن تزه شعیر خبر آلان دوست!بس یازین گلمهسی شعیر دئییلمی؟!گزمهیه چیخاندا چؤلون، چمنین،اۆزونه گولمهسی شعیر دئییلمی؟!یئنه گؤزوم قالیب باغچادا، باغدا،مین-مین گول آچیلدی آراندا، داغدا.ائیوانا اَییلن چارپاز بوداقدا،بولبولون نغمهسی شعیر دئییلمی؟!سئیر ائله حوسنونو گؤیده دورنانین،قایادا ککلیگین، گؤلده صونانین!آینابند اوتاقدا گلین آنامین،شیرین لایلای سسی شعیر دئییلمی؟!درهده موْروق* در، دؤشده چیهلک!گاه یاغیش خوش گلیر، گاه سرین کولک.یاش اؤتور، دوْیماییر دونیادان اورک،یاشاماق هوسی شعیر دئییلمی؟!کیم دئییر شعیرین مئیدانی داردیر؟سونو گؤرونمهین بیر ایلکباهاردیر.نئچه کی حیات وار، شعیر ده واردیر،حیاتین نفسی شعیر دئییلمی؟! ✍🏼 حسین عارف🕊📚 @kurabazag #کوراباز_ادبی_گونش ✍
بیلمم باشین بلالی ایمیش اولدوزون سؤنۆکقان طوفانی باشیندان آشان ای آنا وطنیاسلی خزانلار سوْلدو مگر کؤیشهنین باغین؟گئتدی موغانلی غوربته آه، کؤچدۆ شاهسونطوفان قوْپوبدا سئل سولاری باسدی هر یئریکۆل قالدی یوْللار اۆسته دئمک کؤچدۆ کاروانمسجید ده هر گئجه یاریسی یاندی تک چیراقیوردسوزلاری قوجاقلادی ویرانهلر... آمان✍ حبیب_ساهر🕊📚 @kurabazag #کوراباز_ادبی_گونش ✍