▫️آنا دیلیممن «چال!» دئدیم، «اوجال!» دئدیم،من «وور!» دئدیم، «قالدیر!» دئدیم.سؤز هوجومدور، سؤز حم…
انتشار: 2026/07/06 11:45 UTC
▫️آنا دیلیممن «چال!» دئدیم، «اوجال!» دئدیم،من «وور!» دئدیم، «قالدیر!» دئدیم.سؤز هوجومدور، سؤز حملهدیر،بیرجه کلمه بیر جوملهدیر.سن دیلدهکی قودرته باخ، جورأته باخ!بیر جوملهنی بیر کلمهیه سیغیشدیران،کلمهدهکی باریتا باخ!یوز ایللرین الهییندن آریدیلمیش آریتا باخ!ددهلریم بو سؤزلرین آلووونو گئیینیبدیر،اورکلری بو سؤزلرین وورغوسویلا دؤیونوبدور.قالخان تاخیب «قالخ!» سسینه،ووروشوبدور «وور!» سسینه.آخی نییه دَییشدیرک بیزیم قورقود آتامیزینیاراتدیغی کلمهلری، باشقاسینین گلمهسینه؟!نییه منیم آنام «مادر»،نییه آتام «پدر» اولسون؟بو دولاشیق تجارتده،نییه منیم دوغمالاریماوزگهسینین تاپداغیندا هدر اولسون؟!نییه یادین بهمَزینه¹ «بال» دئمهلی،اؤز آشیما «یال»² دئمهلی؟نییه منیم آنا دیلیمگلمه دیلین قاباغیندا،تیتیم-تیتیم تیترهمهلی؟نییه دوغمام یاد اولمالی،اؤز سؤزلریم اؤز دیلیمدن قووولمالی؟هئچ گؤردونمو توراغایی قارغا کیمی قا-قا دئییه؟هئچ گؤردونمو سیغیرچینی سرچه کیمی جوککولدهیه؟سؤزلرین ده میلّت کیمی اؤز ازلی صیفتی وار،هر کلمهنین اؤز جؤوهری، فیطرتی وار.دَییشنده یاد سؤزونه اؤز سؤزونو، اؤز لهجهنی،صیفتینی دَییشیرسن،تانیمیرام اوندا سنی،آنلامیرام فیطرتین نه، صیفتین نه.گؤوشهینده سن اؤزگهنین سؤزلرینی،صیفت تاخدین صیفتینه،سن توپوردون اؤز بابانین اوجاغینا.آنان سنی بو اوجاغا اؤولاد دوغوب،سنسه گیردین اؤزگهسینین قوجاغینا.هر میلّتین ان قیمتلی ثروتیدیر آنا دیلی.اؤولادلاری یئر اوزونه سپهلنسه، پرن-پرن دوشَنلرین وحدتیدیر آنا دیلی.بو دونیانین هانسی اوزاق قوجاغیندا سسلنرسه،او قوجاغی منیم اوچون عزیزلهدن آنا دیلیم،غوربتیده وطن ائدن آنا دیلیم،سؤزلرینین نغمهسینده روحوموزو جینگیلددن آنا دیلیم،منی آنا وطنیمین بوتون اوغول-قیزلارییلاقوهوم ائدن آنا دیلیم!سن گؤزلره گؤرونمهین بیر تئلسن کی،یول آچمیسان کئچمیشیمدن گلهجهیه.آنا یوردون اؤز روحونو کئچیریرسن،بو نسیلدن او نسیله،او اورکدن بو اورهیه.اؤز دردیمی، سئوینجیمیدوداغیمدا چاغلادانیم،منی آنا وطنیمه،بوگونومو صاباحیمادونَنیمه باغلادانیم،ائی سسیمه سس وئرهنیم!سن ائی منیم وارلیغیمی یئر اوزونه گؤسترهنیم!ائی شرفیم، ائی بایراغیم!ائی آنامین کیتابیندا آدی قالان!دوغما ایکن اوگئی اولان سینه داغیم!«ختایی»نین قیلینجیندا«فضولی»نین غزلیندهبولؤولهنیب اورخاولانان سؤز کسَریم!داغلاریمدان دامجی-دامجی سیزیب گلن اؤز اثریم!ائی بو گونو دیلیم-دیلیم پارچالانان آنا دیلیم!سینهسینده اود قالانان آنا دیلیم!قاپیلارین آرخاسیندا بوینو بوکوک قالان دیلیم!وار ایکن یوخ اولان دیلیم!آیاقلاردا کیلیم دیلیم!ووروشلاردا بیر قهرمان،باریشلاردا حلیم دیلیم!یادین فیتواسییلا، اؤز گوللـهمیزلهاؤزگهنین دیلینه اوو اولان دیلیم!مؤهورلو، حوقوقلو ایدارهلردنداخمالار کونجونه قووولان دیلیم!عالی طبقهلر سنی داندیلار،سن بیر عومّان ایکن، دایاز ساندیلار،اؤزگهنین دیلینده خوروزلاندیلار.سن ائی اؤز ساجیندا قوورولان دیلیم!«ختایی» تاختیندا سن فرمان اولدون،دیللره حؤکم ائدن قهرمان اولدون،بس نییه سن بو گون پریشان اولدون؟«بابک» قیلینجیندان اود آلان دیلیم!تاریخین یولونو کئچدین اوغورلو،سنه باتانمادی بیر قولو زورلو.دونَنی مؤحتشم، صاباحی نورلو،ایندیسی تاپدانیب اووولان دیلیم!آنالی، آتالی، آی یئتیم دیلیم!شرفیم، شؤهرتیم، غئیرتیم دیلیم!بختیار وهابزاده 🕊📚 @kurabazag #کوراباز_ادبی_گونش ✍
پستهای تلگرام — کوراباز ادبی گونش📚
▫️گؤرهسن ائله دۆزدن هامیسی بو قدر دایاز دوشونجهلیدیرلر یوخسا فقط سنین یوخلوغون باشقا اینسانلاری گؤزومده بو قدر دیَرسیز، بو قدر کارسیز ائلهییب؟#غسان_کنفانی🕊📚 @kurabazag #کوراباز_ادبی_گونش ✍
سلامعلیکینی کسمه کی وار اریک هلهلیک،بو باغ سنین، بو کؤنول، سئوگی اوستهلیک هلهلیک!پریشانام، گزیرم، شاهیدیم قدیم کوچهلر،تاوار، بازار، تزه میدان، پیرَتمَلیک هلهلیک.گئدیب سوراغینی قارتال داشیندا آختاریرام،دئیم، گلیب ساوالاندا چکیر کئشیک هلهلیک.یا بلکه ده ساری داشدان دوران او هئیکلدیر،شهر یئرینده باشین ساخلاییبدی دیک هلهلیک.باشیمدا مین دنه میسگر دۆکانینین سسی وار،فیٖلارموْنیک¹دی، چالیر سمفونیک موزیک هلهلیک.عاشیقلار عشقینه بو عشقه دؤرد آشیق آتدیم.نه آلچی دوردو، نه توْوخان، نه بؤک، نه جیک هلهلیک.بیچاق، اوراق، قمه، اوخ، دهره، بالتا، کرکی، گزن²،بو عشقی دوغراماغا اولدولار شریک هلهلیک.کسیک-کسیک کسیلیبدیر، بؤلوک-بؤلوک بؤلونوب،ایپک کیمی اورک اولموش دلیک-دلیک هلهلیک. ✍🏼 امین_رسولی¹- موزیکسئور²- کئچمیشده باشماقچیلارین گؤن کسمک اوچون ایشلَتدیگی ایتی آلت🕊📚 @kurabazag #کوراباز_ادبی_گونش ✍
▫️بو بویدا یالان اولماز!ائل بیر بئله دؤیولمز،بو بویدا تالان اولماز!اؤزگهلرین اؤنونده،بئله آلچالان اولماز!آندینا، گومانینا،آدینا، اؤز جانینا،اؤز چؤلونه، گۆلونه،اؤز دردینه دم توتانبو خاری بولبونه،ائلینه-اۇلوسونا،نامینا-ناموسونا،کئچمیشلی-گلهجکلینهیی وار... هامیسینا،گۆللـه اوخونان یئردهبونجا گۆلوب آچیلان،بئله آلچالان اولماز.جانیم، داها بسدی، بس،یوزماق بئله ایستهمز!یاریلان ائو بوش قالار،سوْیولان کالان اولماز!بو زورلاما قوْشقۇلارفال آچان فیلان اولماز!قانی ایچیلن خالقین،یوردو کیچیلن خالقین،قارا گون اوووتماغا یاتیر خزینهسی یوخ!جیزداغی چیخمیشلارینقالدیرماغا سسی یوخ!سن ده بئله عینادسان،اؤیونورسن* یئتَنده.گویا تامام آزادساناؤزو دوستاق وطنده.بو بویدا یالان اولماز،بئله آلچالان اولماز.#آغا_لاچینلی* فخر ائتمک🕊📚 @kurabazag #کوراباز_ادبی_گونش ✍
دیالوق▫️- بو راحاتلیقدا یوخ اولان دویغولارا نئجه گووَنمک اولار؟!🎬 Blue Valentine2010 آمریکادرک_سیانفرنس🕊📚 @kurabazag #کوراباز_ادبی_گونش ✍
مندن تزه شعیر خبر آلان دوست!بس یازین گلمهسی شعیر دئییلمی؟!گزمهیه چیخاندا چؤلون، چمنین،اۆزونه گولمهسی شعیر دئییلمی؟!یئنه گؤزوم قالیب باغچادا، باغدا،مین-مین گول آچیلدی آراندا، داغدا.ائیوانا اَییلن چارپاز بوداقدا،بولبولون نغمهسی شعیر دئییلمی؟!سئیر ائله حوسنونو گؤیده دورنانین،قایادا ککلیگین، گؤلده صونانین!آینابند اوتاقدا گلین آنامین،شیرین لایلای سسی شعیر دئییلمی؟!درهده موْروق* در، دؤشده چیهلک!گاه یاغیش خوش گلیر، گاه سرین کولک.یاش اؤتور، دوْیماییر دونیادان اورک،یاشاماق هوسی شعیر دئییلمی؟!کیم دئییر شعیرین مئیدانی داردیر؟سونو گؤرونمهین بیر ایلکباهاردیر.نئچه کی حیات وار، شعیر ده واردیر،حیاتین نفسی شعیر دئییلمی؟! ✍🏼 حسین عارف🕊📚 @kurabazag #کوراباز_ادبی_گونش ✍
بیلمم باشین بلالی ایمیش اولدوزون سؤنۆکقان طوفانی باشیندان آشان ای آنا وطنیاسلی خزانلار سوْلدو مگر کؤیشهنین باغین؟گئتدی موغانلی غوربته آه، کؤچدۆ شاهسونطوفان قوْپوبدا سئل سولاری باسدی هر یئریکۆل قالدی یوْللار اۆسته دئمک کؤچدۆ کاروانمسجید ده هر گئجه یاریسی یاندی تک چیراقیوردسوزلاری قوجاقلادی ویرانهلر... آمان✍ حبیب_ساهر🕊📚 @kurabazag #کوراباز_ادبی_گونش ✍