آیا کیمسه‌نیز، آراز تورک جنابلارینی تانییورسونوز؟!ایکی ایل اؤنجه، سایین آراز تورک آدلی مرندلی بیر ش…

آیا کیمسه‌نیز، آراز تورک جنابلارینی تانییورسونوز؟!ایکی ایل اؤنجه، سایین آراز تورک آدلی مرندلی بیر شاعیر، منه خاطیر بیر قوشما شعر دئییب و باکیلی عطرین خانیمین گؤزل سس و ایفاسیلا، منه گؤندرمیشدی.هر قدرشناس انسانلا راستلاشاندا، اؤرکدن سئوینه‌رم. بو ندنله بو اورکدن جوشموش سس و ایفادان سئوینیب و تانیمامیش بو ایکی عزیز صنعتکاردان تشکّور ائدیب و بو گؤزل ایکی ایفانی‌، مرندیم کانالیندا پایلاشدیم. آرتیرمالییام، بو گؤزل ایفا و سس، ائشیدنلر طرفیندن، چوخ ماراقلا قارشیلاندی.بوگون آرشیویمده بیر دیگر قونونو آختاریردیم، گینه بو ایفایا راستلاندیم.منیم اینانجیم بودور کی بیری منه ساری، بیر آددیم آتسا، من اونا ساری، یوز آددیم گئده‌رم و یوز آددیم گئتمک، منیم وظیفه و بورجومدور.اصلینده بیر یاخجیلیقدان تشککور ائتمک، هر دوشونن آدامین بورجودور. اؤرنک اوچون منیم اینستاما باخسانیز (marandimm)، دونن گئجه بیر اؤزل پست‌دا، سایین محمد مصطفائی‌نین خدمتلریندن تشکور ائتمیشدیم تا هم آقا محمد و هم اوخوجولار، بیلسینلرکی ، مرندده واردیر، کیمسه‌لر کی یاخجیلیغی اونوتمازلار وهر زامان اونلارین خدمتلری دیر آلتیندادی.ایندیده هم آراز تورک جنابلارینین شعرینی و هم عطرین خانیمین ایفاسی‌نی تقدیم ائتمک یانی‌سیرا؛ سیز عزیزلردن ریجام وار ، اگر بو دیرلی دوستوم، آراز تورک جنابلارینی گؤرسه‌نیز منیم سلام و تشکورومو چاتدیراسینیز و مومکون اولسا اونو منه تانیتدیراسینیز!سایقیلاریملا: هدایت 8تیر1405#آراز_تورک#عطرین#هدایت#تاریخ_مرند