‍ ئەندامیٛ لاشەی و نامیٛ جوگرافییٛئانزان جە ویەرو زەمانەینە، کەلکش جە نامیٛ ئەندامانو لاشەی هۉرگیٛر…

‍ ئەندامیٛ لاشەی و نامیٛ جوگرافییٛئانزان جە ویەرو زەمانەینە، کەلکش جە نامیٛ ئەندامانو لاشەی هۉرگیٛرتەن پەی نامەنیای یاگیٛ و شۉنیٛ جوگرافیای. با سەرنجە بدەیمیٛ.مل: پەی نامیٛ (ملە، ملەگا)ی بەکار لوێنە، لاو ئیٛمە یاگیوە هەنە پەنەش ماچا ملەگاو سواری، ملەگاو چناری. ڕەنگە گردو دەگایەکاو هەورامانینە یاگیوە بۉنە بەنامیٛ (ملە/ملەگا) یوە.شانە: پی شانەرە بلوە سەر. شانو کەشی، هەڵای نەیاوانی لوتەو کەشەکەی.باسک: بیەن بە باسکە، باسکەدریٛژ،گەردەن: بیەن گەردەنە. هەرچندە هەورامینە کەم بەکار مەیۉ، وەلێم واچێوەی ڕەسەنەنە، هنەو ویٛمانە مەشۉ بەکاربەیۉ. گەردەنم ئازادکەرە. دەینت بەگەردەنم.لوتە: لوتەو کەشی، بەرزتەرین یاگیٛو کەشی.چەم: بیەن بە چەمە، سەرچەمە.گۉش: فرەو یاگانە بەکارمەیۉ، گۉشەو کەشەکەی، گۉشەو زەمینەکەی.سەرە: فرەو یاگانە بەکارمەیۉ. سەرکەش، سەروبانی، سەرچمەپا: پاینو زەمینەکە، پاینو کەشەکەی، پاینو دەشتەکیٛ. پێدەشت: پادەشتقۉڵ: بیەن بە (لا) چی قۉڵەوە ئامان. چی لاوە ئامان.گڵوی: بیەن بە گڵوە، یاگێوە کە دویٛ کەشیٛ راێوە تەسکەشا بلۉپۉرە.دووەتەنگا: تەنگە، کەلەتەنگە جە نۉتشە، نەدیەنم ئەکیدا یاگیٛ تەنگیٛش هەنیٛ.سینە: لاو ویٛما، سینەو مەیەسیاویٛ، سینەو خانەی هەن.لەمە: دیوارەکە لەمەش دێنە. یانی چینەکەش خراپیان و بەر پران.سەرنجە مدەیمیٛ کوردیچنە بڕێوی تەریٛ هەنیٛ کە گرد پیٛوەرە تەمام کامڵیٛ مەبانیٛگوێسەبانە، پێدەشت، جەرگە، یانی دلیٛڕاسەو یاگێوە. شاخیٛ ئاژەڵی (قۆچ) بیەن بە شاخ/ کەژ و چیا. لێو بیەن بە لێوار.برای هامزوانم، ئەگەر توچ چیٛوێ ئەچیمەنت ویرەن بنویسەشکەلکم جە فەرهەنگو ئیتمۆلۆژی. شاسوار هەرشەمی گیٛرتەن.ناجح گوڵپی. 30/6/2026