مشکین منطقهسینین مرکزی اولان خیاو شهرینده، اوچ قیز اوشاغی ال-اله وئریب و او خاطرهلی خییاوانی دول…
انتشار: 2026/08/27 15:25 UTCدریافت: 2026/08/27 17:35 UTCآخرین مشاهده: 2026/08/27 17:35 UTC
مشکین منطقهسینین مرکزی اولان خیاو شهرینده، اوچ قیز اوشاغی ال-اله وئریب و او خاطرهلی خییاوانی دولانبا دولان دولانیب، نغمهلریمیزی ترنم ائدیرلر و من بونلاری اومود چیچکلری آدلاندیریرام.👇 @yekansasi98مشکین منطقهسینین مرکزی اولان خیاو شهرینده، اوچ قیز اوشاغی ال-اله وئریب و او خاطرهلی خییاوانی دولانبا دولان دولانیب، نغمهلریمیزی ترنم ائدیرلر و من بونلاری اومود چیچکلری آدلاندیریرام.بیز قانلی و قاداغالی گونلری گؤرموشوک آما هئچ زامان اومودوموزو الدن وئرمهمیشیک و اومود انبؤیوک سرمایهمیز اولوب بو یولدا. البته کی بونو اؤندرلریمیزده گؤروب گؤتورموشوک. باخین، زهتابی آذرین ۲۲سینده دوغولوب و ۲۳ ایل سونرا، قانلی آذرین ۲۲سی و اؤز دوغوم گونونده تبریز کوچهلرینی دولانیب، هر یئرده جسد و فریاد گؤرسه ده، اومودونو ایتیرمهییب و بئله دئمیشدی:بلی داش یاغسادا گؤیدن، سن اوسان من ده بویام،واردی سنین باشقا آنان، واردی منیم باشقا آنام،گون گلر، صفحه چؤنر، مجبور اولارسان گئدهسن.بو میصراعلاری ائله بیر دورومدا سؤیلهییب کی، هر کوچه باشیندا بیر جلاد "آذربایجانی یوز ایل سوسدوردوق" دئیه باغیریردی آما زهتابیده ذره قدر اومودسوزلوق و قورخو یوخویدو و بو قیزلار ایندی دقیق همن رولو اویناییب و دئییرلر کی: بوگونلر ده کئچر، سیز ده گئدرسیز. بیز قالاریق، بیر ده بو کوچهلر قالار، بیز اوخویاریق، کوچهلر اوینار.قانلی آذردن ایکی ایل سونرا، زهتابی ایکی ایل موددتینده سیبری بوزلاقلارینا سورگون ائدیلدی. زهتابینین اوردا نهلر چکدیگینی نه من حیس ائده بیلرم نه بو سطیرلری اوخویانلار. کئشگه بو سطیرلری یازماغا مجبور اولمازدیم. هاوا صیفیر آلتی اوتوز-قیرخ درجهده، یوغون ایپلری سورگون وارلیغیمیزین ساغ چیگنیندن سالیب سول قولتوغوندان کئچیریردیلر حئیوان استالینچیلر. دوغرانمیش اودونلاری آغیر سوروتمهلره یوکلهییب، قار اوستونده چکیردی تورکون انقلابچی بیلگینلری. گونده اوندؤرد ساعات و بئله آجیناجاقلی ایللرده زیندانیلر اؤزلرینی اؤلدورمهیه فورصت آختاریردی. آما زهتابی دئییردی: قالیرام خالقیما مشعل آپارام.ایران انقلابیندان سونرا، باشباخان مهدی بازرگاندان مثبت جاواب آلیب، تیر آیینین اوچونده وطنه گلدی. آما دؤرد ایل سونراسی هئچ بیر گوناهی اولمادان توتوقلانیب دؤرد ایل بیرگون محبوس ائدیلدی. دئییرلر تبریز زیندانی او ایللر آچیقجاسینا جهنم ایمیش و ۶۶ یاشلی قوجا پروفسور، او ایشکنجهلر و آلچاتمالارا یالنیز اومود و گلهجک نسلیمیزه خاطیر دؤزوب و ایندی او نسیل گلیب گلیشیب.من بو قیزلاری موتلو و خوشبخت حیس ائدیرم، ایناندیغیم قدر موتلو. چونکو اونلار، بو آددیملاری، بو شن حایاتلاری و بو گؤزل سسلری ایله گلهجهیین وثیقهسیدیرلر و شهرلریمیزین دیریلیک سیمگهسی.ابراهیم ساوالان@yekansasi98
پستهای تلگرام — یئکن سسی کانالی ) yekənsasi
وال استریت ژورنال: کاخ سفید پیشنهاد بازگشت به تفاهمنامه اسلامآباد که توسط پاکستان ارائه شده بود را رد کرد.@yekansasi98
کویت و پاکستان پیمان همکاری دفاعی و نظامی امضا کردند.@yekansasi98
سخنگوی وزارت خارجه روسیه: همراه ایران برای مقابله با فشارهای تحریمی تلاش میکنیم@yekansasi98
ناو هواپیمابر «تئودور روزولت» به همراه ناوگروهش، در مسیر استقرار طولانی در خاورمیانه!مؤسسه نیروی دریایی آمریکا گزارش داده است که ناو هواپیمابر «تئودور روزولت» و گروه رزمی آن برای استقراری بیش از ۷ ماه در خاورمیانه آماده میشوند؛ فرمانده ناو نیز خدمه را برای مأموریتی حدود ۸ ماهه آماده میکند. این استقرار در شرایطی انجام میشود که حضور و عملیات دریایی آمریکا در منطقه بهدلیل ادامه درگیری با ایران افزایش یافته است.@yekansasi98
سخنان جنجالی قائمپناه معاون پزشکیان که با واکنش های متفاوت کاربران مواجه شد: من اگر بودم و میدانستم آمریکا میخواهد رهبرمان را شهید کند دست از غنی سازی برمیداشتم!@yekansasi98
ترامپ:ما یک خلیج داریم. ما یک دریاچه داریم. حالا به یک اقیانوس نیاز داریم.پس شاید مجبور شویم نام اقیانوس اطلس یا اقیانوس آرام را تغییر دهیم.@yekansasi98