#فیلم_تانیتیمی فیلم آدی: Human, Space, Time and Human تورکجه آدی: انسان، مکان، زامان و انسان فارسجا…
انتشار: 2026/07/10 16:13 UTCدریافت: 2026/08/15 01:44 UTCآخرین مشاهده: 2026/08/15 01:44 UTC
#فیلم_تانیتیمی فیلم آدی: Human, Space, Time and Human تورکجه آدی: انسان، مکان، زامان و انسان فارسجا آدی: انسان، فضا، زمان و انسان رئژیسور و سئناریو: کیم کی دوک چیخیش ایلی: ۲۰۱۸ تانیتیم یازان: #احمد_یوسفی #ادبیات_ائوى @AdabiyatEviانگلیسجه فیلمین آدی «Human, Space, Time And Human» فارسجادا «انسان، فضا، زمان و انسان» ترجمه اولونوب. بیز ده آذربایجان تورکجهسینده «انسان، مکان، زامان و انسان» آدین اویغون گؤردوک. بو اثر کیم کی-دوکون سناریس و رئژیسورلوغو ایله ۲۰۱۸-جی ایلده جنوبی کره سینماسیندان دونیا کینوماتوگرافیک عالمینه یاییلمیشدی. فیلم ۱۰ نمرهدن ۵/۸ نمرهنی IMDB سایتیندان قازانمیشدیر. دئمهلی بو نمره اثرین اینجه مقامینین سجیّهسینه لاییق گؤرونمور.اثر، انسانلیغین اِتیکا و میستیک کولتلرینی حتّی ایرهلی گئتدیییمیزده مزلو نظریّهسینی ده اطرافلی گؤزدن کئچیریر.فیلمین باشلانغیجی بیر دؤیوش گمیسینین اوستونده کئچیر. حادثهلر بیر هفتهلیک سیاحته چیخان انسانلارین آراسیندا گئدیر. سیاحتده مختلف مدنی و سوسیال کیملیکلره عاید اولان انسانلار واردیرلار؛ اورتا یاشلی اکستریمیست سیاسی فعالیّتی اولان حتّی پرزیدنتلییه آدایلانان سناتور اوغلو ایله بیرلیکده، وورغون گنج قیز آداقلیسیله بیرگه، ایکی ژاپونیالی، اوچ فاحشه، آزغین بیر جانی طرفیندن اداره اولونان گانگستر دستهسی و سیرلی-سئحیرلی، لال قوجا اونلاری بیر آلای کیمی گؤرونتویه چیخیرلار. اثرده رئژیسور، مختلف یوللار ایله عدالتسیزلییی هم ده آلوقیزمی اعلا شکیلده ایفاده ائدیبدیر. سناتور بیر ائقوییست اولاراق بو سیاحتده یاخشی خؤرک یاخود کیفیّتلی حیاتی الده ائتمک اوچون چوخلو جنایتلر تشبوث ائدیر. سناریست بو کیمی کاراکترلری یازییا آلینماسی و رئژیسورون گؤستردییی انسانین اجتماعی قورولوشوندان بیر نمونه ساییلیر.حالبوکی عدالتسیزلیک دومینو کیمی سوسیال جمعیّت ایچینده چوخلو سارسینتیلار یارادا بیلدییی اوچون بو گمینین قوناغی گنج قیزلا یاناشی اوغلانین اعتراض ائتمهسینه سبب اولور. بو اعتراض دا اونلارین حیاتلارینی بیر تراژدییه گتیریب چیخاریر. گنج قیزین آدی اثرده «حوا» اولاراق بیزیم مفکورهمیزده، حتّی؛ ادبیات، اجتماعی، تاریخ و یا دینی حادثهلرله بیرلیکده اؤزونهمخصوص صفحه آچیر.بو کیمی عدالتسیزلیکلر گمیده اولان انسانلارین آراسیندا؛ سارسینتی، چاخناشما، سرت چارپیشما و قیرغینلیغا سبب اولور. گئجه کئچیر، سحر نوبتی اولاندا قالان انسانلار گمینی سمادا آسیلی وضعیّتده گؤروب سَکسهنیرلر. اثرین سونونا قدر گمی گؤیده گئدیر. انسانی اینتریقالار، عدالیکسیزلری یارادیرلار. لاکین عدالتین تضییغی، انسانین حیاتین محو ائده بیلر. آیری طرفدنسه بو مسئلهیه باخاندا، دارویننین تکامل نظریّهسی ایله تصادف ائدیریک. گوج، خؤرک و سایره وارسا، حیات دا وار دئیه او آن انسان؛ داها بوندان اوّلکی کیمی تطبیق ائتمهییر. آنجاق او، اؤتکملیک گؤزلویو ایله حیاتا باخیر. ایندیسه او، اتیکا و یا اجتماعی حیاتین آراسیندا هانسیسین سئچمهلیدیر؟تایوانداکی ملّی کائوسیونگ نورمال یونیورسیتئتینین دیل کافئدراسینین دیرئکتورو، «جیدا تسوی یو لی» بیر تنقیدینده بو سوالی تقدیم ائدیر: «بو فیلم فوندامنتال و فلسفی اولاراق انسانین مفکورهسینده بیر سوال قالدیریر: دونیادا انسانلارین حیاتی باشا چاتاندا، او یاشاماغین معناسینی یئتیشجکمی؟»من بو اثره باخاندان سونرا بئنیمین دامارلاریندا هله لذّتیندن دویمایان کتابدان بیر پارچا یادیما دوشدو. آرتور سی کلارک، «انسان و فضا» کتابیندا بئله یازیر: «بیر عصر کئچمهدن؛ قاپالی و انتظاملی گوتیک عصرینده اولان کوسموسه باغلی ایناملارلا باخاراق، حتّی اونون اوچ قاتلی اینانجلاری؛ جنّت، یئر و جهنّمین قورولوشو بیله اونودولوردو. بلکه ده اونون سون قالیقلارین میلتونون "ایتیرمیش جنّت (۱۹۶۷)" اثریندن تاپا بیلیریک. او، اثرده میلتون یئنی آسترونومیادان و رئال دونیانین گئنیش مقیاسیندان یاخشی خبردارلیک ائتدییینی آیدین گؤرمک اولور. بوندان اوّل ده شکسپیر "اولدوزلارین اود اولدوغونا شبهه/گونشین حرکت ائتدییینه شبهه" مصراعلاریندا حرکتسیز یئر و فیرلانان سما ایدئیالارینی آلقیشلامیشدی. انگلیس دیلینین بو ایکی اوستادی آراسیندا مزوپوتامیا آداسی کیمی یئر وار، بیز اونو کوپرنیک انقلابی حسابیندا آدلاندیرمیشیق». زمان، مکان و انسانین حیاتی ابدی دئییل، بلکه تانری اؤلومونه باخمایاراق بوتون کوسموس ابدیدیر. شکسپیر دئییلدییی کیمی:«کائنات بؤیوک بیر صحنهدیر و بوتون کیشیلر و قادینلار سادهجه روللارین اویناییرلار. هر بیرینین اؤزونهمخصوص گیریشی-چیخیشی واردیر.».اساس فیلمین مضومونونا کئچنده، اثرده نیچهنین دئدیکلرینین ایزلرینی گؤرمک مومکوندور: «تانری اؤلوب. تانری اؤلو اولاراق قالاجاق. یقین بیز اونو اؤلدوردوک. آنجاق اؤزوموزو نئجه تسلّی ائدهجهییک؟ بوتون جنایتکارلارین، جنایتلری کیمی؟ دونیا ایندییه قدر اؤزونه گؤردویو ان مقدس و ان گوجلو شئی، قیلینجلارینین اوستونه سپهلنمیش قانلار اولدو». اثرده سیرلی کیشی اؤزونو اؤلدورنده منیم کونسپسیامدا اونون بو ایفادهسینی خاطیرلادیم.
تاریخچه بازدید مشاهدهشده
حدود 1 بازدید تازه در ساعت در این نمونهپستهای تلگرام — ادبیات ائوی
#اوشاق_ادبیاتی تورکجه چارپی جدولی (ضرب جدولی)شعر: #آیدین_باخیشسس ایسه Aİ ایله دوزلدیلمیشدیر.#ادبیات_ائوى @AdabiyatEvi
#آجی_بیلدیریشهایاندا اولدومسا سحر یا آخشام،آرادین سن منی، گؤردون سن منی.ایندی گؤزلرینین قاباغیندایام،هایاندا دورومکی، گؤرهسن منی؟!#نریمان_حسنزاده خالق شاعیری «نریمان حسنزاده» ۹۵ یاشیندا وفات ائتدی. واردیغی یئر اوچماق اولسون.#ادبیات_ائوی @AdabiyatEvi
سوژئتین هر حادثهسینده طبیعت سوسور. بو باخیمدان اثر اگزیستانسیال دوشونجهیه یاخینلاشیر. انسان دونیادان معنا و جواب گؤزلهییر، لاکین طبیعت اونا حاضیر معنا وئره بیلمهییر. بو عینی دونیانین بؤیوک یازیچیسی کامونون دوشونجهلرینده تقدیم اولونور؛ «طبیعت اخلاقسیز دئییل؛ بلکه او اخلاقدان کناردادیر» کامو اینانیردیکی:«انسان همین طبیعتین ایچینده اؤز معناسینی، سئوگیسینی، نفرتینی و عدالت آنلاییشینی یارادیر.».اثرده آیینین هجومو سادهجه ماجرا ساحهسی دئییل. آیی گلاسین کهنه حیاتیندان آیریلماسینین سیموولودور. هجومدان سونرا او آرتیق اوّلکی اووچو، آتا و ائکسپئدیسیا عضوو دئییل. او اؤلومون سرحددیندن کئچمیش انساندیر. بو سببدن آیینی اؤلوم و یئنیدن دوغولوش آراسینداکی کئچید کیمی اوخوماق مومکوندور. هاوک ایسه سئوگینین و انسانلیغین رمزیدیر. گلاسسین اوغلو هاوک فیلمده یالنیز سوژئتین بیر پرسوناژی دئییل. او، گلاسسین انسانلیغینین مهم طرفینی تمثیل ائدیر. قهرمان اوغلونو الدن وئرنده، او بوتون حیاتینداکی سئوگیسینی حتّی گلهجک یارانما امکانینین دا بیله ایتیریر. قهرمانی ایرهلی آپاران اساس قوّوه انتقامدیر. بو فوندا فیلم ایکی حیصّهیه بؤلونور. باشلیجا بو ایدئیا، فیلمین پیسخولوژی ایستروکتورونون اساسینی تشکیل ائدیر. آنجاق فیلم بیر گیزلی حیصّه ده وار. آمریکانین چوخ چاخناشمالی مدنیّتینین ایرلری فیلمده گؤرنونن تصویرلردندیر. کلاسیک وئسترنلرده یئرلی آمریکالیلار چوخ واخت سادهجه «وحشی دوشمن» کیمی گؤستریلیردی. اما اثرده همن ایستئرئوتیپی-کلیشه معیّن قدر دَییشیر. یئرلی اهالی(قیزیل دریلر) ده اؤز عائیلهسی، ایتکیسی، مقصدی و عدالت آنلاییشی اولان سوبیئکتلر کیمی تقدیم ائدیلیر. خصوصیله پاواقانین خطّی گلاسیین حکایهسی اوغلونون آرخاسینجا گئدیر. پاواقا ایسه آتاسینین طالعهیی ایله باغلی حرکت ائدیر. بئلهلیکله ایکی فرقلی مدنیّت آراسیندا مهم اوخشارلیق یارانیر. مدنیّت فرقلی اولسادا، انسانین ایتکی قارشیسنداکی آغریسی عینیدیر. آنجاق بو بیر راسیستی باخیش اولا بیلمز. فیلمده ایکی مدنی مناسیبت مقایسه مقامیندا اؤزون گؤستریر. بیر طرفده طبیعت داها چوخ رئسورس-منبع، اوو، خز تجارتی و منفعت کیمیدیر. دیگر طرفده حیات مکانی، روحانی دونیا و انسانین وارلیغینین بیر حیصّهسیکیمیتقدیم اولونور. گلاسسین بو مناسیبته ییرتیجی طبیعت داها یونگون دئدییی کیمی بوندان اوّل اونون کؤلگهسینه چئوریلیر. آنجاق آغیر روحی سیناقدان سونرا طبیعتین قانونلاری ایله بیرلشیب انتقام اونون کؤلگهسی اولور. دئمهلی بو استقامتده روحی دّییشمهلره معروض قالیب. ایچیندهکی دییشیکلره ساواشا قالخیر و بو آرتیق اونون اصیل کؤلگهسیدیر. بو استقامتده داها قهرمان دوشمنینین کارکترینه چئوریلمهییر. بوراداجا ایسپیرال حرکت اینترآکتیودیر. قهرمان گئری قاییدیر، اما عینی آدام کیمی باشلانغیج نقطهیه یوخ، چونکی قهرمان دوز خطّده حرکت ائتمهییر. باشلیجا بو نقطهده قهرمان باشقا شعور سویّهسیندهدیرماراقلی قیدلر: اثرده رولو اولان دیکاپریو وئگئتاریان-گیاهخوار اولدوغونا باخمایاراق رول اویناماق اوچون چیی جامیشین قارا جییهرینی یئییب. حتّی عنعنهوی یئرلی معالجه اوصوللارینی اؤیرنیب. آیریجا تونقال قالماق اوچون، یئرلی اهالی ایله یاشاییب اونلارین ایکی دیلینده اؤیرهنمیشدی. باشلیجا بو بؤیوک جهد ایستهییر. او، بو اثرده اینجه آمپلوا یاراتماق اوچون چکدییی عذابلارا معروض قالیب، لاکین بو فیلمده آکتیورلوق ائتمک کاپریو حیاتیندا اَن چتین پراکتیکی حساب ائدیر.اثر ۸۸-جی اوسکار مکافاتلاندیرما مراسیمینده ۱۲ کاتئقوریادا اَن چوخ نومیناسیا ایله اَن یاخشی فیلم اولدو و اَن یاخشی رئژیسور، اَن یاخشی اوپراتور-فیلمبردار و اَن یاخشی آکتیور مکافاتلاری دا داخیل اولماقلا اوچ مکافات قازاندی.#احمد_یوسفی #ادبیات_ائوى @AdabiyatEvi
#فیلم_تانیتیمی فیلم آدی: اؤلومدن قاییتما یازیچی: #احمد_یوسفی #ادبیات_ائوى @AdabiyatEviاؤلومدن قاییتما(The Revenant ۲۰۱۵): اؤلوم ایله شاهمات اوینایان قهرمانین دَییشمهسی بو فیلم ۲۰۱۵-جی ایلده ABŞ-ده اولان هالیوودون استحصالیدیر. اثر آلئخاندرو گونزالئز اینیارریتو رئژیسورولوغو ایله اکرانلاشمیشدی. اثرین فارسجا آدی «برخاسته از گور/بازگشته/جان یافته» ترجمه اولونموشدور. اثرین سناریسی مایکل پانکین عینیآدلی رومانی اساسیندا سیتات اولاراق آلخاندرو اینیاریتو و مارک اسمیت طرفیندن یازیا آلینمیشدیر. فیلمده لئوناردو دیکاپریو، تام هاردی، اویا پوولتر و دومنال قلیسون رول آلمیشدیلار. فیلمین پرئمیئراسی ۲۰۱۵-جی ایلین دکابر ۱۶-ندا چینین TCL کینوتئاتر مرکزینده باش توتموشدو. آنجاق همن ایلین دکابرین ۲۵-ده ABŞ-ده نمایش اولونموشدور. آرتیق ۲۰۱۶-جی ایلین یانوارین ۸-ده ده دونیا مقیاسیندا نمایشینه پردهسینه چکیلمیشدی.آیریجا IMDB سایتندان ۸/۱ نمرهنی ده قازانمیشدیر. آلئخاندرو گونزالئز اینیارریتو-نون اؤلومدن قاییتما-فیلمی ایلک باخیشدا وحشی طبیعته ساغ قالماغا چالیشان بیر انسانین و انتقام آختاران بیر آتانین حکایهسیدیر. لاکین فیلمه یالنیز حادثهلر سیلسیلهسی کیمی باخدیقدا اونون اساس درینلییی گؤرونمور. فیلم سوژئت، میف، آرخئتیپ، سیموول و مدنی قارشیدورما سویّهلرینده اوخونا بیلن مرکّب بیر اورنامنت یارادیر. فیلمین مرکزینده هوقه/هیوق گلاسس(Hugh Glass) دایانیر. اونون حکایهسینی جوزف کئمپبئللین کلاسیک میفولوژی قهرمانین سیاحتی کیمی اوخوماق مومکوندور. لاکین بورادا مهم فرق قهرمانین سیناقلاردان کئچیب اوّلکی وضعیّتینه قایتماماغیدیر. او، اؤلومون سرحدلریندن کئچهرک دّییشمیش حالدا گئری قاییدیر. فیلمین سوژئتی انسانین طبیعتله قارشیلاشماسی، انسانین انساندان انتقام آلماسینا موتیوه چئویریلیر، اما بوراداجادا قالماییر قهرمان اؤز کؤلگهسیله ده ساواشماسیلا سونا چاتیر. فیلمین باشلانغیجیندا گلاسس اووچو ائکسپئدیسیاسینین عضوودور. اونون اوغلو هاوکلا مناسیبتی سوژئتین ائموسیونال اساسینی تشکیل ائدیر. عینی زاماندا فیتزگئرالدلا آراسیندا یارانان گرگینلیک گلهجک کونفلیکتین توخوملارینی سَپیر. آیینین گلاسسا هجومو سوژئتین ایلک بؤیوک دؤنوش نقطهسیدیر. او، آغیر یارالانیر و آرتیق ائکسپئدیسیانین نرمال حرکتینه مانع اولور. لاکین اصل دراماتیک دؤنوش هاوکین اؤلدورولمهسی و گلاسسین اؤلومه بوراخیلماسی ایله باش وئریر. بورادان سونرا فیلمین اساس کونفلیکتی دَییشیر. قهرمانین طبیعت ایله مبارزهسی بیتیر. آنجاق بو مبارزه گلاسس ایله فیتزگئرالدین آراسیندا اولان مسئله چکیلیر. بو قارشیدورماسی طبیعتین قانونااویغونلوغو ایله علاوه گلیر. بئلهلیکله، گلاسسین مقصدی اوّلجه سادهجه ساغ قالماقدیر. سونرا ایسه بو ساغ قالماق اونو اوج آلماق ایستهمهیه چئوریلیر. سوژئتین استقامتی؛ عادی حیاتدان باشلاییر، اونون آییی هجوم ایله سوروکلهنیر و آرتیق یارالانیر، اوغلو اؤلور. آنجاق یئنیلمهییب حیاتا قاییدیر. اما فرقلی انسان اولاراق انتقامینی آلیر. آنجاق فیلم سوژئتی بئله سخئملشدیرمک اولار. بو استقامتین ماراقلی خصوصیاتیندان اونون خارجی و داخلی کونفلیکتلرینین پارالل گئدیشاتیدیر. گلاسس هم طبیعتله، هم دوشمنله، هم ده اؤز داخیلیندهکی آغریسی، کؤلگه و نفرتله مبارزه آپاریر. گلاسس فیزیکی اولاراق اؤلمور، اما اوّلکی گلاسسین بیر خیصّهسی همین نقطهده اؤلور. گلاسین اؤلوم سینیرینا قدر گئدیر و اورادان کارکتری دییشهرک گئری قاییدیر. بو موتیو مختلف مدنیّتلرده فرقلی فورمالارادا گؤرونور. قهرمان اؤلومه یاخینلاشیر، اونونلت قارشیلاشیر، لاکین هلهلیک اؤلومون الیندن ساغ چیخیر. بونو متافوریک شکیلده «اؤلومله شاهمات اویناماق» آدلاندیرماق اولار. شاهمات بوردا رئال اویون دئییل. بو، انسانلا اؤلوم آراسینداکی قارشیلاشمانین متافوراسیدیر. بو اؤلومسولوق مختلف ادبیّتیمیزدا یازیا آلینیبدیر. آنجاق انسان اؤلومو یالنیر موقّتی اولاراق گئری چکیلیر. بونا گؤره میفولوژی قهرمانین ان بؤیوک رقیبی چوخ واخت کونکرئت دشمن دئییل، اؤلوملولپیون اؤزودور. بوردا نیچهنین مشهور آفوریزمی ایله علاقه یارالتماق مومکوندور: «منی اؤلدورمهین هر شئی منی داها گوجلو ائدیر» گلاسسین بوتون سیاحتی بو فیکیرین دراماتیک فورماسینا بنزهییر. حادثهلرین دراماتورگیاسی قهرمانین بدنینی و روحونو سیندیریر، اما عینی زاماندا اونو اوّلکی وضعیّتیندن چیخاریر. لاکین نیچهنین فیکرینی سادهلشدیرمک اولماز. مسئله عذابین اؤزونون فایدالژ اولماسی دئییل. اساس مسئله انسانین قارشیلاشدیغی سیناقدان دییشهرک چیخماسیدیر. بوردا طبیعت مهم سیموولدور. نیهکی اوندا اولان؛ مئشه، قار، چای، داغ و حیوانلا. گلاسسا قارشی خصوصی نفرت بسلهمیر. طبیعت سادهجه موجوددور.
#فیلم_تانیتیمی فیلم آدی: اؤلومدن قاییتمایازیچی: #احمد_یوسفی #ادبیات_ائوى @AdabiyatEvi
رئال تیوینین «Afişa» آدلی خبر پروقرامیندا سهند عزیزلمهسینین تقدیماتی.#علی_چاغلا #حسن_اوموداوغلو#رضا_همراز#آرش_ساعی#محمد_قضایی#رقیه_همایون#احمد_یوسفی #ادبیات_ائوی @AdabiyatEvi