ITiRAZIM VAR🎤 #Müslüm_Gürsəs#bizimdil👉🏻 @bizimdil 💫💫💫💫

⭕️ خئیرخواه اوْغلان✍ یازان: زاهید خلیل🔷 کؤچۆرن: #شبنم_توحیدی شکرآباد شهری‌نین ایکینجی کلاس شاگیردی نوْغول، حوْوضا یێخیلان کؤرپه اوشاغێ خیلاص ائتمیشدی. هامێ اوْنون قوْچاق‌لێغیندان دانێشیردی.شکر، قوْغالا دئییردی:- اوْ، هم ایگیددیر، هم ده چوْخ استعدادلی اوْغلاندێر.قوْغال قاش - قاباغێنی ساللامێشدی. دوْداغێ‌نین آلتێندا مێزیلدانیب، دئییردی:- اوْنون نه استعدادی وار کی؟ سن استعداد گؤرمه‌میسن.زنگ وورولدو. درس یئنیجه باشلامێشدی کی، آرخادان آغاج‌دَلن‌ین سسی گلدی:-  توک، توک، توک.معلّم سوْروشدو:-  بو نه سسدی بئله؟هامێ سوسدو. قوْغال پنجره‌دن گؤرۆنن توت آغاجێـنا باخدێ.معلّم ده پنجره‌دن چؤله بوْیلاندێ. بلکه دوْغرودان دا آغاج‌دلن فصل‌لری سهو سالێب. یازدا دڲیل، پایێـزدا قوْناق گلیب؟!درسه دوام ائتدیلر. بیردن موتورسیکلت تێریلتی‌سی قولاق باتێـردی. معلّم سسین هاردان گلدیڲینی سوْروشدو. هامێ سوسدو.قوْغال کۆچه‌یه باخدێ. «شکر»ین رنگی آغاردێ. معلّم دۆشوندو کی، بلکه دوْغرودان دا کۆچه‌دن موتورسیکلت کئچدی. درس دوام ائتدی...بیردن طیّاره سسی ائشیدیلدی:- ویییی.معلّم قاش - قاباق‌لا کلاسا گؤز گزدیردی. هامێ سوسوردو. قوْغال پنجره‌نی آچێب، گؤڲـه باخێردی. «شکر»ین غضبدن بوْغازێ توتولدو. گؤڲـده ایسه هئچ نه گؤرۆنموردو.درس دوام ائتدی. بیردن مکتبین زنگی‌نین سسی ائشیدیلدی:-  دالائی، دالائی!!!اوشاقلار حیطه چێخدی. آمّا باشقا کلاسلار هله ده درس کئچیردی. ائله بیل زنگین سسینی ائشیتمه‌میشدیلر.قوْغال فخرله «شکر»دن سوْروشدو:-  کیم داها استعدادلی و خئیرخواه‌دێر؟! من، یوْخسا نوْغول؟شکر غضب‌له دئدی:-  «نوْغول»ون خئیرخواهلێغی هامێمیزین باشێنی اوجا ائتدی. اوْ، بیر اوشاغێ اؤلۆمدن خیلاص ائتدی. سنین خئیرخواهلێغین باشێمیزی یئره سوْخدو. ایندی معلّمین اۆزونه نئجه باخاجایێـق؟اوْنلار کۆسوشدولر. سوْنرا هئچ زامان بیر نیمکتده اوْتورمادێـلار.#سون(۲۱ مرداد ۱۴۰۵ – خیاو شهری)@MuncuqAzhttps://t.me/Sancaq_media/8370

باخ،قان‌لار قایناغا گلیردؤز بو یورقون یول‌لاری! او قانلی دنیزده،کیم باشاریب اوزمه گی؟تؤکولموش قان‌لاردامار-دامار قاینایاجاقاؤز سؤزون دانیشاجاق بیردهدؤز!دؤزورم!دؤزوروک ...او قانلی دنیزده!کیم اوزه بیله‌جک؟کیم؟!✍🏻 #ناهید_نصیری#بیم_دیل👉🏻 @bizimdil 💫💫💫💫

⭕️ زرنیشان خانێـمین چنلی‌بئله گلمه‌سی ✍️ کؤچۆرن: #شبنم_توحیدی اۆچونجو بؤلۆم کوْراوغلو دئدی:- اوْغول، گـل داشێ اتڲیندن تؤک. بونو بیلمه‌­سن یاخشێدی. ائله شئیلر وار کی، آداما دَم گتیرر، ائله شئیلر وار کی، غم. بو عکسین گتیردیڲی دم دڲیل، غمدی. من ایسه سنی غملی یوْخ، دملی گؤرمک ایسته‌ییرم. حسن دئدی:- باباجان! دم ده، غم ده ائکیزدی. اوْغلون باشێ یا دمده، یا غمده گرک! سن اوْنون یئرینی، یوردونو دئنن، دالێسینان ایشین یوْخدور. کوْراوغلو چوْخ دئدی، حسن آز ائشیتدی. قێرساققیز اوْلوب، باباسێ‌نین یاخاسێندان یاپێشدی. کوْراوغلو گؤردۆ حسن زَلی کیمی یاپێشدیغیندان قوْپان دڲیل، ال اوزادێب دیواردان سازێنی گؤتۆردو. اۆزونو اوْغلونا توتوب، گؤتۆردو، گؤرک نه دئدی: باشێنا دؤندۆڲوم، گۆل اۆزلو اوْغول،قان آغلار، قان آغلار دیده‌لریمیز.یئددی ایلدی حسرتینی چکیرم،قان آغلار، قان آغلار دیده‌­لریمیز. سنه سؤیله‌دیڲیم سؤزۆن دۆزونو،سینه‌مده‌کی محبتین کؤزۆنو،آغ‌شهرده قارا پاشا قێـزیدی،قان آغلار، قان آغلار دیده‌لریمیز. ایگید اوْدو اؤز دردینی بیلدیره،دشمنی آغلادێب، دوْستو گۆلدوره،کوْراوغلویام، بو درد منی اؤلدۆره،قان آغلار، قان آغلار دیده‌لریمیز. سؤز تماما یئتدی. حسن آیاغا قالخدێ. ال – ال اۆسته باباسێندان سؤز ایسته‌مک اۆچون خواهیشه منتظر دایاندێ.کوْراوغلو ایشی بئله گؤرۆب، دئدی:- سؤزۆنو دئنن اوْغول! حسن دئدی:- مهربان آتا! آغ‌شهره اؤزۆم گئده­جم. یا او قێزی سنه گتیره‌جڲم، یا دا بو باشدان کئچه‌جڲم.کوْراوغلو دئدی:- اوْغول! سن منی دۆز باشا دۆشمه‌دین. من عکسه باخاندا، اوْندان اؤتری آغلامێرام کی، قارا پاشانێـن قێـزینی سنه آنالێق گتیره بیلمیرم. اوْنا گؤره آغلایێرام، او قێزی چنلی‌بئله گلین گتیرمه‌ڲین واختی چاتێب. سنی ایسه هله آغێر سفرلرده بـرکدن – بوْشدان چێخارمامیشام. آنان نیگارێ گتیرمڲه گئدنده من آرتێق «رؤشن» یوْخ، کوْراوغلو ایدیم. او واخت من آنان نیگار اۆچون استانبولا گئدرکن جمعی دلی‌لر منیمله گئتمک ایسته‌دیلر. من راضی اوْلمادێم. ایندی، اوْغول، آت‌دێ، آرواددێ، پاپاق‌دێ، کیشی اۆچون غیرتدی. سفر آغێر، سنسه تجربه‌سیز! اوْنونچۆن آغلایێرام. آتاسێندان بو سؤزلری ائشیدن حسن، دئدی:- آتاجان! سینه‌مه بیر خانا سؤز گلیب، گؤر نه دئییرم: ایڲید گرک آتـلانا،آتـێن مینه، آتـلانا.مرد اوْدو کی، دؤڲۆشده،هر یارایا قاتـلانا.ایندی، مهربان آتا! سێناق سنده، قوّت منده. میزان سنده، عاغێل منده. بو میدان، بو دا من. نئجه ایسته‌ییرسن، ائله ده امتحانـا چک. کوْراوغلو گؤردۆ حسن‌دن یاخا قورتارا بیلمه‌یه‌جک. دئدی:- اوْغول، منیم ده سینه‌مه بیر نئچه خانا سؤز گلیب. قوْی اوْنو دا دئییم، بلکه باشا دۆشه‌سن. آلدێ کوْراوغلو:باشێنا دؤندۆڲوم، مهربان اوْغول،گئتمه اوْغول، گئتمه آغ‌شهره سن.تزه‌جـه تاپمێشام قندیله – نوْغول،گئتمه اوْغول، گئتمه آغ‌شهره سن. آلدێ حسن:باشێنا دؤندۆڲوم، مهربان آتا،آتا! گئتمه‌لی‌یـم آغ‌شهره من.چاغێررام مولانـێ دادێما چاتا،آتا! گئتمه‌لی‌یـم آغ‌شهره من. آلدێ کوْراوغلو:کوْراوغلویام، نیّـتیمی یئتیردیم،پاشالاردان باجێ – خراج گؤتۆردوم،یئددی ایلده بیر عکسی­نی گتیردیم،گئتمه اوْغول، گئتمه آغ‌شهره سن. آلدێ حسن:کوْراوغلوسان، سن آلێنماز قالاسان،قوْیمام سنـی غمـه، یاسا دالاسان،حسن بَـڲ­ام، ایندی منی سێنا سن،آتا! گئتمه‌لی‌یـم آغ‌شهره من. آتا – بالا سؤزلرینی تمام ائله­دی. کوْراوغلو گؤردۆ یوْخ، حسن­دن یاخا قورتارماق چتین ایشدی. آخێر علاج‌سێز قالێب، «حسن»ـی آغ‌شهره یوْلا سالماق اۆچون ضیافت دۆزلتدی. نیگار خانێم، کوْراوغلونون ساغێندا، مؤمینه خانێم سوْلوندا اڲلشدی. کوْراوغلو آیاغا قالخدێ، دئدی:- دلی‌لریم، یئددی ایلدی قارا پاشانێن قێـزی «زرنیشان» خانێمین عکسی­نی چنلی‌بئلده آیرێجا اوْتاقدا گلینیم دئیه ساخلایێرام. من؛ عکسی دوْستوم مئهترباشێ «عبدالرحمن»‌ین واسطه­سیله الده ائده بیلمیشدیم. ایندی ایسه سیزدن نه دانێـم، کؤنلۆمه اوْغول توْیو دۆشوب. مصلحت سیزدن، رخصت مندن. دمیرچی‌اوْغلو دئدی:- آی کوْراوغلو، ایڲیدی داردا، تاجیری واردا سێنایارلار. #آردێ_گلن_سایێـدا... @SancaqDergisihttps://t.me/Sancaq_media/8366

⭕️ داغلار✍️ شاعر: #سحر_خیاوی باشێندا وار چال پاپاقدؤشلرینده گۆر بولاقپالتارێ قارلێ داغلاراۇلو ووقارلێ داغلارگؤزله‌گینن یاز گلـرسنین کئفین ساز گلرایستی گۆنش پارێلدارگۆر پینارلار شارێلداریئنه غازلار قاققێلداریئنه چایلار شاققێلدارگلر دورنا، توراج داجۆجرر یال – یاماج داقوْیون – قوزو اوْتلایارقویروقلارێن قاتلایاردورو بولاغلار جوْشارسئوینج اۆرکـدن داشارسۆنبوللر دوْلار دَنهشنلیک گلـر وطنهجۆجرر نانا – یارپێـزاوْخویار اوْردا بیر قێـزگؤڲـلرین اولدوزویامآذربایجان قێـزییامگۆللردن بیربیر اۆزرشافاق تئلینه دۆزراوْخویار اۇلو داغلارچشمه‌لی سولو داغلاراَردملر ملکه‌سـیشهیدلرین سیمگه‌سیآزاد وطن، یاشاماقنه گؤزل، شن یاشاماق  @MuncuqAzhttps://t.me/Sancaq_media/8364

Musiqi: #Tofiq _QuliyevSöz: #Zeynal_Cabbarzadə🎤 #Şövkət_ƏləkbərovaSözlər:[Bənd 1]Qaş qaralır, kölgə tutur Yavaş-yavaş meşəni Könlüm səsdə, gözüm yolda Gözləyirəm mən səni.[Nəqərat]Səbrim getdi, harada qaldın? Qaş qaraldı, gəlmədin Bəlkə mənim könlümdəki Döyüntünü bilmədin?Ah... Döyüntünü bilmədin[Bǝnd 2]Aydın göylər, uca dağlar Göy meşələr, lal sular Sizi gördüm ürəyimdə Aşdı-daşdı arzular.[Nəqərat]Səbrim getdi, harada qaldın? Qaş qaraldı, gəlmədin Bəlkə mənim könlümdəki Döyüntünü bilməyir? Ah... Döyüntünü bilməyir#Bizimdil👉🏻 @bizimdil 💫💫💫💫

. ⭕️ کؤهنه یوْلداش،دۆشمان اوْلماز. @MuncuqAz