نه‌دیر کفن گئیینیبدیر بوگون اورک‌لریمیز؟سولوبدو شاختا-بوراندان، نارین چیچک‌لریمیز.بوجور کی من باخیر…

نه‌دیر کفن گئیینیبدیر بوگون اورک‌لریمیز؟سولوبدو شاختا-بوراندان، نارین چیچک‌لریمیز.بوجور کی من باخیرام بوستانین پوتور فالینا،گول اییسی وئرمه‌یه‌جک هئچ زامان اتک‌لریمیز.قارین-قارین آجالیبدیر خمیرلی ال‌لریمیزتاباق-تاباق آجیییبدیر شیرین چؤرک‌لریمیزیالانچی یولداشا بیلمم اینانمیشیق نه اوچونیامان زاماندا قاچیب گیزله‌نیب کؤمک‌لریمیز.هانی او دوغما گؤزل‌لیک بوگون جاوان‌لاردا؟هله گؤزل‌لیگی آت! ساختادیر بزک‌لریمیز.بو چال ها چالدا سیز الله بیرآزجا دیقّت ائدین!دوشوبدو مئیدانا زنجیرلی در-دبک‌لریمیزچاتیبدیلار دالا منّت یوکون او قدر آغالار،اولوبدو لاپ ایکی قات ایندی‌دن کورک‌لریمیز.چیبین کی گول یئرینه عادت ائیله‌دی شکره،اینانما بیرده اصیل بال وئره پتک‌لریمیز.بو قار-بوران کی گؤرورسوز، هله پاییز پایی‌دیرهله قاباقدادی قیش، دالدادیر کولک‌لریمیز.بو گون کوچه-بازاری پیس‌میریتدیلار بورویوبقالیب هایاندا مگر آغ‌بیلک ملک‌لریمیز؟چالیب، چاپیب، آپاریب یول کسن؛ سویوب جادانی اولوبدو قوردلارا قیسمت یاشیل ایپک‌لریمیزدیوار آشیب، داغیلیب ائو، اوچوب، گلیب یئره دامچیلیک-چیلیک چورویوبدور قدیم دیرک‌لریمیز...#کاظم_نظری_بقا@Hasratli_Urak════‌༻‌♥️༺═══