کاتێک لە زاری کەسێکی ترەوە دەبیسیت کە هاوڕێیەکت لە پشتەوە باسی تۆی کردووە، یەکسەر مێشکمان بەرەو تار…

کاتێک لە زاری کەسێکی ترەوە دەبیسیت کە هاوڕێیەکت لە پشتەوە باسی تۆی کردووە، یەکسەر مێشکمان بەرەو تاریکی دەڕوات و دەڵێین: "ئەمە دووڕووە، لەبەرچاوم دۆستە و لە دواوەم دوژمنە!"بەڵام وەرن با سەیری حیکمەتی پێشینە چاکەکانمان بکەین. پیاوچاکێک بە ناوی "ئەبو قیلابە" دەفەرموێت:"کاتێک لە لایەن براکەتەوە شتێکت پێگەیشت کە پێت ناخۆش بوو، بە دوای عوزرێکدا بگەڕێ بۆی، ئەگەر هیچ عوزرێکیشت بۆ نەدۆزرایەوە، ئەوا لە ناخی خۆتدا بڵێ: ڕەنگە براکەم عوزرێکی هەبێت کە عەقڵی من لێی تێناگات."ئەمە ترۆپکی داناییە. مرۆڤی ژیر پێش ئەوەی خێرا بڕوا بە قسەی هێنراو بکات، دەڵێت: ڕەنگە ئەو کەسەی قسەکەی گواستووەتەوە تێنەگەیشتبێت، یان تەنها دەیەوێت نێوانمان تێکبدات. ئیسلام فێری کردووین کە مرۆڤی فیتنەچی قسەی وەرناگیرێت.کاتێک تۆ هێمن دەبیتەوە و دەڵێیت: "هەتا بە چاوی خۆم نەبینم، دڵم پیس ناکەم"، لە ڕاستیدا تۆ دڵی خۆت لە گڕی ڕق دەپارێزیت. ژیان زۆر کورتە بۆ ئەوەی بە قسەی پشت سەر تێکی بدەین.