عؤمرون پاییزیندا بیر دلی سئودا،آلیشار قلبینده، خبرین اولماز.خفیف یاغیش کیمی یاغار روحونا،دانیشار قل…
انتشار: 2026/07/10 12:50 UTC
عؤمرون پاییزیندا بیر دلی سئودا،آلیشار قلبینده، خبرین اولماز.خفیف یاغیش کیمی یاغار روحونا،دانیشار قلبینله، خبرین اولماز.توخونار اوزونه عشقین نفسی،کؤنلونده قفسین قورار، بیلمزسن.اویادار روحوندا حیات هوسی، آلدیغین نفسین اولار، بیلمزسن.سارماشیق تک اورهیینه ساریلار،سیخار، سیخار، نفسینی کسر او.باشینین اوستونده بیر سئودا یئلی،اورهیینده توفان اولوب اسر او.دوداغیندا یاشایار هر دقیقهن،سؤزلر بوغازیندا قهَره دؤنر.سنین اورهیینه توخونان سئوگی،حسرتی یاشادار، زهَره دؤنر.سؤنر حیاتینین آیی، گونشی،«دونیام» آدلی دونیان اونلا داغیلار.اورهیینه یار سیخدیغی آتشی،نئچه طبیب گلسه، چتین ساغالار.آیریلیق صداسین اورهیین آلار،ایزلهیرسن قاطارین گئتدیگینی.چکر ویجدانینین روحونو دارا،اوندا آنلایارسان سهو ائتدیگینی.آلیشارسان عؤمور بویو، یانارسان،آلدادارسان «اونوتماق»لا اؤزونو.بو دونیانی بیر جهنّم سانارسان،اوجاغینین اوینادارسان کؤزونو.عؤمرون پاییزیندا بیر دلی سئودا،آلدادار روحونو، اسیر اولارسان.دولانار باشیندا اؤز آتشییله،حسرتی یاشادار، سن ده یانارسان.✍🏼 یادگار توکل🕊📚 @kurabazag #کوراباز_ادبی_گونش ✍
پستهای تلگرام — کوراباز ادبی گونش📚
▫️گؤرهسن ائله دۆزدن هامیسی بو قدر دایاز دوشونجهلیدیرلر یوخسا فقط سنین یوخلوغون باشقا اینسانلاری گؤزومده بو قدر دیَرسیز، بو قدر کارسیز ائلهییب؟#غسان_کنفانی🕊📚 @kurabazag #کوراباز_ادبی_گونش ✍
سلامعلیکینی کسمه کی وار اریک هلهلیک،بو باغ سنین، بو کؤنول، سئوگی اوستهلیک هلهلیک!پریشانام، گزیرم، شاهیدیم قدیم کوچهلر،تاوار، بازار، تزه میدان، پیرَتمَلیک هلهلیک.گئدیب سوراغینی قارتال داشیندا آختاریرام،دئیم، گلیب ساوالاندا چکیر کئشیک هلهلیک.یا بلکه ده ساری داشدان دوران او هئیکلدیر،شهر یئرینده باشین ساخلاییبدی دیک هلهلیک.باشیمدا مین دنه میسگر دۆکانینین سسی وار،فیٖلارموْنیک¹دی، چالیر سمفونیک موزیک هلهلیک.عاشیقلار عشقینه بو عشقه دؤرد آشیق آتدیم.نه آلچی دوردو، نه توْوخان، نه بؤک، نه جیک هلهلیک.بیچاق، اوراق، قمه، اوخ، دهره، بالتا، کرکی، گزن²،بو عشقی دوغراماغا اولدولار شریک هلهلیک.کسیک-کسیک کسیلیبدیر، بؤلوک-بؤلوک بؤلونوب،ایپک کیمی اورک اولموش دلیک-دلیک هلهلیک. ✍🏼 امین_رسولی¹- موزیکسئور²- کئچمیشده باشماقچیلارین گؤن کسمک اوچون ایشلَتدیگی ایتی آلت🕊📚 @kurabazag #کوراباز_ادبی_گونش ✍
▫️بو بویدا یالان اولماز!ائل بیر بئله دؤیولمز،بو بویدا تالان اولماز!اؤزگهلرین اؤنونده،بئله آلچالان اولماز!آندینا، گومانینا،آدینا، اؤز جانینا،اؤز چؤلونه، گۆلونه،اؤز دردینه دم توتانبو خاری بولبونه،ائلینه-اۇلوسونا،نامینا-ناموسونا،کئچمیشلی-گلهجکلینهیی وار... هامیسینا،گۆللـه اوخونان یئردهبونجا گۆلوب آچیلان،بئله آلچالان اولماز.جانیم، داها بسدی، بس،یوزماق بئله ایستهمز!یاریلان ائو بوش قالار،سوْیولان کالان اولماز!بو زورلاما قوْشقۇلارفال آچان فیلان اولماز!قانی ایچیلن خالقین،یوردو کیچیلن خالقین،قارا گون اوووتماغا یاتیر خزینهسی یوخ!جیزداغی چیخمیشلارینقالدیرماغا سسی یوخ!سن ده بئله عینادسان،اؤیونورسن* یئتَنده.گویا تامام آزادساناؤزو دوستاق وطنده.بو بویدا یالان اولماز،بئله آلچالان اولماز.#آغا_لاچینلی* فخر ائتمک🕊📚 @kurabazag #کوراباز_ادبی_گونش ✍
دیالوق▫️- بو راحاتلیقدا یوخ اولان دویغولارا نئجه گووَنمک اولار؟!🎬 Blue Valentine2010 آمریکادرک_سیانفرنس🕊📚 @kurabazag #کوراباز_ادبی_گونش ✍
مندن تزه شعیر خبر آلان دوست!بس یازین گلمهسی شعیر دئییلمی؟!گزمهیه چیخاندا چؤلون، چمنین،اۆزونه گولمهسی شعیر دئییلمی؟!یئنه گؤزوم قالیب باغچادا، باغدا،مین-مین گول آچیلدی آراندا، داغدا.ائیوانا اَییلن چارپاز بوداقدا،بولبولون نغمهسی شعیر دئییلمی؟!سئیر ائله حوسنونو گؤیده دورنانین،قایادا ککلیگین، گؤلده صونانین!آینابند اوتاقدا گلین آنامین،شیرین لایلای سسی شعیر دئییلمی؟!درهده موْروق* در، دؤشده چیهلک!گاه یاغیش خوش گلیر، گاه سرین کولک.یاش اؤتور، دوْیماییر دونیادان اورک،یاشاماق هوسی شعیر دئییلمی؟!کیم دئییر شعیرین مئیدانی داردیر؟سونو گؤرونمهین بیر ایلکباهاردیر.نئچه کی حیات وار، شعیر ده واردیر،حیاتین نفسی شعیر دئییلمی؟! ✍🏼 حسین عارف🕊📚 @kurabazag #کوراباز_ادبی_گونش ✍
بیلمم باشین بلالی ایمیش اولدوزون سؤنۆکقان طوفانی باشیندان آشان ای آنا وطنیاسلی خزانلار سوْلدو مگر کؤیشهنین باغین؟گئتدی موغانلی غوربته آه، کؤچدۆ شاهسونطوفان قوْپوبدا سئل سولاری باسدی هر یئریکۆل قالدی یوْللار اۆسته دئمک کؤچدۆ کاروانمسجید ده هر گئجه یاریسی یاندی تک چیراقیوردسوزلاری قوجاقلادی ویرانهلر... آمان✍ حبیب_ساهر🕊📚 @kurabazag #کوراباز_ادبی_گونش ✍