سانجاق SANCAQ

⭕️ آغ چارشاب ✍️ یازان: #آتـنا_عظیمی – اردبیل توکانچێ الین آغ ساققالێنا چکیب، دئییر:- خدمتینده‌یم قێـزیم؟گؤزۆمو او ایکی خانێمدان کی، چارشابێـن آراسێندان منه اڲزی – اڲری باخێرلار چکیب، دئییرم:- من اولدوز خانێمین دالێسیجان گزیرم.خانێملار منه تعجّبله باخێرلار. توکان ییه‌سی‌نین قاشلارێ اۆسته گئدیر. آنێ‌ده قاش‌قاباغێـن سالێب، دئییر:- ایشینی بویور؟ساغ الیمده‌کی چارشابێ یوخارێ گتیریب، دئییرم:- بیر امانتی وار منده.غملی بیر گۆلوش اۆزونه  قوْناق اوْلور:- اولدوز خانێم، ایکی گۆن اوْن‌ایکی گۆنلوک جنگدن قاباق، قێـزینان نوه‌سین گؤرمک اۆچون تهرانا سارێ یوْلا دۆشوب، ایلک اوْغلوینان اردبیلدن گئتدیلر. امّا یازێق اوْغلوینان اؤزۆ، بیرجه بالاجا قێـزی، اۆچ یاشێندا نوه‌سی‌نن شهید اوْلدولار. سن، نه‌جۆر امانتدارسان کی، بیلمیرسن چارشاب ییه‌سی چوْخداندێر توْرپاق آلتێندا یاتێب.آچێق آغێزنان حاجێ‌‌یا باخێرام! دیلیم آچێلمیر کی دییم: «من، تزه‌لیکده اولدوز خانێمی حرمین حیطینده گؤرۆب، چارشابێ اوْلاردان آلمێشام.» تزه‌دن سؤزۆنون دالێن توتوب، دئییر:- بئچارا حاجێ‌ خانێم  ائله‌بیل بیلیردی دای بو ائوه قایێتمایاجاق! ائوین غریب آقایا وقف ائله‌ییب، اوْندان سوْنرا گئتدی تهرانا... آخێ اولدوز خانێم جوانلێغیندا دا غریب آقامێن خدّامی‌ایدی. ایندی ده قاپێـسی، هامێ آقانێن ایسته‌ینلری‌نین اۆزونه آچێـقدیر.دای بیلمیرم توکان ییه‌سی نه دئییر! او دانێشیر، من ده دوْنوخوب، اۆزونه باخێـرام. امّا سسین ائشیتمیرم!سس‌سیز توکاندان چێخیب، چارشابێ باغێرما باسێب، دیوارا سؤیکه‌نیرم. گؤزلریمین دامجێ – دامجێ یاشێ یاغێشین دامجێ‌لارینان قارێشیب، چارشابێـن اۆستونه تؤکۆلور.اۆزومو گؤڲـه توتوب، قارا بولودلارا باخێب، اولدوز خانێما فاتحه اوْخویورام. #سون @SancaqDergisihttps://t.me/Sancaq_media/8356

⭕️ آغ چارشاب ✍️ یازان: #آتـنا_عظیمی – اردبیل 🔷 غریب آقانێ یارادان تانرێ‌نین آدیلا گۆنبذین اێشیلتیسی گؤزلریمی اینجیتمیردی، دایجا گؤزلریمی تومارلایێب، منی آقانێن یانێندا شرمنده ائله‌ییردی. گۆن یئرین آیا وئریب، بولودلارێن دالێندا گیزله‌نیردی. ماشێنین یان آیناسێندان یاشلا دوْلموش گؤزلریمه باخێب، اؤزۆمدن سوْروشورام:- من همان قێـزام؟! همان کی، هر ایل بایرام‌قاباغێ آتاما یالوارێردیم منی مشهده گتیره تا گلم آقانێن محبتلی باغرێندا ایلیمی تزه‌له‌ییم؟ ایندی نجۆر اوْلمێشدی کی، آلتێ آی‌دێر مشهدده یاشایێردیم، امّا حرمه گئتمه‌میشدیم!او بالاجا قێـزدان هئچ بیر زاد قالمامێشدی. اوْ قاپ‌قارا ساچلارێمدان الان بیر دسته سارێ رنگده شالێن آلتێندان چێخیب، اؤزۆن جماعته گؤرسه‌دیردی! دێرناق‌لاریم آرایشگرین لطفی‌ ایله گۆنده مین رنگ دڲیشیردی!اختیاریم اؤز الیمده دڲیلدی. ماشێندان یئره دۆشوب، قدم – قدم حرمه یاخێنلاشیرام. هر بیر قدم آتدێقجا گؤزیمین قاباغێن یاش توتوردو. بی جۆر کی، آیاقلارێمین قاباغێن زوْرنان گؤریردیم.اؤزۆمه کی گلیرم، چارشاب امانت وئرن خانێمین قاباغێندا دورمێشام. سسیم اسه – اسه دئییرم:- چارشاب ایسته‌ییرم.بیر کلمه دئییر:- کارت ملّی!الیمی جیبیمه سالێب، گزیرم. جیبیمین آستارێ چێخیر بی‌طرفه، بوْشدو! تزه‌دن الیمی آتێرام کیفیمین ایچین گزیرم یوْخدو! یانێمدا دڲیل.یالوارێرام:- خانێم! نوْلار بیر دنه منه چارشاب وئر. من قایتارا‌جاغام، آرخایێن اوْل.باشێن ساغ – سوْلا توْولایێب، دئییر:- وئره بیلمه‌رم.اوْردان چێخیب، قاپێسی‌نین آغزێندا دیوارا سؤیکه‌نیب، گؤزلریمی یوموب، سس‌نن آغلایێب، دئییرم:- من یازێق، الان چارشابێ هاردان تاپێـم؟!الیمی اۆزومه توتوب، دئییرم:- انتـظارێن واریدی آقا، سنی حرمه قوْیا؟باشێمی اللریمین آراسێندا توتوب، اۆرکدن آغلایێـرام. منی دالدان بیری سسله‌ییر:- قێـزیم؟گؤزلریمی آچێرام. بو خانێم کیم ایدی؟ الی اسه – اسه منه اشاره ائله‌ییر قاباغا گئدم. اوْ قوْجا خانێمین  قاباغێندا دایانێـرام. قێریشمیش اۆزونه باخێب، سلام وئریرم. جوابێمی گۆلر اۆزنن وئریب، دئییر:- آل بو چارشابێ.آغ چارشابێ منه سارێ توتور. اسن سسین کی ائشیدیرم، گؤزلریمی چارشابدان چکیرم.- بو منیم قێـزیمین سوْغاتێ‌دیر. گؤردۆم سنه چارشاب وئرمیرلر! بونو سنه وئریرم، امّا تئز منه قایتارارسان.الیندن اؤپۆب، سؤزۆمو تئز – تئز، تلسه – تلسه دئییرم:- آرخایێن اوْلوز حاجی‌خانێم! بونو تئزلیکجه سیزه گتیررم.آیاغا دوروب، ائوی‌نین آدرسین آلێب، آدینان – فامیلین سوْروشوب، اڲیلیرم تزه‌دن الیندن اؤپۆرم کی، گۆلوب باشێمی تومارلایێـر:- گئت قێـزیم اللّه آمانێندا.یوْلون یارێسیندا دؤنۆب، ال توْولایێب، خداحافظی ائلییرم.چارشابێ باشێما آتێـرام. آناسێن ایتیرن بالاجا اوشاق تکین غریبلیک ائلییه – ائلییه، ساغ – سوْلوما باخێب، الیمی سینه‌مین اۆستونه قوْیوب، دیلیمن آلتێندا دئییرم: «السّلام و علیک یا علی بن موسی الرضا.»گؤزلریمین یاشێ سؤزۆمون دالێسیجان سۆزولوب، بزکلی اۆزومه تؤکۆلور. یانێمدان سوْووشان منه چپ – چپ باخێر. امّا منه اؤنمی یوْخدور.بیر آندا اؤزۆمو جماعتین آخێشیندان خلاص ائله‌ییب، حرمه کئچیب، یاخێنلاشیرام. قێچلاریمین گۆجو آلێنیب، یئره دَڲیرم. باشێمی حرمه سؤیکه‌ییب، گؤزلریمی یومورام. آیاقلانان ال – آیاغێمین آغرێسین بیلمیرم! اجازه وئریرم گؤزلریمین یاشێ تؤکۆلسون.غم – کدر آغاجێ‌نین کؤلگه‌سی اۆره‌ڲیمین باشێندان چکیلیب، آقامێن محبتلی الی باشێما چکیلیر. دوْلو اۆره‌ڲیمندن، دۆنیانێن ایشلریندن کی، منیم بو بالاجا قلبیمی نه‌جۆر سێندیرمیشدی آقایا دئییب، حرمدن چێخیرام. گۆلوش اۆزومدن چکیلمیر. اۆره‌ڲیم ایسته‌میر ائویمیزه قایێدیم. امّا گرک امانتی اولدوز خانێما یئتیرم.آقاینان خداحافظی ائله‌ییب، ایسته‌ییرم کی بیرده منه مهلت وئرسین تا خدمتینه یئتیشیم.طیاره‌ده اوْتورموشام. آغ بولودلارا باخێرام. گینه ده گئدیرم آنا یوردوما، اردبیلیمه...اوچماغا قانادێم یوْخدو! بیرده او مهربان خانێمی گؤره‌جکدیم. او بیرده منی یاشایێشا قایتاردێ. نورلو اۆزو منیم اۆره‌ڲیمده محبتین اکمیشدی. تله‌سیردیم اوْنو گؤرمک اۆچون.یاغێش اردبیلین خیابانلارێنا قوْناق‌ایدی. گۆن اۆره‌ڲی توتولوب یاغێردی. بولودلار دۆننکی یاشلێ گؤزلریمه بنزه‌ییردیلر.خیابان قێراغیندا ماشێندان یئره دۆشوب، نفس آلێرام. یاش توْرپاغێن ایڲسی آغ‌جیڲریمه  دوْلور.اۆزومو گؤڲـه سارێ توتورام: «آغلایێن بولودلار! من دۆنن آتامێن باغرێندا، دوْلموش اۆره‌ڲیمی بوْشالتمێشام.»کۆچه‌نین باشێنداکی توکانا گیریب، سلام وئریرم. #دوامێ_آشاغێدا... 👇  @SancaqDergisihttps://t.me/Sancaq_media/8356

■ 2812 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز یکشنبه 25 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۱۲. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ هنری خبر 🔷 خیاو «مشگین‌شهر» سینماسێنا باشقا بیر افتخار؛ «یَل» آلمان اؤلکه‌سینه یوْل آلدێ. ✍ حاضرلایان: #شبنم_توحیدی مشگین‌شهر سینماسێ بیرداها اولوسلار آراسێ ساحه‌ده پارلادێ.«آرمین حجازی»نین یازێـچیلیق و یؤنتمن‌لیڲی* و «دَرگاه فیلم ایران»ێن یاپێـمچیلیغی ایله حاضرلانان «یَل» قێسا فیلمی، آلمانێن DETMOLD قێسا فیلم فستیوالێ‌نین ۲۲.جی اولوسلار‌ آراسی رسمی بؤلۆمونه سئچیله‌رک، بو فستیوالا یوْل تاپدێ.بو فستیوال هر ایل دۆنیانێـن هر یئریندن مستقل فیلم یؤنتمن‌لری‌نین، مینلرله اثرلرینه ائو صاحیب‌لیڲی ائدیر.بو ارزشلی و دڲرلی باشارێ، اثرین دۆنیادا تانێـنماسی یوْلوندا اؤنملی بیر آدێم سایێـلیر و ایرانلێ گنج فیلم یاپێمجیلاری، خصوصیله مشگین‌شهرین صنعتکارلارێ‌نین گۆج و قابیلیتینی گؤستریر.«یَل» بوندان اؤنجه ده، هندوستانێـن ۱۵.جی CMS International Children's Film Festival فستیوالێـنا قاتێلمیشدی و اولوسلار آراسێ موفقیت‌لرینی دوام ائتدیریر.بو فیلمین اعتبارلێ اؤلکه دێشی فستیواللارا آردێجیل قاتێـلماسی، یالنێـز اثرین یاپێـم اکیپی اۆچون باشارێ دڲیل، بلکه اردبیل استانێ و مشگین‌شهر بؤلگه‌سی سینماسێ اۆچون ده، دڲرلی بیر قازانجدێر؛ بیر شهر کی، آدێـنی بیر داها دۆنیا سینما خریطه‌‌سینده یازدێـردی.مشگین‌شهرلی گنج فیلمساز «آرمین حجازی» اۆچون بو باشارێ، اوْنون دۆنیادا اؤنملی اوْلایلارا ائتگیلی قاتێـلماسی‌نین یئنی بیر فصلی‌نین باشلانغێجی اوْلا بیلر. بو موفقیت ایرانێـن مستقل سینماسێ‌نین اولوسلار ‌آراسێ ساحه‌ده آیدێـن گله‌جـڲینه اۆمید وئریر.مدنیت و ارشاد اسلامی اداره‌سی و گنج سینما جمعیتی، بو موفقیتی جاوان و چالێشقان صنعتکار «آرمین حجازی» ‌بـڲه، محترم عائیله‌سینه، بؤلگه و استان صنعتکارلارێنا  تبریک دئییر.اۆمید ائدیریک، بو صنعتکارێن آلمان قێسا فیلم فستیوالێـنداکی پارلایێـشینا دا شاهد اوْلاق.مشگین‌شهر مدنیت و ارشاد اسلامی اداره‌سی‌نین عمومی رابطه‌سی 🔶 آچێقلاما:یؤنتمن: کارگردان@SancaqDergisihttps://t.me/Sancaq_media/8354

⭕️ کوْراوغلو چنلی بئله گلیر🔷 بو دفعه چنلی‌بئل تبریزین آچێـق هاواسێندادیر.دورآت و قێـرآت ۱۴۰۵. کوْراوغلوسونون ‌بؤیۆک سورپریزلریدیرلر.اوْنا گؤره...کوْراوغلو تاماشاسێنی قاباقجادان گؤرنلره و گؤرمه‌ینلره بو گؤزل تاماشا توصیه اوْلونور.جمعه گۆنوندن هر آخشام، قێـرآتین کیشنرتیسی، دلی‌لرین نعره‌سی، کوْراوغلونون هئیبتی، عاشێغین سازێ‌نین  اینیلتیسی «تبریز» گئجه‌لرینه قوْناق اوْلاجاق.🔶 بلیط آلماق اۆچون ebilit.com  مراجعه ائدین.@SancaqDergisihttps://t.me/Sancaq_media/8352

■ 2811 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز شنبه 24 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۱۱. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 آزر (یای، آذر): چوْخدان ذهنیزی قاتێـشدیران بیر قوْنو، بیر اوْلایێـن اوْلماغێـیلا راحاتلێـقلا چؤزۆله‌جک. زمان سۆره‌جینده ایشلر یوْلونا دۆشوب، دۆزه‌لر. راحاتسێـزلیق، تارتێـشما و یئرسیز عصبی‌لشمک لازم دڲـیل. سوْرونلار حقده دانێـشلیماسا، سوْنرادان ضررین چکرسیز. بیر صمیمی دانـێـشیق بـۆتون آنلاشمازلێـقلاری آرادان آپارار. بیر چتین‌لیک اوْلونجا بـؤیـۆکلر و تجربه‌لی آداملاردان مشورت آلێـن. آرتـێـق ریسک ائتمک زمانی دڲـیل. ساغلاملێـق اۆچون ایدمانی اونوتمایێـن. 🔶 چیلله (اوْغلاق، دی): بیر آرا اوْلدوغوموز توْپلوم ایچینده تجربه قازاندێـقدان سوْنرا، بیری بیزیم آرخامێـزجا دانێـشیب، بیزی پیسلیینده، دۆز یوْلدا اوْلدوغوموزا ایناندێـم. بیلمیرم ندن چوْخلاری دۆز ایشلیین آدامێـن ایشینه چوْپ اوزاتماغی سئویرلر. بو اۆزدن سیزه ده دئییرم ایشیزده اوْلون، اوْنون- بونون سؤزۆنو سایمایێـن و هاردا اؤزۆزو سێخینتی‌دا گـؤرۆسوز، اوْرالارا گئتمه‌یین. یئنی بیر اثر یاراتماغا خیال قوّه‌زین گـۆجلنمه‌سی لازمدیر. بو ایشه وقت و انرژی قوْیون، گئریسینی بوراخێـن. 🔶 دوْندۇران آی (قـوْوا، بهمن): هر کسه مهریبان داورانماغێـز باعث اوْلور اوْنلار دا سؤزلرینی سیزه دئسینلر. آنجاق سیز بئله اوْلمایێـن. آرزو و ایستکلریزی یالنێـز آللاها دئیین. بعضی وقتلر چئورزده‌کیلرله اۆست الدن داورانێـر، اوْنلارا یوخارێـندان باخێـرسیز. ایش یئری جدی بیر اوْرتام اوْلماغی یاخجی‌دیر، آنجاق بعضی وقتلر خوْش بیر اوْرتام یاراتماق داها یاخجی اوْلار. اؤنملی گـؤرۆشلریز اوْلاجاق، اؤزۆزه اینانێـن و آللاها توکل ائله‌یین. قانونی بیر یئره ایشیز دۆشسه، هر سؤزۆزه لازم دلیلیز اوْلمالێـدی. یوْخسا یالاننان گـؤزۆ باغلایێـب، آغزی آچماق اوْلماز. هر کسین بیر قسمتی وار، قسمتدن آرتـێـق یئمک اوْلماز، قسمتی ده انسانین الیندن آلا بیلمزلر. 🔶 بایرام آیی (بالێـقلار، اسفند): چئورزده اوْلان ایشلر، آداملار و اوْلایلار سیزی او قدر اینجیدیب کی، اوْندا دڲـیشیم یاراتماغا چالێـشیرسیز. سیز بونلارا بیر چؤزۆم یوْلو اوْلدوغونا اینانێـرسیز. هر نه قدر ده گئج اوْلموش اوْلسا، یئنه ده بیر یوْل وار. البته بو دڲـیشیم یاراتماق چالێـشمالاریز بلکه بعضی‌لری‌نین مخالفتی ایله قارشێـلاندی. اوْلایلارا اوْلوملو باخێـن، صداقتله داورانێـن و اوْنلارا دا ایشیزین ندنینی آچێـقلایین. بیر یوْلا گیریشنده، یوْلداشلارێـمیزی دا نظرده توتمالی‌یێـق. @SancaqDergisihttps://t.me/Sancaq_media/8350

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 قـۇیروق دوْغان (آسلان، مرداد): حیاتی داها جدی توتمالێـسیز، اوْنا- بونا چوْخ دایانێب- گـۆوه‌نمک اوْلماز. بو گـۆنلر چوْخ اؤز ایستکلریزه چاتماغا عیناد ائلیر، اؤزۆزدن باشقا بیرینی گـؤره بیلمیرسیز. هر ایشی اؤنجه‌دن بیلیب، اوْنا حاضرلێـقلی اوْلماق، ایستییرسیز. بو هفته بعضی گـؤزلنیلمز تکلیفلر ائشیتدیکدن سوْنرا اوْنلارا نه جواب وئره‌جڲـیزی بیلمییه‌جکسیز. بو قوْنودا گـؤوه‌ندیڲـیز بیریسیندن یاردێـم ایستییه بیلرسیز. عاطفی باخێـمدان اؤنجه اؤز طرفیزده اوْلان سوْرونلاری چؤزمه‌لی و داها سوْنرا اقدام ائتمه‌لیسیز. سیز انسانلارا احترام قوْیدوقدا اوْنلارێـن دا احتیرامینی قازانا بیلرسیز. معنویاتی جدی توتون. عائله‌وی سوْرونلاری بیتیرین، لازم اوْلان مسافرته گئدین، یارێـم قالمێـش ایشلری سوْنا چاتدێرین، سؤزلریزی کیمسه‌یه دئمه‌یین، انسان چوْخ وقت ایناندێغی آدامنان ضربه گـؤرر. 🔶 زۇمار (باشاق، شهریور): بیلیرم بو یئره چاتماق اۆچون زحمت چکیب، چوْخلو امک وئریبسیز، آنجاق بو یوْلدا هر زمان سیزه اۆره‌ک- دیره‌ک اوْلوب، قوْل- قاناد وئرنلری گـؤرمزدن گلمه‌ڲـیز اخلاقی ایش اوْلماز. بو قدر ایشلریزده گلیشمک، بونجا یئرلرده تانێـنماغیز اوْنلارێـن یاردێـمی ایله امکان تاپێـب. بیر یئرده دانێـشاندا، بیر محفلده اوْلاندا، هاردان باشلادێـغیز و کیملرله بیرلیکده بو یـوْلدا آیاق قـوْیماغێـزدان دانێـشماق اؤز وجهه‌زی اۆسته آپارار. آتالار دئمیش: آغاج بار گتیردیکجه باشێـنی آشاغی سالار. ایش و یا حیات یئریزده دڲـیشیملریز اوْلاجاق، یئنی یئره تئز اؤڲـره‌شرسیز دارێخمایین. حیات یوْلداشێـز و یا سئوگیلیزی یئرسیز غرورلا اینجیدیبسیز، بو اینجیک‌لیڲـین آرادان گئدیب، بیر داها بارێـشماغێـز قالێب آللاها، من بیر سؤز دیینمیرم! 🔶 خزل (ترازی، مهر): توْپلوم ایچینده داها چوْخ گـؤزه گلیم ایشلر گـؤرمک ایستییرسیز. آنجاق بونا گـؤره نه ایش گـؤره بیله‌جڲـیزه قرار وئره بیلمیرسیز. دویغولارێـزی هر کسله پایلاشماق ایسته‌سز ده، زمانێـن اویغون اوْلمادێغینی گـؤرۆنجه، سس‌سیز قالماغی داها اۆستون بیلیرسیز. آنجاق ایلیشگی‌لری آزالتماغێـز سیزه عاطفی باخێـمدان ضربه ووراجاق. دۆز یوْلدا اوْلماغێـز اۆچون، کـؤنلـۆز ایسته‌ین و عقلیز امر ائدن ایشلرین آراسێـندا دنگه ساخلامالێـسیز. 🔶 قیروْو (عقرب، آبان): بیر نفر سیزه وئردیڲـی سؤزۆن دالێـسین توتمور. آرتێـق دؤزمک لازم دڲـیل، آنجاق ساواشێـب- کۆسمک ده چاره دڲـیل. یوْلداش یانا هرزادی اوْنا دئیین، اؤزۆنن ده ایشلرینه گؤره آچێـقلاما ایسته‌یین. بو هفته الیزه بیر پول گله‌جک. سیز بو پولو یوْخدودا قوْیموشدوز، اوْنا گـؤره آلدێـغیز اۆچون چوْخ سئونیرسیز. بو پولو ایسته‌دیڲـیز یئره خرجله‌یین، بیلیرم لازم اوْلان یئر چوْخدور، آنجاق بعضاً روحی باخێـمدان اؤزۆموزه وقت، انرژی و هزینه قوْیماق، باشقا یئرلرده جواب وئرر و بیزیم یئترلی و ثمره‌لی چالێـشماغیمیزا سبب اوْلار.#آردێ_وار.... @SancaqDergisihttps://t.me/Sancaq_media/8350

⭕️ هفته‌لیک فالێـنیز✍ حاضرلایان: #اوْلجای_مرآتی 🔶 آغلار‌- گـۆلر (قـوْچ، فروردین): سیزین باشارێـلاریز گـؤز اؤنـۆنده دیر. اوْنو- بونو اؤزۆزه پلکان ائله‌میین. نه چوْخ ایشله‌مک، نه آز ایشله‌مک، نه امکداشلارێـزین آرخاسێـجا ایش چئویرمک هئچ بیری رئیسین نظرینی سیزه گـؤره دڲـیشدیرمییه‌جک. او سیزی یاخجی تانێـییر. بو اۆزدن یئرسیز ایشلرله اؤزۆزو خراب ائله‌میین. اؤڲـرنجی‌لر چالێـشمالاری‌نین نتیجه‌سینی آلاجاقلار. اسکی یوْلداشلاردان بیری گـؤرۆشوزه گله‌جک، اوْنون گـؤرۆشوندن چوْخ سئوینه‌جکسیز. وارلێـقلاریزین قدرینی بیلسز، عاطفی باخێـمدان چتین‌لیکده اوْلمازسێـز. 🔶 گـۆلن‌آی (بۇغا، اردیبهشت): هر زمان یاخجی بیر فرصت گـؤزله‌ین کیمسه، هئچ وقت فرصت تاپا بیلمز. بو گـۆنو الدن وئرن، صاباحی دا الدن وئرر. گله‌جکده خوشبخت اوْلماغێـن شرطی بوگـۆن خوشبخت اوْلماغا چالێـشماقدیر. خوشبخت‌لیک ساتێـن آلمالێ، اؤدۆنج آلمالێ، دیلنمه‌لی یا اوْغورلایێب- چالمالی دڲـیل، خوشبخت‌لیک ساده‌جه اؤزۆنو خوشبخت بیلمک‌دیر. بیرینه محبت ائدیب، اوْنون حیاتی‌نێـن خزانێـنی بهار ائتمڲـه چالێـشسانیز، اؤز اۆزوز ده گـۆله‌جک. کدورت‌لری بوراخێـن و کینه‌لره سوْن قوْیون. بیلیرم چوْخ چتین‌لیک چکیبسیز، آنجاق داها چتین گـۆنلر بیتدی. گله‌جک سیزین‌دیر.🔶 قیزاران آی (ائکیزلر، خرداد): بیری‌نین حوصله‌سی اوْلماماق، سیزدن حیرصلی اوْلماغی آنلاما گلمز. بلکه ایشدن، عائله‌دن یا مالی مسائلدن اینجیکلیڲـی وار. یئتر اوْنون یانێـندا اوْلاسێـز، یاواش- یاواش حالی دۆزه‌لر. سئودیڲـیز بیری ایله دانـێـشاندا دقتلی اوْلون ایش هر زمان کی تارتـێـشمالارا چکمه‌سین. ایش و تجارت قوْنولارێـندا دقتلی اوْلمالێـسیز. باشارێـلاریزی دۆزگون گـؤرسه‌دین، ایش دانێـشمالارینا گئدنده اؤنجه‌دن مشق ائدین، اویغون پالتار گئیین و اؤز گـۆوه‌نلی اوْلون. سیز بو دانێـشیقدا اؤز قوت نقطه‌لریزی گـؤرستمه‌لیسیز. مالی نیازی اوْلان بیرینه الیزده اوْلدوغو قدر یاردێـم ائدین. دویغولارێـزی گـؤرستمکده احتیاطلی اوْلون. گاهدان چوْخ عصبی‌لشیر، جوْشوب- داشێرسیز. یاری یوْل یوْلداشلارێـندان اوزاق اوْلماغێـزی توصیه ائدیرم. هنری استعدادلارێـزی دڲـرلندیرین بو گله‌جه‌ڲـیزه یاخجێدیر. 🔶 قـوْرا پیشیرن (یئنگج، تیر): حیاتـێـزدا یئنی اوْلایلار اۆز وئره‌جک. بو اوْلایلار خیره ختم اوْلاجاق نگران اوْلمایێـن. بیر زماندێـر بیر سؤز اۆره‌ڲـیزده وار، ایندی اوْنو دیله گتیرمک اۆچون اویغون زماندێر. زمانین گئچیب سوْووشماسێـنی جدی توتون. گـۆنو- گـۆنه ساتماغێـن فایداسی یوْخدور. بیر قوْنو حقده هئچ بیر تبکی گـؤرستمه‌میش هرزادا دقت ائدین. اعصابێـزا مسلط اوْلون و یئرسیز دانێـشیقلاردان ساخێـنین. بو هفته شانس سیزه اۆز گتیره‌جک. مانع‌لر اؤنـۆزدن قالدێریلاجاق و آماجلارێـزا داها دا یاخێـنلاشاجاقسیز.#آردێ_وار.... @SancaqDergisihttps://t.me/Sancaq_media/8350

@SancaqDergisi@MuncuqAz

✍️ M.Zamacois ✍️ م. زاماگویس⭕️ منیم لهجه‌م🔷 فرانسیزجادان چئویرن: #سوسن_نواده‌رضیلهجه‌سی اوْلمایان آداما، آنجاق یازێغیم گلیر!اؤز ائلی‌نین لهجه‌سینی اؤزۆنله داشێماق،اؤز توْپراغێندان بیر آزجاسێنی، باشماق‌لارێندا داشێماق کیمی‌دیر.اؤز «بریتانی»یادا «اوْوئرنی» لهجه‌ن ایله دانێشماقبیر آز قورو یئرلریندن یا داغێندان یانێنجا داشێماق کیمی‌دیر.وطندن اوزاق ایکن، قایغێلار ایچینده باش آلێب قاچان زمانلهجه‌ن؛ بیرآز وطندیر، گلیر آرخانجا سنین...سنین لهجه‌ن، گؤز ایله گؤرۆنمه‌سه ده، بؤیۆك سفرلردهداشێدیغین بیر آز گۆوَ‌نجین، بیرآز دا قێوانجیندیر سنین.جلای وطن زوْروندا قالان قارابختلر اۆچونیابانجێ سؤزلری بوْیایان دا، آغێزدیر، لهجه‌دیرسوْنوندا، لهجه‌سی اوْلماق، اوْنو ایشلتدیکجههر ندن دانێشسان بیله، وطندن بیر نغمه‌دیر سانکی. 🔶 من هیچ اوتانمیرام اؤز دۆزگون لهجه‌مدن!ایستیرم طنطنه‌لی اوْلسون، هم ده آیدێن و گۆرولتولو.ایستیرم، لهجه‌می ائشیدنده خُلقوم - خویوم دڲیشمه‌دن هم باش اوجا دایانام، هم ده وقارلێ و غرورلو!@SancaqDergisihttps://t.me/Sancaq_media/8345

■ 2810 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز سه‌شنبه 20 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۱۰. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ سیلاح‌لاردان ال چکمک اوْلار مێ!؟✍ یازان: #شهرام_بذلیبو هانکێ قایدا،هانکێ قانون،و هانکێ حقیقت‌دیر!سیلاح‌لاردان ال چکمک اوْلار مێ؟!ائله بیل بو دۆنیانین اؤنۆنده قێـرمیزی آلمالارێن لاپ گؤزلی لبنان‌دا،آغاجلارێن ان گۆجلوسو اسرائیل‌ده گؤڲه‌ریر!و هر گۆن زیتون آغاجلارێ‌نین کؤلگه‌سینده،هر جنایت ایچۆن، اؤزلرینه صلح نوْبل اؤدۆلو وئریرلر!من اما ایندی گۆنئی‌ده قوزئی آختارێـب، قوزئی‌ده گۆنئی گزیرم!هله ده گئجه‌لر یاتاندا «میناب» مدرسه‌سی‌نین معصوم بالالارێ یادێما دۆشوراوشاقلارێـن حزین - حزین آغلاماقلارێآتالارێن شِروَه* لایلاسێ و آنالارێـن کدرله حسرته قارێـشان گوز یاشلارێ...من قوْرخورام. اما جنگدن یوْخ!آخماقلار و آلچاقلار آراسێـنداگۆناهسێـزلارین جانێـنا توْخونماق ایچۆن، یازێـلان قانونلاردان قوْرخورام.بو هانسێ حقیقت‌دیر کی،اوشاقلار یاشایان دۆنیانێـن سوْنو،آمریکالی اسلحه‌لردن گۆجله‌نیر ودیکتاتورلار سیاست کنگره‌سینده قالماق ایچۆن یازێلان سیاستلریو تؤکۆلن قانلارێ اؤزلرینه بیر افتخار بیلیرلر! کاش اوشاقلار - یئنی‌یئتمه‌لر توْرپاق اۆستونده آیاق یالێـن دوْلاناندا، باشلارێـنا نیفاق سیلاح‌لارێ ساغدان - سوْلدان، راکت - بوْمبا تؤکمییه....هله ده اۆمیدله یاشایێـرام. هله ده دومانسێـز گۆنلری گؤزله‌ییرم.من دینج بیر یاشایێـش آختارێـرام. بیر یاشام کی، اوشاقلار اوْنون قوجاغێـندا سئویب - سئویلسینلر.  🔶 ایضاح؛(شِروَه) لایلاسی: شروه لایلاسی جنوبدا رواج تاپان بیر نوع بوْغازدان چێخان "بداهه" موسیقی‌دیر.@SancaqDergisihttps://t.me/Sancaq_media/8343

📚 مین ایل ناغێـل کتابێـندان⭕️ جک و سئحیرلی لوبیه✍️ فارسجایا چئویرن: زهرا سعید بهر🔷 تۆرکجه‌یه چئویرن: #گۆنش_امانی🔶 «انجمن تدوین برنامه‌ریزی شده متون» تألیفی، «هزار سال قصه» کتابێندان ترجمه اوْلمۇش. بیرینجی بؤلۆم بو ناغێـل اینگیلیزجه بیر ناغێـلین اساسێـندا یازێـلیبدیر. جوغارێـب، ائینه‌ییب، یئکه‌لیب گـؤیه گئدیب چاتان، پخله، نوْخود و یاخود لوبیه کیمی سئحیرلی بیر تاخێـلین قـوْنوسو، هر زمان چئشیدلی ناغێـللار یاراتماغا بیر وسیله اوْلموشدور. ناغێـلین قهرمانی اوْنون گـؤوده‌سیندن دێـرمانیب، و «یاردێـم ائدیجی» گـۆجلو بیر وارلێـغا چاتێـب. یاردێـم ائدن اۇزون قۇلاق، دستمال یا آغاج کیمی سئحیرلی نسنه‌لر قهرمانا وئرر و یا بـۆتون آرزولارێـنا چاتماغا سؤز وئره‌ر. دئوین خزینه‌سینی چالێـب، اوْنون اؤلـۆمونه سبب اوْلان اوْغلانێـن ناغێـلی، چئشیدلی روایتلرله آوروپا، آمریکا و آفرقانێـن شیمالێـندا، تانێـنمیشدیر.۱۸۰۹ ایلینده «جک و سئحیرلی لوبیه» آدلی ناغێـل، انگلستاندا «اوْخول اؤنجه‌سی اوشاقلارا آدلێـم ناغێـل‌لار» تـوْپلوسوندا چاپ اوْلدو. بو روایت سئحیرلی لوبیه و اۆچ باشقا سئحیرلی عنصردن اوْلوشموشدور: قێـزیل یوموتدایان تـوْیوق،قێـزیل سیکّه‌لر کیسه‌سی و سئحیرلی چنگ[1]. بو ناغێـل اوشاق کتابلاری ایله سینه‌دن سینه‌یه انسانلارێـن ایچینه گئچیب، چوْخ آدلاندی. گـۆنلرین بیر گـۆنونده، کیچیک بیر تارلادا، «جک» آدلی بیر اوْغلان، آناسییلا یاشایێـردی. اوْنلار چوْخ ایشله‌دیکلرینه باخمایاراق، چوْخ یـوْخسول ایدیلار. اوْنلارێـن دۆنیا مالێـندان تکجه بیر قارێـمیش اینکلری وارایدی. اوْنو دا شانسلارێـندان، بو اینه‌ڲـیـن سۆتو قورودو، آناسی دا اوْنو ساتماق قرارێـنا گلدی. جک دئدی:- من اوْنو بازارا آپارێـب، ساتارام. آناسی دئدی:- بو اینه‌ڲـیـن اوْن گـۆموش سیکّه ده‌ڲری دیر. گـۆزله بیری مۆفته الیندن چێـخارتماسین. جک اینه‌ڲـیـن بوْینونا بیر ایپ باغلایێـب، یـوْلا دۆشدو. هله چوْخ گئتمه‌میشدی کـۆله بوْی قـوْجا بیر کیشی‌یه راست گلدی. قـوْجا کیشی‌نین بئلی اڲـیلمیشدی، اؤزۆ ده چلیک‌له یئریییردی. جکی گـؤرمک همان دئدی:- سلام جک. بو اینک‌له هارا گئدیرسین؟ جک دئدی:- سلام آقا. گئدیرم بازارا بو اینه‌ڲـی یاخجی بیر قیمته ساتام. قـوْجا کیشی دئدی:- ایسته‌سن زنگین اوْلا بیلرسن. او قدر زنگین کی، یوخوندا دا گـؤره بیلمزسن. من اینه‌ڲـی سندن آلارام، یئرینه بو لوبیه دنه‌سینی وئره‌رم. جک دئدی:- کسین منه شوخلوق ائلییسن. بو اینه‌ڲـیـن هئچ اوْلماسا اوْن گـۆموش سیکّه ده‌ڲری دیر. اینه‌ڲـی وئریم، یئرینه یالنێز بیر لوبیه دنه‌سی آلێـم‌می؟!- بلی، آما بونون بیر سئحیرلی لوبیه اوْلدوغونو بیلمه‌لیسن. اوْنو اکسن، بیر گئجه ده ائینه‌ییب، گـؤیه یئتیشر. جک اؤز- اؤزۆنه دئدی گـؤیه یئتیشیر! جک بیر سئحیرلی لوبیه‌یه اییه‌سی اوْلماقدان چوْخ حئیرتده قالدی. او اؤز خیالێـندا کندین اهالیسی ایله قـوْنشولاری گـؤرۆردو کی، سئحیرلی لوبیه‌نی گـؤرمک اۆچون اوْنلارێـن حیط قاپێـلاری‌نین اؤنـۆنده صف چکمیشدیلر. بو اۆزدن قبول ائلییب، اینه‌ڲـی لوبیه ایله دڲـیشدیردی. سوْنرا دا بو ایشدن راضی قالێـب، تله‌سه‌رک ائوه دؤندۆ. جک بو نفعتلی معامله‌دن آناسێـنا دانێـشدیقدا، آناسی اۆمودسوز حالدا هرای چکدی:- نه‌ائله‌دین؟! اینه‌ڲـی بیر لوبیه ایله ده‌ڲـیشدین می؟! سن نه قانمازسان! بو نه بلادی باشێـمیزا گتیردین؟ سوْنرا دا یاز بولودو کیمی یاش تـؤکدۆ. جک آناسی‌نێـن آغلاماسێـندان چوْخ اۆزولوب، لوبیه‌نی پنچره‌دن ائشیڲـه آتێـب، اؤزۆ ده آغلادی. سوْنرا دا اۆره‌ڲـی آجێـییب، یوخلادی.ائرته‌سی گـۆن یوخودان دورودو، گئتدی میطباخدا آناسێـنا صبحانه دۆزلتسین. آنجاق نه قدر چالێـشسا دا پنجره‌نی آچا بیلمه‌دی. #آردێ_گلن_سایێـدا... @MuncuqAzhttps://t.me/Sancaq_media/8342[1] . بیر موسیقی آلتی.

■ 2809 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز دوشنبه 19 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

«#سانجاق»، سیاسی- اجتماعی مهد تمدن گۆنده‌لیگی‌نین ۲۸۰۹. سایێنداکی تۆرکجه صفحه‌«مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چێخیر.@SancaqDergisi@MuncuqAz

⭕️ نماز و نیاز بیر – بیرینی تماملاندێـراندیرلار. ✍️ یازان: #حمید_احمدزاده – استانبول  «سوبکی»نین آردێـندان قشقایی تـۆرکو، «ماکان بجک» (الحسين البجکم آلما کانی دیلمیان زمانی) آدلانان بیری، خوزیستاندان (اهواز) قیام ائدیب و بغدادی الینه کئچیردی. «بجک»دن گـۆنوموزه ۱۲۵۰۰۰۰ قێـزیل سکّه قالێـبدیر. «بجک» بیر عادل، ساز – سؤز و شاعرسئور شاه ایدی. او زامان بغداد شهرینده خیریه خسته‌خانا و خیریه یتیم‌خانا، مسافرخانالار یاپدی. «بجک»ین آردێـندان، «فسا» شهریندن بیر باشقا قشقایی تـۆرکو (ارسلان بساسیری) آدێـندا قهرمان، ایلک اؤنجه شیرازی و آردێـنجا بغدادی فتح ائیله‌دی و ۴۰۰ هجری ایلینده خلیفه‌نی زندانی ائیله‌دی. بو زامان هله فردوسی‌نین -خیالی- شاهنامه‌سیندن خبر یـوْخ ایدی کی، تـۆرک شاهلاری -گرچکدن- ایراندا حاکمیت صاحیبی ایدیلر. تاریخی سندلرده یازێـرلار کی: ارسلان فساسیری بغدادی فتح ائیلینده، بغداد شهری‌نین تـۆرک اوْلان محلّه‌لریندن کئچرکن، تـۆرک‌لر طرفیندن باشێـنا قێـزیل سکّه یاغدێـریردیلار. ارسلان فساسیری‌نین آردێـندان  غزنوی، سلجوقی، خوارزمی، ایلخانی و ... گـۆنوموزه قدر آردێـسی قێـریلمایان تـۆرک پادشاهلاری ایراندا و منطقه‌ده حاکمیتده‌دیرلر. تأسۆفله یالان تاریخ‌لر ایراندا بو واقعیتلردن واز گئچیرلر. ۱۴۰۴ / ۱۰ / ۰۴@SancaqDergisihttps://t.me/Sancaq_media/8339

⭕️ نماز و نیاز بیر – بیرینی تماملاندێـراندیرلار. ✍️ یازان: #حمید_احمدزاده – استانبول«نماز» آللاهێـن حقّینی خاطێـرلاماق و ادا ائیله‌مک و «نیاز» انسانێـن حقّینی نماز صاحیبیندن دیله‌مکدیر. تـۆرک مفکوره‌سی و میتوْلوژی‌سینده، اسلامدان اؤنجه ده «نیاز» وارایدی. شاید او زامانلار، انسانی «کـؤتـۆ» (پیس، سوچ، گناه) ایشلردن قـوْرویان، اوْنون «نیاز» قاورامێـنا (موضوع، مفهوم) سێـغیندیغی ایدی. نیازین ذاتێـندا، قارشێ طرفه کی بیر غیبی نیرودور، استغاثه واردێـر، بوجۆر بیر باور و ایناملاردا، بیزیم بابالارێـمیزین تک آللاها اعتقادلاری اوْرتایا گلیر. یعنی اسکی تـۆرک‌لرین ایناملارێـندا یاتان «تک آللاه»لێـق اعتقادی‌دێـر.او اۆزدن بو دۆنیادا تـۆرک ملّتی بیر چـوْخ ملّتدن اؤنجه تک آللاه‌لێـلیغا اعتقادی وارایدی. او اۆزدن اسلام دینی ظهور ائدرکن، تـۆرک‌لر هر ملّت‌دن اؤنجه و آرتێـق، اسلام دینی‌نی منیمسه‌ییبلر. چـوْخ آیدین سؤیله‌ییم، اسلام تاریخینده هئچ ملّت تـۆرک‌لر قدر عذاب چکمه‌یيب و تـۆرکلر قدر شهید وئرمه‌ییب و شاهلێـغا و حاکمیته مالک دڲـیلدی. فضولی بغدادی، کربلا صحنه‌سینده غلام تـۆرکون شهید اوْلماسێـندان خبر وئریر. تقریباً امام هادی(ع) زمانی یعنی حدوداً ۲۲۲ هجری ایلینده، تـۆرک‌لر تماماً شبه جزیرهٔ عرب و بـۆتون تـۆرک دۆنیاسی و تـۆرک دۆنیاسێـندا اوْلان ال آلتی ملّتلره حاکمیت‌لرین ثبت ائیله‌میشدیرلر. «بوغای کبیر»، «آشیناس»،«زیرک تـۆرک» و... او حاکیم‌لردن اؤرنکدیرلر کی، هر هانسی‌نێـن آدێـنی «گوگل»ده سئرچ ائیله‌سه‌نیز، بیر بـوْللو منبع و قایناقلارا راست گلرسینیز. محمد جرير طبری، تاریخ طبری کتابێـندا، اسلام اوْردوسوندا، 90 مین نفرینه اشاره ائدیر. او زامان «جاحظ» عرب شاعری و یازاری بیر کتاب یازێـر «تـۆرکون فضیلت‌لری» آدێـندا. او زمانلار، تـۆرک‌لر، بغداد و بصره‌نی بنا ائدیرلر.تام ۲۵۰ هجری‌دن اعتباراً تـۆرک پادشاهلاری داها خلیفه‌نین دستورونا قاتلاشمایێـب، استقلال فیکرینه دۆشوبلر. او پادشاهلاردان بیری، قشقایی تـۆرکو سایێـلان «سوبکی»دیر کی او منطقه، یعنی «کرمان» تـۆرکو تانێـنماقدادیر. تام او ایللرده «یعقوب لیث صفاری» یـۆز مینلر تـۆرکو، سیستان، کرمان، شیراز، اصفهان و طبرستاندا قتل عام ائدیب، اسیر ائتمیشدی. تاریخی قایناقلاردا دییرلر او زامان تقریباً ۲۵۰ هجری ایلینده، یعقوب لیث صفاری او قدر گناهسێـز انسان اؤلدۆردو کی، یئر – گؤڲ قان آغلایێـردی. بو قتل عام‌لاری آنلایان بغداد خلیفه‌سی، یعقوب لیث صفاری‌نی عزل و اوْنو بو قتل و غارتلره گؤره کافر اعلان ائیله‌ییر. آللاه و طبيعت ده یعقوب لیث صفاری‌یه قهر ائیله‌یب، طبرستاندا، قێـرخ گۆن – قێـرخ گئجه یاغێـش و دوْلو و آردێـنجا قار یاغێـر. بو مصیبتلردن سوْنرا «یعقوب لیث صفاری»نین قێـرخ مین‌لیک لشکری تقریباً تار و مار اوْلور، بو زامان یعقوب لیث صفاری‌یه اسیر دۆشن بیر کرمانلی تـۆرک «سوبکی» آدێـندا تـۆرک‌لری باشێـنا تـوْپلایێـب، اؤز حاکمیتینی بیلدیریب، یعقوب لیث صفاری‌نی تماماً آرادان گـؤتـۆرور. آردێـنجا یعقوب قاچێـر خوزیستاندا ظاترا قولونج مرضی ایله، شرّین تـۆرک‌لرین باشێـندان سـوْوور. بو ساواشلار او گـۆنکو جغرافیالاردا اوز وئرن زمان، بو گـۆنکو ایران سایێـلان نجدده، هله «فردوسی»نین دۆنیایا گلمه‌ڲـینه ١٠٠ ایلدن چـوْخ و شاهنامه کتابێـنی تـۆرک پادشاهی «سلطان محمود غزنوی»‌نین حضورنا تقدیم ائیلمه‌ڲـینه ۱۷٠ ايل قالێـردی. یعنی او زمان، هله دری (هندو، تاجیکی، افغانی، فارسی) دیلی‌نین ایلک شاعری، بو گـۆنکو افغانستاندا «رودکی» حالا دوْغولمامێـشدی کی، بو گۆنکو ایراندا و عربستاندا و عراقدا، تـۆرک‌لر حاکمیتده ایدیلر . #دوامێ_آشاغێـدا...👇 @SancaqDergisihttps://t.me/Sancaq_media/8339

■ 2808 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز یکشنبه 18 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۰۸. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

@SancaqDergisi

■ 2807 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز شنبه 17 مردادماه 1405 🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۰۷. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 آزر (یای، آذر): بو هفته ایشلریز اۆزو اۆسته دۆشه‌جک. سیزی دارێخدیران سوْرونلارین بـؤیـۆک حیصه‌سی چؤزۆلمکله سیزه راحات بیر نفس چکمک امکانی یاراناجاق. گـؤردوڲـونوز کیمی، دارێخماغا، تلسمه‌ڲـه دڲـمز دۆنیانێـن ایشلری. هر حالدا ساغلاملێـغیزا آرتێـق‌راق فکیر وئرمه‌لیسیز. هر زادێـن باشی ساغلێـغا باغلی‌دێـر. بیر ده چتین گـۆنلرده یاخێـن دوْستلارێـزا گـۆوه‌نین. بیلدیڲـنیز کیمی، هئچ کیمین تیکه‌سی هئچ کیمده قالماز، یئری گلنده عوضینی آچارسێـز. هفته سوْنو عاییله‌وی بیر اڲـلنجه، گزینتی یا فیلمه باخماق عصبلریزی راحاتلایا بیلر.🔶 چیلله (اوْغلاق، دی): بو هفته مالێـزدان- پولوزدان چوْخ موغایات اوْلون، یـوْخسا اوْغرویا- قولدورا قسمت اوْلا بیلر! اؤنجه‌دن نذیریز اوْلسا یئرینه یئتیرین. ائو حئیوانی آلماق ایسته‌ینلر بونا نائل اوْلاجاقلار، آنجاق قـوْنوم- قـوْنشونو نظرده آلێـن. قارپێـز کیمی یای میوه‌لرینی چـوْخ یئمک سیزه زیان وئره بیلر. خسته‌لر حکیمین دئدیڲـینی اونوتمایێـب درمانلارێـنی وقتینده قوللانسێـنلار. ساچلاری تـؤکـۆلمڲـه باشلایان قادێـنلار شیمیایی رنگلرین یئرینه حنا کیمی طبیعی رنگلر و یا آز الیندن آمونیاک‌سیز باش رنگلرینی تجربه ائده بیلرلر، ساچلارێـزی رنگلمک سۆره‌سینی ده بیرآز یوبالتماق اوْلسا، یوبالدێـن. کندلرده یاشایانلار اێـلدیریمدان، یاغێـشدان موغایات اوْلسونلار.🔶 دوْندۇران آی (قـوْوا، بهمن): بو هفته بیر یالان سؤز ندنی ایله بیر بالاجا دردسره دۆشه‌جکسیز. نه یاخجی کی تئزلیکله تهمت سیزدن گـؤتـۆروله‌جک، اصلا اۆزولمه‌یین و دؤزۆملو اوْلون، دئییر: گـۆناهسێـز باش دار آیاغێـنا گئتسه ده، دارا گئتمز. عائله عضولریندن بیری نه‌سه تاپاجاق، اونو اییه‌سینه چاتدێـرماقلا باشقا بیر عائله‌نی سئویندیریب حلال روزی‌نیزین آرتماسێـنا سبب اوْلون. ساغلاملێـغیزلا باغلی، حیرصلنمکدن، عصبی‌لشمکدن ساخێـنین. گنج آتا- آنالار ایکینجی اوشاقلاری‌نێـن دۆنیایا گلمه‌سینه حاضێـرلیق گـؤرسۆنلر! 🔶 بایرام آیی (بالێـقلار، اسفند): آستا یئری اوستا یئری! ائو مسأله‌لری ایله باغلی مۆشگولوزو صبریله چوْخ راحاتجاسێـنا حل ائده بیلرسیز. یوْلداشلێـق ائتدیڲـیز آدامی سێـناماغیزدان زیان گـؤرمه‌سیز. هر چاغێـریلان یئره گئتمه‌یین، بـؤیـۆکلریزین مصلحیتنی باشدا توتون. دیش آغرێـسی بو گـۆنلر سیزی راحاتسـز ائدیر، بیرینجی میسواکدان کۆسمه‌یین، ایکینجی ده درمان فکرینده اوْلون. سئوگی قـوْنوسونا گلدیکده، دفعه‌لرله سێـنادیغیز بیر ایلیشکینی بیر دفعه ده سێـناماغین هئچ خئیری یـوْخدور. قاتی قرار وئرین یا بیر دفعه‌لیک بو یانا، یا دا بیر دفعه‌لیک اوْیانا.@SancaqDergisihttps://t.me/Sancaq_media/8335

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 قـۇیروق دوْغان (آسلان، مرداد): بو هفته اقتصادی ایلیشکیلریزی چوْخالتماقدان چکینمه‌یین. ساتماق سیزه دۆشرلی اوْلاجاق. نه‌یی‌سه ساتماق فیکرینده اوْلسانێـز یوباتمایێـن. آخشاملار چێـخیب ساکیت بیر یئرده آددێـملاماغیز، قدم وورماغێـز سیزین ایچیزی راحاتلایا بیلر. بیر نفر سیزدن بوْرج ایستییه‌جک امکانێـزدا اوْلان صورتده یـوْخ دئمه‌یین. آنا طرفیندن بیر مادی منفعت ده طالعیزده گـؤرۆنور. هرحالدا مال- دؤولته گـۆوه‌نمه‌یین. معنوی قازانجلار قالارقێـدی. سوبایلار هر سؤزه آلدانماسێـنلار. آداملارێـن یاغلێ دیلی عمومیتده اونلارێـن چیرکین ایچندن خبر وئریر.🔶 زۇمار (باشاق، شهریور): بو هفته سیزین اۆچون گـؤزل خبرلر هفته‌سی‌دیر. چوْخداندی نیگرانی اوْلدوغوز بیر موضوع تام یـوْلونا قـوْیولوب سیزی آرخایین‌لێـغا چێـخارداجاق. بونون شـۆکرونو یئرینه گتیرمکدن غافیل اوْلمایێـن. هفته‌آراسێ ال وئرن گیره‌وه‌دن یاخێـن بیر گزینتی‌یه، سفره چێـخماق مقصدی ایله فایدالانێـن. ساغلاملێـغیزلا باغلێ دؤهدۆر دییه‌ن کیمی درمانلارێـزی قوللانێـن، اؤزباشێـنا داوا- درمانێـن خئیریندن چوْخ ضرری اوْلا بیلر. مؤوسوم میوه‌لریندن امکان قدری فایدالانێـن. ایشیزی جدی توتوب بیر یئره انرژی قـوْیون. او بوداقدان بو بوداغا آتێـلماقلا دۆز- عمللی ایش صاحابی اوْلا بیلمه‌سیز.🔶 خزل (ترازی، مهر): بو هفته یوْلداشلارێـنیزلا اوْلماقدان حظ آلاجاقسێـز. هفته‌نین سوْن گـۆنلری سئودیکلریزله بیر آرایا گلمک جانێـزا اوْتوران آغێـرلیغی چێـخاردا بیلر. آتا- آناز حیاتدادێـرسا بیر تعطیل گـۆنو یانلارێـندا اوْلون. رحمتده‌دیرسه اۆزوموزه گلن جمعه آخشامی بیله‌لرین احسان وئرمک، قرآن اوْخوماق و یا هر هانسی اؤز دب- گله‌نه‌ڲـیز وارسا، یاد ائدین. اؤتن گـۆنلرده یارانان سوْرونلارا گـؤره اؤزۆنوزو قێـنامایین، دؤزۆمله زمان هر زادی سیزین اۆره‌ڲـیزجه یـوْلونا سالاجاق. کـؤنلـۆزو سێـندیران بیریندن بیر پای گله‌جک، اوْنو قبول ائتمکله اینجیکلیک‌لره سوْن قـوْیون. 🔶 قیروْو (عقرب، آبان): بو هفته گـۆلمه‌لی ایشلرله راستلاشاجاقسێـز. بو سیزین هم احوال- روحیه‌زه یاخجی ائتگی بوراخاجاق، همی ده عائله‌ده اوْلان بعضی قارانلێـقلاری آیدێـنلاداجاق. آتا- آناسێـزسا اوشاقلارێـزی بیر کیچیک هدیه ایله سئویندیرین. اوشاقسێـزسا والیدئین‌لریزه سایقی گـؤرسه‌دین. رحمته گئدن آتا- آنالاری ایسه یادا سالێـن. ماشێـن آل- وئری فکرینده اوْلانلار یوباتماسێـنلار، دئییر: او داغا یاغدێم خبر، بو داغا یاغدێم خبر، قاپێـدا دوردوم دای نه خبر؟! یانی بوندان ال‌وئریشلی شرایطی گـؤزله‌مه‌یین. قێـزلار دا ایسته‌دیکلرینه یاخێـنلاشاجاقلار بو هفته.#آردێ_وار.... @SancaqDergisihttps://t.me/Sancaq_media/8335

⭕️ هفته‌لیک فالێـنیز✍ حاضرلایان: #اوْلجای_مرآتی 🔶 آغلار‌- گـۆلر (قـوْچ، فروردین): بو هفته آغێـر بیر دردیسردن قورتولاجاقسێـز. آنجاق سیزه درس اوْلسون بیر داها بو سایاق ایشلره گیریشمییه‌سیز. مال- پول فیکری دۆزدور اوْلماسا اوْلماز آما قیسمتیزده اوْلان گلیب چاتاجاق، چوْخ دا اؤزۆزو اوْدا- سویا وورماغێـن فایداسی یـوْخدور. پیس خبر ائشیتسز صبیرلی اوْلون، دۆنیا دئدیڲـین ائله بودور، بو دا حیاتێـن، یاشامێـن بیر بـؤلـۆمودور. الیزدن گئدنلره اۆزولماغێـن یئرینه، الیزده‌کیلرین قدرینی بیلین. بیرده بالاجا بیر هدیه ایله عاییله‌ده باش وئرن سوْرونلاری قالدێـرا بیلرسیز.🔶 گـۆلن‌آی (بۇغا، اردیبهشت): بو هفته بـوْغونتولو گـۆنلری آرخادا قـوْیاجاقسیز. الیزه سیزی راضی ائده‌جک قدر پول گله‌جک. عائله سوْرونلارێـنی حل ائتمڲـه جهد گـؤسترین. سیزین دالێـزجا سؤز دئین بیری اؤز ایشیندن پئشمان اوْلوب عذر دیله‌مڲـه گله‌جک، باغێـشلاساز هر ایکیز راحات اوْلارسیز. یای قاچ‌ها-قاچی‌نین یوْرقونلوغو جانێزدان چێخاجاق. ایش مسأله‌سی ایله باغلی یاخجێ دورومدا اوْلاجاقسێز. یاخێـن بیر گزینتی‌یه چێـخماغیزین سوْن فرصتی‌دیر. نه‌یی یا دا کیمی‌سه گـؤزله‌ییرسیز، دئمه‌لی‌یم بو هفته ده گـؤزلمه‌لی اوْلاجاقسێز، آنجاق نیگرانلیق یئری یـوْخدور. سوبایلارین طالعینده یئنی بیریسی ایله تانێـشلیق گـؤرسه‌نیر، بو سایاق ایلیشکیلریزی بؤیوکلریزدن گیزلتمه‌یین!🔶 قێـزاران آی (ائکیزلر، خرداد): بو هفته جسمی و روحی باخیمدان سیزه بیرآز آغێـر هفته اوْلسا دا، آنجاق تئزلیکه گئچمیش اوْلاجاق. چالێـشین قـوْنشولارێـن رضایتینی اله گتیرین. مالی مۆشگولوز اوْلمایاجاق آما یئرسیز پول خرجله‌مکدن و اسرافدان اوزاق اوْلماغێـزی توصیه ائدیرم. بیر نفر یاخێـنلاریزدان سیزه دوْلا‌شێـر، اوْنو شیرین دیل ایله یئرینده اوْتوردا بیلرسیز. آلێـش- وئریش اۆچون تلسمه‌یین، بیرآز بازار کاساتدی. بـوْش وقتلریزده کتاب اوْخوماق سیزی دینجه‌لده بیلر. سئوگی ایله باغلێ یالنێـز اۆره‌ڲـینیزی دۆشونون و فرصتی قاچێـرمایین، زامان سو کیمی آخێـر گئچیر.🔶 قـوْرا پیشیرن (یئنگج، تیر): بو هفته هئچ بئله فیکرینی ائتمه‌دیڲـیز یئردن الیزه پول گله‌جک. هؤیله‌سک اوْلمایین. خرجله‌دیڲـیزی یئرینده خرجله‌یین. داوا- درمان آتـێـرسیزسا وقتینده آتـێـن. سیقارا، قلیانا وئره‌نی یئمه‌لییه وئرین. هوس ده اوْلسا، بحث ده اوْلسا بو قدر یئتر! عائله‌وی مۆشگوللری آزالتماق اۆچون چالێـشین بیر سفره گئدین. اوشاقلاری نه چوْخ سێخینتی‌دا ساخلایێـن نه ده چوْخ اؤزباشێـنا بوراخێـن. هر ایشیزین دالێـنجا ماشێـنلا گئتمه‌ڲـی دۆشونورسوز، بو سیزین ساغلاملێـغیزا زیان وئره بیلر. سوبایلار سئوگیلی‌لری‌نین گـؤرۆشونه گـۆل بوتاسییلا گئتمک مصلحت گـؤرۆنور، بونون معجیزه‌وی ائتگیسینی ائله بو هفته گـؤره‌جکسیز.#آردێ_وار.... @SancaqDergisihttps://t.me/Sancaq_media/8335

⭕️ زرنیشان خانێـمین چنلی‌بئله گلمه‌سی ✍️ کؤچۆرن: #شبنم_توحیدی ایکینجی بؤلۆم چنلی‌بئله طرف یؤن آلدێلار. آز گئتدیلر، آلچاقلێ، اوجالێ داغلار آشدێلار، بیر نئچه گۆندن سوْنرا اوْنلار «یاغێ» قوْروغونا چاتاندا گۆن بیر سیجیم بوْیو قالخمێشدی. دلی‌لر مؤمینه خانێمین پئشوازێـنا، یاغێ قوْروغوندا دوردولار. چنلی‌بئله چاتاندا مؤمینه خانێم گؤزلرینه اینانمادێ. هر یئرده دلی‌لر، خانێملار، قایێـر – قایێـر قایناشێردی. مؤمینه خانێمی هره بیر جۆر تصوّر ائدیردی. مؤمینه خانێم آتـدان ائنن‌ده قدّی – قامتی، بوْیو، مغرور یئریشی ائله بیل چنلی‌بئله یئنی بیر زینت وئردی. چنلی‌بئل خانێملاری، مؤمینه خانێمین گؤزللیڲیندن خجالت تَـری تؤکدۆلر. جمعی دلی‌لرین آناسێ، نیگار خانێم بئله، مؤمینه خانێمین گؤزللیڲیندن پوْزولدو. آلا گؤزلری اختیارسێز پیالا کیمی دوْلدو. نیگار خانێمین یاز بولودو کیمی دوْلدوغونو گؤرن کوْراوغلو، تئللی سازێن باغرێـنا باسێب، آلدێ گؤرک نه دئدی: گَـل سنه سؤیله­‌ییم، آی حؤکمدار قێـزی،آغلاما نیگارێـم، او دا یارێـمدی.دئدیڲین سؤزلرین چێخدیمی یاددان؟آغلاما نیگارێـم، او دا یارێـمدی. ایره­‌لی گـل توت الینله الینی،بۆلبول اوْلان آختارمازمێ گۆلونو؟مندن اؤترۆ ترک ائیله‌دی ائلینی،آغلاما نیگارێـم، او دا یارێـمدی. یاخشێ باخ سن، کوْراوغلونون ذاتێـنا،قێـلینج قالخانێـنا، پوْلاد قاتێـنا،بیر ائیواز عشقینه، حسن خاطێرینا،آغلاما نیگارێـم، او دا یارێـمدی. سؤز تماما یئتیشدی. نیگار خانێم ایره­‌لی یئریدی. مؤمینه خانێما خوْش‌ گلدین دئییب، مجلیسده کوْراوغلونون سوْل طرفینده اڲلشدیردی. مؤمینه خانێمین گلیشی شرفینه چنلی‌بئلده بیر کئف مجلیسی دۆزلدی کی، ایندییه قدر دۆزلن مجلیسلرین شاهێ سایێلدی. دلی‌لر گئجه‌دن خیلی کئچنه‌دک یئدیلر، ایچدیلر، کئفلر دورولدو، داماقلار چاغ اوْلدو. دئییرلر، بئله شن – شوخ مجلیسلردن سوْنرا کوْراوغلو هئچکسین جرأت ائدیب، قاپێـسینی آچمادێغی قێـرخینجی اوْتاغا گئدرمیش. بیر ساعات اوْردا تک – تنها اوْتوردوقدان سوْنرا چێخارمیش. بو دفعه ده کوْراوغلو همین اوْتاغا گیردی. بیر ساعاتدان سوْنرا اوْتاقدان چێخاندا، حسن گؤردۆ کی، کوْراوغلو ائله حالدادێ، ائله حالدادێ پێچاق وورسان قانێ چێخماز! گؤزلر قان چاناغێ کیمی قێپ­قیرمیزی! حسن چوْخ گؤتۆر – قوْی ائتدی، هئچ نه باشا دۆشمه­‌دی! اوْ گۆندن سوْنرا حسن آتاسێنی گؤزدن قوْیمادێ. گؤردۆ کی، آتاسێ سوْن گۆنلرده همین اوْتاغا تئز – تئز گئدیر. هر دفعه ده پژمرده حالدا، گؤزلری نملی اوْتاقدان چێخیر! کوْراوغلو بیر دفعه ده اوْتاغا گیرنده، حسن ده آستاجا اوْنون آرخاسێنجا ایچری گیردی. حسن باخدێ کی، آتاسێ بالاجا بیر صاندێقچا آچدێ، اوْرادان بیر قێـز عکسی چێخارتدی، بیر ساعات اۆزونه تاماشا ائتدی، سوْنرا عکسی یئنی­دن یئرینه قوْیماق ایسته­‌دیکده، حسن آتاسێ‌نین بیله‌ڲیندن یاپێشدی. حسن آتاسێ‌نین الینده­‌کی قێـزین عکسینه باخدێ. قێـز نه قێـز، آی پارچاسێ! ائله بیل کی، آللّه ‌تعالیٰ خوْش گۆنونده، خوْش ساعاتێندا، خوْش دقیقه­‌سینده قلمی­نی بو قێـزین اۆزونه چکیب. بیر باخان دئییر، قوْی بیر ده باخێم. حسن‌ێن کؤهنه یاراسێ فوران ائله‌دی. یادێـنا «احمد خان»ێن قێـزی، «مهری خانێم» دۆشدو. آخێ، مهری ده بیر قێـز ایدی، گؤزللیکده بۆتون حوری‌لر اوْنون سایێـندا دوراردێ. مهری‌نین قدّی – قامتی، بوْیو – بوخونو، دورنا کیمی جان آلان آلا گؤزلری، آلما کیمی قێـرمیزی یاناقلارێ، یۆز مین عشوه ایله یئریشی، جیران کیمی مغرور دوروشو گؤزلری اؤنۆنده جانلاندێ. مهری خانێمین، حسن­له آیرێلیغیندان سوْنرا چوْخ خفت چکمه­‌سی، حسن‌ێن آتاسێندان اجازه آلێب، «احمد خان»­ێن یانێـنا قایێـدارکن، قاپێـدان قالخان جنازه‌نی گؤرمه‌سی، حسن‌ێن یاخا یێـرتیب، اۆز جێرماسی، آغ گۆنونون گؤی اَسکییه دؤنۆشمه­‌سی اۆره­‌ڲی‌نین باشێنی یاندێردی. اۆره‌ڲی کؤوره‌لدی. گؤزلری یاز بولودو کیمی دوْلدو. آتاسێ‌نین حالێنا آجێدی. دئدی: - مهربان آتا! سؤیله، بو کیمدی؟ نه اۆچون هر دفعه بو اوْتاغا گیریب، او قێـزین عکسینه باخدێـقدان سوْنرا آغلایێرسان؟ مگر من اؤلمۆشم کی، قوْچ کوْراوغلو خفت چکسین؟ یا بو سرّی منه آچمالێسان، یادا آنامێ دا گؤتۆروب، بو ساعات چنلی‌بئلی ترک ائده‌جـڲم. #آردێ_گلن_سایێدا... @SancaqDergisihttps://t.me/Sancaq_media/8331

■ 2806 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز پنجشنبه 15 مردادماه 1405 صفحه 1🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۰۶. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

▪️اؤیله مستثنا گؤزلسن✍ سؤز: حکیم مولانا فضولی🎧 سس: #سوسن_نواده‌رضی 🔸 اۏخونوش تاریخی:چهارشنبه ۲۷ مرداد ۱۴۰۰August 18, 2021@SancaqDergisi

▪️اؤیله مستثنا گؤزلسن✍ #حکیم_مولانا_فضولی اؤیله مستثنا گؤزلسن کیم سنا یۏقدور بدلسندن ای جان مُنقَطِع قیلماز بنی اِلّا اجلنیجه صورت باغلاسون گؤنلۆم خلاصِ عشقدن عشقدۆر بیر حال کیم اۏل حاله گؤنلۆمدۆر محل عشقیمه نقصان یئتۆرمز گؤرمه‌مک اۏل عارضی جوهره تغییرِ آثارِ عَرَض وئرمز خلل ائیله‌دی رسوا گؤنۆل چاکِ گریبانِ ادب گؤر نه اهلِ علمدۆر آداب ایلن ائیلر جدل حالیمی گؤردۆکجه منعِ اهلِ عشق ائیلر فقیه حجّتِ مَقطوعی یۏق ائیلر قیاس ایلن عمل مدرسه ایچره مدرّس وئردیگی بین درسدنیگ‌دورور میخانه‌ده بیر جام وئرمک بیر گؤزلای فضولی بن دم اورموشدوم صفای عشقدن مَطلَعِ خورشید ایجاد اۏلمادان صبحِ ازل@SancaqDergisihttps://t.me/Sancaq_media/8329

⭕️ آداشلار✍️ یازان: #مصطفی_نادری۴کندده قدیم ساواد یازێب – اوْخویان چوْخ دڲیلدی. ایکی کلبه‌موسی‌لار یازێب اوْخوما بیلیب، قرآن‌دان سووای تنبیه‌الغافلین و گلستان سعدی‌ده اوْخوموشدولار. آتام جاوانلێقدا قرآن مکتبی قوروب، بۆتون اوشاقلارا و جوانلارا قرآن اؤرگتمیشدی. ایندی‌نین اللی آلتمێش یاشێندالاری بۆتون قرآنی آتامێن یانێندا اوْخویوبلار.کلبه‌موسی‌نین گؤزل خطی‌ده واریدی. دئیرلر ایران – عراق جنگینده جبهه‌یه گئدن سربازلارا آتا آنا، عائله‌لری نامه یازاندا، کربلایی موسی اوْنلارێ یاردێم ائدیب، نامه‌لری یازارمێش.بو کیشی‌نین سینه‌سینده چوْخلو شعرلرده، خصوصاً گلستان سعدی‌دن واریدی. شعر اهلی‌له بیر یئره دۆشنده او گؤزل شعرلردن و ائله اوجۆر اؤز دیلیمیزین گؤزل شعرلریندن اوْخویاردێ. منیم اۆچون بیر بیت اوْخوموشدو کی ایندی‌ده یادێمدا قالێـبدیر:باغێشلانسین آتان محشر گۆنوندهآنان جنّتده یاتسێن سۆت گؤلۆنده۵«خانێش باغێ» آدلانان، کنده گلن سو کانالێ‌نین آلتێـندا بیر آلما باغێ اکیب، کندین گؤزل‌لیڲین آرتێرمیشدی. او باغێن چوْخلو آغاشلارێ آلمایدی، آما باغدا اریک، گیلاس، اۆزوم و گیردکان آغاجلاری‌دا واریدی. باهار دؤنمینده کولبر سئلووندان گئدن سویو چارپاز اَرخیله آپارێب، باغێ سوواراردێ. چوْبانلار، کؤرپه ناخێر یایانلار دا او میوه‌لردن دریب یئیردیلر.باغین باشێندان گئچن سو کانالێـنی دوتوب بندینه دک گئدسن، یئتیشر چپدره‌یه کی، کندین باغ باغاتێ‌نین چوْخلو سویو او دره‌دن گلر. ۶گئچمیشلردن درس آلێب، گلمیشلره درس وئرن کیشی، اؤزۆنو بۆتون روح – بدن ضررلریندن قوْرویوب، یاشێـنا گؤره چوْخ جاوان قالمێشدی. خانێش باغێ آدێـندا باغێـنا کی، یارێم آغاجا یاخێن کندیله فاصله‌سی واردێ، اؤز ایاغێ‌لا گئدیب گلردی و دئیردی: جاوانلێقدا او یوْلو دوچرخه‌‌ایله گئدیب گلرمیش.یئییب ایچمه‌سینده ‌ده گؤزله‌شیب، ساغ سالم غذالاردان یئییب و چوْخ یۆنگول بدنی واریدی. اوجابوْی، آرێـق، سۆموکلو و بئلی اڲیلمه‌ین قوْجایدێ. عؤمرۆنون سوْنونا دک اؤز ایشلرینی اؤزۆ گؤرۆب ال ایاغدان دۆشمه‌میشدی.بیر ایله یاخێندیر کی، بو گؤزل انسان دۆنیاسێن دڲیشیب، خانیش باغێ‌نین یوْلونون قێـراغیندا، آتاسێ‌نین یانێـندا توْرپاغا تاپشێـریلیبدی.الله رحمت ائله‌سین. @SancaqDergisihttps://t.me/Sancaq_media/8328

⭕️ آداشلار✍️ یازان: #مصطفی_نادری ۱آتام‌لا بیری بیرینی آداش سسله‌نردیلر. بیر گۆن آتامدان سوْروشدوم:- آتا! سن کلبه‌موسی (کربلایی موسی)سان، او مشه (مشهدی) موسی! نه‌دن بیری بیریزی آداش سسله‌نیرسیز؟آتام دئدی:- بالا! من اوشاقلێقدا کربلایا گئدمیشم، او مشهده؛ یوْخسا اصلینده آدێمیز بیردیر، ایکیمیز ده موساییق.آداشلێقدان سووای، آتام‌لا مشه موسی‌نین آیرێ باره‌لرده ‌ده بیر بیرینه اوْخشارلاری واریدی. ایکیسی ده قرآن اوْخویوب، قرآن مکتبی قوران، نوحه، دوعا اوْخویان، بیچینچی‌لیک ائدن و مال داوار ساخلایێب، کند ایشینده چالێشان.۲محرم آیێ مشه موسی‌نین سسی‌ایله باشلانێب، آتامێن سسی‌ایله تاسوعا، عاشورایا یئتیشردی.کیم باش وئریب سنین کیمی جانانه یاحسینقوربان اوْلوم سنین کیمی قوربانه یاحسیناؤلسۆنله شیعه‌لر نئجه انصافێ‌دیر آقامین دوْققوز یۆز یارا دَڲه بیر جانه یاحسینبونو اوْخویاندا دسته‌یه یاپێشانلار دایانێب، اللرینی قولاق‌لارێنا قوْیوب، اوجادان جواب وئرردیلر:آقا یا حسین، آقا یا حسین ...باشه یئتیشدی دوره‌ی دوران کربلاکرب‌بلایه گلدی گنه سلیمان کربلاای شیعه‌لر ایاغه درون پیشواز ائدینکرب‌بلایه گلدی گنه سلیمان کربلاآقا یا حسین، آقا یا حسین...هر ایلده محرمین ایلک گئجه‌سی، بو نوحه‌نی اوْخویاردی:قان یاغدی کربلاده صحرایه یا محمداؤلدۆ حسین خبر وئر زهرایه یا محمداۆچ دؤرد گئجه محرمدن گئچندن سوْنرا، داها نوحه دئمه‌ییب، منبرین یانێـندا اڲلشردی. اوْروشلوق آیێـندادا نامازدان سوْنرا دوعالاری و جوشن کبیر دوعاسێنی قدر گئجه‌لرینده اوْخویاردێ.۳منیم اوْن‌بئش، اوْن‌آلتێ یاشێم اوْلاردێ کی، بیر گۆن آتام‌لا دامدا اوْت دوْغرویاندا، گؤردۆم مشه موسی بیر بالاجا ساک الینده محله‌ایلن اوْخویا – اوْخویا، جاده‌یه سارێ گئدیر. آتام اوْتون دسته‌سینی یئره آتێب، سسلندی: - آداش، آداش! هارا گئدیرسن؟مشه موسی دالێ دوْنوب، داما سارێ باخێب، دئدی:- کربلایا گئدیرم آداش.آتام تئز دامدان محله‌یه ائنیب، اوْخوماغا باشلادێ:اوْلسون سلام گۆل یاسمنلرهاوْلسون سلام جبهه‌ده مظلوم اؤلنلرهاوْلسون سلام قبریده باشسێز یاتانلارااوْلسون سلام اۆز گؤزۆ قانه باتانلاراآتامێن سسی چوْخ زیل و اوجا اوْلدوغونا گؤره، بۆتون قوْنشولار ائشیدیب، چؤله چێخدیلار.اول به عارض چو گل مصطفی سلامدوم به آفتاب رخ مرتضی سلامسوم سلام فاطمه اول دختر نبیچارم به پاره جگر مجتبی سلامپنجم سلام همه سادات محترمششم به کشتگان صف کربلا سلامهفتم سلام به شهنشاه کربلاهشتم به اهل حرم یک یک جدا سلام...کربلا مسافری یوْلا دۆشندن سوْنرا کندده اوْنو کربلایی سسله‌نیب، مشه موسی‌دا کربلایی موسی اوْلوب، آتاملا تام آداش اوْلدولار.کربلادان قایێـداندا دا گئجه‌یارێسی گلیب، کندین قارشێسیندا قویو تپه‌سی آدلانان یئرده ماشێندان ائنیب، آلدێغی سوْغاتلارێ بیر کؤلۆن دیبینده قوْیوب، ائوه گلیب اوْغلو اکبری یوخودان اوْیادێب، دئمیشدی: - من کربلادان گلیرم. دورون حاضێرلاشیب منه پیشواز گلین.اکبر گلیب آتامێ یوخودان اوْیادێب، آتام زیل سسی‌نی باشێنا آتێب، بو کلبه‌موسی او کلبه‌موسی‌یا پیشواز گئتمیشدی.#دوامێ_آشاغێـدا...👇 @SancaqDergisihttps://t.me/Sancaq_media/8328

■ 2805 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز سه‌شنبه 14 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۰۵. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ مشروطه دوره‌سی‌نین روزنامه‌نگارلارێ✍️ حاضرلایان: #گۆنش_امانی 🔷 مشروطه زمانی روزنامه‌نگارلارێن انقلاب جریانێندا اؤنملی نقشلری اوْلوب. «کاغذ اخبار» آدێندا ایلک روزنامه چێخاندان یئتمیش ایل سوْنرا، روزنامه‌چیلیک زوْر و ظلمه قارشێ بیر انقلاب یارانماغا سبب اوْلدو. مشروطیت زمانی عمومی دۆشونجه‌نین اوْیانماسێ چوْخ شدت و سرعتله قاباغا گئتدی و گۆنده‌لیک نشریه‌لر انسانلاردا یئنی دۆشونجه یارانماقدا چوْخ ائتگیلییجی اوْلدو. مشروطه فرمانی اعلام اوْلدوقدا روزنامه‌لرین تیراژی چوْخالدێ، ائله کی، مشروطه دوره‌سی‌نین اؤنملی روزنامه‌لریندن اوْلان «مساوات» روزنامه‌سی‌نین سایێ ۳۰۰۰، «صور اسرافیل» روزنامه‌سی‌نین سایێ ۵۰۰۰، «مجلس» روزنامه‌سی‌نین سایێ اوْن ۱۰۰۰۰ و «انجمن ملّی» روزنامه‌سی‌نین سایێ ۵۰۰۰ نسخه‌یه یئتیشدی. 🔷 مشروطه فرمانی صادر اوْلان زمان ایراندا تکجه ۲۰ روزنامه و نشریه چێخیردی، اما مشروطه اعلام اوْلدوقدان سوْنرا آز زماندا ۹۲ نشریه یایێلماغا باشلادێ. بۇ نشریه‌لردن ۶۴ عنوان تهراندا، ۹ عنوان اصفهاندا، ۶ عنوان تبریزده، ۴ عنوان همدان، ۲ عنوان لاهیجان و ارومیه‌ده، و ۱ عنوان کرمانشاه، شیراز، مشهد، بندر انزلی و شهرری ده یایێملانماغا باشلادێ. 🔷 مشروطه زمانی روزنامه‌لرین قطعی ده بؤبۆدۆ، البته تیراژ بیرآز آزالدێ. اؤرنک اۆچون «استقلال ایران» آدلانان روزنامه ۸۰۰ دن ۱۰۰۰ نسخه‌یه کیمی چێخیردی و «ایران نو» روزنامه‌سی کی، اوْ زمان ایرانێن کثیرالانتشار روزنامه‌لریندن سایێلیردی ۲۵۰۰ دن ۳۰۰۰ کیمی چێخیردی. بۇ آزالماغێن سببی، انقلابدان آسێلی اوْلاراق، عمومی فقرین چوْخالماسێندان اوْلا بیلر. اوْ زمان اوْرتاق اوْلاراق، نئچه نفر بیر روزنامه‌نی آلێب بیرلیکده اوْخویوردۇلار.🔷 اوْ زمانێن ۲۰۶ نفر روزنامه‌نگارێندان ۱۷۸ نفری‌نین دوْغوم یئری بللیدیر. اوْ زمانێن ایالتلری‌نین ایچینده آذربایجان ۴۲ روزنامه‌نگارلا أن یۆکسک مقامدا یئر آلێردی. (ایرانێن ۲۴ یۆزده‌سی) فارس ایالتی کی، بوشهر ده اوْردان سایێلیردی ۱۳، خراسان ۹، کاشان و جوارێ ۱۰ و اراک‌لا جواری ۸ روزنامه‌نگارلا بو قوْنودا مهم سهملری اوْلوردو.🔷 البته روزنامه‌نگارلارێن بیر عده‌سی‌نین اؤز آنایۇردلارێندان ائشیکده چالێشمالارینی دا، نظرده تۇتمالێ‌ییق. عمومیتده بو روزنامه‌نگارلارێن چوْخو عادی انسانلارێن ایچیندن اوْلوبلار. ۷ روزنامه‌نگار کندلی و ۱۱ نفری ده آدلێم خاندانلاردان تانێتدیرماق اوْلار. روزنامه‌لرده ایشلیینلر گنج یاشدا اوْلوردولار. بو روزنامه‌نگارلاردان ۴۳ نفری‌نین یاشلارێ بئله‌دیر: ۱۸ نفری اوْتوزدان آز، ۱۶ نفری اوْتوزدان قێزخ یاشا کیمی و ۹ نفری قێرخدان اللی‌سکگیزه کیمی ایدی. بونلارێن ان کیچیک یاشلێسی میرزا عبدالله شیرازی، میرزا جهانگیرخان «صور اسرافیل»روزنامه‌سی‌نین چێخاردانی‌نین باجی‌اوْغلوسو ایدی کی، اوْن ایکی یاشێندا «نفخه صور» روزنامه‌سینی چێخارتدی. «ندای اسلام» روزنامه‌سی‌نین چیخاردانی سید ضیاءالدّین طباطبائی‌نین یاشێ دۆز یازێلسا بو روزنامه‌نی چێخاردان زمان تکجه ۱۴ یاشێ وار ایدی. 🔷 اوْ زمانێن روزنامه‌نگارلارێندان ۵۰ نفر ملا و واعظ، ۱۸ نفر کارمند، ۱۵ نفر معلم و یا مدیر، ۱۰ نفر دکتر، ۹ نفر بازرگان، ۷ نفر کتاب‌ساتان، ۲ نفر چاپخانه‌سی اوْلان، ۲ نفر بؤیۆک مالک، ۲ نفر مجلس نماینده‌سی، هر بیریندن ۱ نفر اوْلان مترجم، مورخ و صنعتگر تانێنا بیلیبلر.🔶 قاێناق: دنیای اقتصاد سایتی@SancaqDergisihttps://t.me/Sancaq_media/8325

⭕️ پۆسته! پامبێـق! ✍️ یازان: #سهیلا_نظری ایکینجی بؤلۆم بابام تالاشا (خاک اَرّه) ده گتیردی، گئنه بو جۆجه توْختامادێ.مراغه‌نین لاپ معروف کلینیکین اینترنتدن تاپدێق، بابام‌گیل اوْنا آپاردێلار. اوْنون دا اللری آغرێماسین، قایێدیب دئمیشدی:- بو آنادان اوْلمادێ! هم ده بونون دده‌‌ - ننه‌سی‌نین بیری‌نین ژنتیکی ناخوْشلوغو وار! هر نئچه جۆجه‌لری اوْلسا، ائله بیری بوجۆر فلج اوْلاجاق. آنام بو سؤزۆ دئیه‌نده، من دئدیم:- ائله‌ده چیل‌چیلی آپاراق قایتاراق، یئرینه آیرێ قوش گتیرک دا، بئله‌سی اوْلماز! نییه گرک بونلارێن جۆجه‌سی فلج اوْلا؟! آنام دئدی:- یوْخ! من چیلان قێزیمی قایتارمارام. بیر گۆن من اینترنتده آختارا – آختارا آتل تاپدێم، سفارش وئردیم. ایکی هفته‌دن سوْنرا آتل گلدی چێخدی، امّا چوْخ چێققیلایدی! جۆجه‌نین قێچینا باغلایاندان سوْنرا، هیچ اوْ ساغلام قێچی‌نین دا اۆستونده دورانمادێ. آنام‌گیل گئنه جۆجه‌نی ده، آتلی ده گؤتۆردولر گئتدیلر دامپزشکین یانێنا... دامپزشک دئمیشدی؛ «بو آتل ایش وئرمز!»گتیریب بیر نایلوْن ایله فلج قێچی ساغلام قێچین یانێندا توتوشدوروب باغلامێشدی.آنام گیل گتیردیلر، گؤردۆک نایلوْندان اوْلماز، بیر پارچا شێریغیندان اؤزۆموز باغلادێق، نئچه هفته‌دن سوْنرا گؤردۆک هه! دا بو جۆجه‌نین قێچی اوزانمێر. سوْنرا گؤردۆک بو جۆجه‌‌دن بیر گۆن سوْنرا یومورتادان چێخان پامبێق، باشلایێب بو پۆسته جۆجه‌نین، شێریغین دیمدیڲیله آچێر!آنام شێریغی آچاندان سوْنرا گؤردۆک هه، حیوان جۆجه‌نین قێچی دۆز قورویوبدو. جۆجه آخسێییردی اما یئرییردی. قێچی داها یانقێلیجی اوزانمێردی، اوچماغێ دا یاخچێدی.سوْنرا سئویل – چیل‌چیلین آیرێ جۆجه‌لری ده اوْلدو. آنام جۆجه‌لر بؤوۆیندن سوْنرا هامێسین ساتدێ، فقط پۆسته‌نی ساخلادێ.  چۆن پامبێغی ساتمێشدی، اوْنون آدێن بو پۆسته‌یه قوْیدو، بیله‌سین "پامبێق" سسله‌دی. پۆسته – پامبێق آناما چوْخ اؤرگنمیشدی. آنامین سسی گلنده تئز قفسین ایچینده آغاجێندان تۆشردی گلردی قفسین قاپێسینا سارێ، آنام بیله‌سین ائشیڲه چێخاردا.آنام دا اوْنون نازیلا اوْیناردێ. هی اوْنو ناز ائله‌یردی بوْیون اوْخشاردێ.پۆسته – پامبێق گؤزل اوْخویوردو، سئویلین: "وای دده، وای دده، وای دده وای!" دئییشین ازبرلمه‌میشدی. سحر ۵دن اوْیانێب اوْخویاردێ. بیز ده اعتراض ائلردیک بابا یوخلامێشیق! آنام دا پۆسته – پامبێغی قفسیندن چێخاردیب، گتیرردی قویاردێ اؤز یاستێغی‌نین اۆستونه، قوش بیر آز لَلک‌لرین بزه‌ردی، سوْنرا یوخلاردێ.سئویل، چیل‌چیل سوْنرالار اوْنو وورماغا باشلادێلار! آنام اوْنلارێن وورماسێنا گؤره حیوانێ قفسینه سالاردێ یا دا اؤزۆیله دوْلاندێراردی.آیرێ جۆجه‌لر چێخاندان سوْنرا، پۆسته – پامبێق گئدیردی دورودو اوْنلارێن یانێندا بیله‌لرینه اوْخویوردو.سئویل ایله چیل‌چیل ده گؤرنده پامبێغی ووروردولار. سوْنرا بیلمیرم پۆسته – پامبێغا ناوولدو! دا ۵دن دوروب اوْخومادێ. گۆندوزلر آزجا اوْخوردو، سوْنرا گئتدیکجه اوقدر حالسێزلاشدی، دا بیز بیلدیک مریضدی! بیله‌سین دامپزشکه آپاردێق، دامپزشک دئدی:- آرێخلاییبدی!سوْنرا  بیله‌سینه قطره وئردی دئدی:- ان شاءالله توْختار. گتیردیک او قطره‌نی بیر نئچه گۆن وئردیک، امّا توْختامادێ. یئییردی – ایچیردی، یاتیردی! نه اوْخویوردو نه اوچوردو.اما بوگۆن کئفی سازالمێشدی. دیری بالا اوْیان – بویانا باخێردی! دئمه سوْن گۆنویموش! بوگۆن آخشام او گؤزل قوش جان وئردی! الیمیزده جان وئردی هیچ ایش گؤرنمه‌دیک بیله‌سینه.۱۴۰۵/۰۴/۱۵.نده جۆجه گؤزلرین همیشه‌لیک بو ظالم دنیایا یومدو.هله بیر یاشێ اوْلمامێشدی، ۱۵ ایل یاشایا بیلن جۆجه، بیر ایله چاتمامێش دنیادان گئتدی.حیف اوْلدون جۆجه، کاش بو تئزلیڲه گئتمه‌یه‌یدین! #سون @MuncuqAzhttps://t.me/Sancaq_media/8323

■ 2804 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز دوشنبه 12 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

«#سانجاق»، سیاسی- اجتماعی مهد تمدن گۆنده‌لیگی‌نین ۲۸۰۴. سایێنداکی تۆرکجه صفحه‌«مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چێخیر.@SancaqDergisi@MuncuqAz

⚫️آجێ بیلدیریش✍ #ایلقار_موذن‌زاده🔳 بو گۆن اۆچ شاعرین دۆنیادان کؤچمه خبرینی ائشیتدیک. قوزئی آذربایجاندان «نریمان حسن‌زاده»، خییوْو شهریندن «عسکر موسوی» و اردبیل شهریندن اوستاد «عبدالحسین دلداده‌ مقدم». هر اۆچو ادبیات، فرهنگ و معنوی دڲرلرین گؤرکملی خادیم‌لری ایدی‌لر.◾️عسکر موسوی معلّم، شاعر، اجتماعی چالیشقان و ساوادلی بیر انسان ایدی. او، سؤزۆ و قلمی‌ ایله انسانلارین دۆشونجه‌سینه، آیێقیلیق و معنوی دۆنیاسێنا ایشێق ساچێر، یاشادێغیمیز توْپلوما فایدالێ اوْلماغا چالێشیردی. اوْنون خاطیری اؤڲرنجی‌لری‌نین و اونو تانێـیان انسانلارێن کؤنلۆنده همشه یادیگار قالاجاق.◾️اوستاد دلداده، اردبیل شهری‌نین شاخص ادبی، علمی و فرهنگی چهره‌‌لریندن ایدی. مختلف افتخار نیشانلاری و تقدیرلر آلان بو گؤرکملی شخصیت، عؤمرۆنو ادبیات ساحه‌سینده، غزل و کلاسیک بیچیملی شعرلرده صرف ائدیب، گؤزل اثرلر یاراتمێشدیر. عؤمرۆنو ادبیات و فرهنگه خیدمت ائتمکله کئچیرن بو ادیبین آدی اردبیلین فرهنگی یادداشـێندا قالارغێ اوْلاجاق.◾️اوْتای آذربایجانێن چوْخ تانێنمیش و آدلێم شاعیری نریمان حسن‌زاده‌نین اؤلۆمو ایسه، بۆتون آذربایجان ادبیاتی اۆچون بؤیۆک بیر ایتکی‌ اوْلدو. اوْنون شعرلری، سؤزلری و یاراتدێغی گؤزللیک‌لری نسیل‌لردن نسیللره کئچیب یاشایاجاق.⚫️ شاعر اؤلۆمو بلکه آجێ اؤلۆملردن‌دیر. سؤز داغارجێغی‌دیر، کلام گنجینه‌سی‌دیر کی توْرپاق آلتێنا گئدیر، آما دۆنیایا بخش ائتدیڲی گؤزللیکلر ابدی اوْلاراق یادداشلاردا قالێر. هر اۆچونه تانرێ‌دان رحمـت، حؤرمتلی عائیله‌لرینه و سوْی‌داشلارێنا دؤزۆم آرزولایێریق. ۱۴۰۵/۰۵/۱۰@SancaqDergisihttps://t.me/Sancaq_media/8321

⭕️ سایێن ایلقار موذن‌زاده‌نین «وهم» آدلێ اؤیکۆسونه قێسا بیر باخێش ✍️ یازان: #بهزاد_صادقیان‌فرد نئچه گۆن اؤنجه سایێن ایلقار موذن‌زاده‌نین «جاده» آدلێ اؤیکۆجوک توْپلوسونو اوْخویارکن، بیرینجی اثر «وهم» آدلێ حکایه‌نی اوْخویارکن یاشام تجرۆبه‌سی دئدیڲیمیزده بو حکایه‌نی اوْخویوب، قوتارێب قوتارماز آز قالا کتاب ألیمدن یوخارێ قاتدا یاشادێغیم ائودن یئره دۆشه‌جکدی. باشقا سؤزله هر بیر اثر اوْخوجونو حرکته گتیریب دۆشوندورمه‌لی و أن اؤنملی‌سی اوْنون کئچمیشی‌یله باغلانتێ قورماسێ، یازار و اوْخوجونون اؤیکۆده یاشام تجرۆبه‌سی اوْلاراق اؤیکۆ اۆسلوبویلا جانلاندێریلماسی‌دیر.سایین ایلقار موذن‌زاده‌نین جاده آدلێ اؤیکۆجوک توْپلوسو حکیم نیظامی گنجه‌ای طرفیندن چاپ اوْلونوب. اثرده پیسکوْلوژیک مضمونلارا یئر وئریلدیڲی اۆچون، تۆرکجه‌ده بیرینجی‌لر یئرینده اونو  گؤره بیله‌ریک. وهم و جاده اؤیکۆسو ماراغێمی داها چوْخ چکیب و بۆتونلوکله بو اثری منه سئودیره بیلدی. بونونلا وهم دئدیڲیمیزده «آنار رضا»نێن واهیمه آدلێ حکایه‌سی‌ده قوْرخونون هانسێ دره‌‌جه‌ده بیر حکایه‌یه چئوریلمه‌سی و شخصی انسان اۆچون، هانسێ منفی تأثیر قوْیا بیله‌جـڲی‌ده اونودولمامالێ‌دیر. آنجاق تکجه بو فرقله کی واهیمه‌ده‌کی «آنار رضا»نێن یاراتدێغی کاراکتر نهایت قوّه‌دن فعله دؤنۆشه بیلیر و آدام اؤلدۆرمکله قاتل اوْلور!آنجاق وهم آدلێ حکایه‌ده کاراکتر توتارسێزجا فعلی، یالنێز ترک ائدیر و آکسیوْن باشقا حادیثه‌نین اوْرتایا آتێلماسی‌یلا یارێمچیق قالاراق.  @SancaqDergisihttps://t.me/Sancaq_media/8320

⭕️ سایێن ایلقار موذن‌زاده‌نین «وهم» آدلێ اؤیکۆسونه قێسا بیر باخێش✍️ یازان: #بهزاد_صادقیان‌فرد *** 🟣 وهم✍️ یازان: #ایلقار_موذن‌زاده آیفوْن آمانسیزجا باسێلیر. کرکره‌‌نی قێراغا ووروب، ائشیڲه باخێرام. سکگیزینجی قاتدایام. قاچا بیلمه‌یه‌جـڲم. قاپێ‌نین دئشیڲیندن باخێرام. عاجل‌دوروم‌پله‌لرین  قاباغێندا نئچه مأمور دایانێب. پنجره‌سی حیطه باخان اوْتاغا گئدیرم. کرکره‌نین آراسێنی یاواشجا بارماغێملا آرالایێـرام. پلیس ماشێنیندان علاوه، آمبولانس، آتشنشانی و باشقا نئچه ماشێن ‌دا حیطه دوْلوب.کتابخانا اوْتاغێـنا گئدیرم. قفسه‌ده اوْلان کتابلارێن نئچه‌سینی گؤتۆروب حاماما آپارێرام. اوْتاقدان چێخاندا، دیرسه‌ڲیم قاپێ‌نین تینکه‌سینه توْخونور. برق توتان کیمی، قوْلوم کئییییر. کتابلار تؤکۆلسه ‌ده، توْپلاییب حاماما قاچێرام. لب‌تاپلا موْبایلدا اوْلان شعر، یازێ، مقاله‌، هرنه کی وار سیلیب یوْخ ائتمه‌لی‌یم. میکروْفن آرخاسێندا پلیسین سسی آنلاشێلمازدیر. کئچن سئری نئچه ایل زندان یئسم ده، بو سئری باشێما نه اوْیونلار گله‌جـڲینی بیلمیرم.داها آیفوْنو باسمێرلار. آپارتمانێن پله‌لریندن یوخارێ قالخێب، قاپێ‌نین آرخاسێنا توْپلانێبلار. یوموروقلایێرلار. «آچ! تئزوْل.» سسی‌ ایچینده، کرکره آراسێندان گؤزلریمی سۆزدورورم. حامامدا یانان کتابلارێن تۆستوسو هال و اوْتاقلارا سۆزور. لب‌تاپی آرخا پنجره‌دن آشاغێ آتسام، بلکه رمدن یازێلاری چێخاردا بیله‌لر. هارا سوْخوب گیزلتمه‌ڲی دۆشونرکن، اوْووجومدا ترله‌ین لب‌تاپی اؤزۆمله داشێییرام. محوطه‌نین حیطینده بؤیۆک دؤشک‌لر دؤشه‌ییرلر. باشا دۆشه بیلمیرم. کئچن هفته یازدێغیم یازی او قدر ده تهلۆکه‌لی‌ دئییل‌ایدی. بو جۆر مندن قوْرخمالارێ‌نین ندنیندن، بو سایاق آخماق و بیکار اوْلدوقلارێندان، هئچ باش آچمێرام.حامامداکی کتابلار یانماق اۆزره ایکن، قاپێ‌ چرچیوه‌دن سێنیر. دالدالا گئدیب دووارا دایانێرام. ائوه تؤکۆلورلر. بئش‌آلتی پلیس، آرخالارێندا ایسه یوخارێ قوْنشولار. بیر نئچه‌سی بالکوْنا قاچێر. ایکیسی منه سارێ جومور. ایته‌له‌ییب یاخامدان یاپێشیر. «قاپێنی نییه آچمێرسان؟» - دئیه باغێریر.گیج قالمێشام. کتابخانادا اوْلان اوْتاغا دئییل، بالکوْنا قاچێرلار. «ترپنمه، یاپێش قێچیندان» - دئییر پلیس. یانێمداکیلار دا آیرێلیب، بالکوْنا گئدیرلر. یاواش – یاواش ایره‌لی‌له‌نیرم.یوخارێ قوْنشونون اؤزۆنو اؤلدۆرمک اۆچون تراسدان ساللانان قێزینی آشاغێ ائندیریبلر...  98 یاز – اردبیل ***** اؤیکۆ و حکایه‌ده یازێچی‌نین میراث قوْیدوغو چوْخ تأثیرلی باغلانتێ یاشام تجرۆبه‌سی‌دیر، یاشام تجرۆبه‌سی نه دره‌جه‌ده دوْغال، رئال و حادیثه‌یله دوْلو اوْلسا، اوْ دره‌جه‌ده اوْخوجو طرفیندن یاخشێ قارشێلانیب، گله‌جـڲه میراث قالاجاغێ شبهه‌سیز‌دیر. یاشادێغیمز دؤرده بعضی اثرلرین اؤتری اوْلدوغو بعضی تنقیدچی‌لرین طرفیندن اوْرتایا آتێلیر، بو تنقیدچی‌‌لرین نظرده آلمادێـقلاری نه بیر ایدئولوژیک اثر کیمی، بلکه پیسکوْلوژیک و توْپلومسال مفهوملارێن انسانلارین آراسێندا یاشانماسێ‌دیر.اوْ سێرادان  آدلاندێردیغیمیز اثرلر ایچره جلال آل احمدین «از رنجی که می‌بریم» آدلێ حکایه توْپلوسودور. آل احمد بو اثرده توْپلومسال و سیاسی باسقێ‌لاری مدنی فعال‌لار اۆچون اوْرتایا آتمێشدیر. بو اثرده بۆتون حکایه‌لرین اصلی مضمونو شاه دؤرونون سیاسی فعال‌لارێ‌نین حیاتلارێ حقّینده‌ گئدیر.آل احمد بۆتون اجتماعی باسقێ‌لارا توْخونارکن پیسکوْلوژیک قوْنولاری و فردی اراده‌نین اهمیتیندن واز کئچمیشدیر. بو بیر حالدادێر کی، «وهم» آدلێ حکایه‌ده اینجه‌لیکله بونا یئر وئریلمیشدیر. #دوامێ_آشاغێدا...👇 @SancaqDergisihttps://t.me/Sancaq_media/8320

■ 2803 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز یکشنبه 11 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۰۳. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️هفته‌لیک فالێـنیز ✍ حاضرلایان: #اوْلجای_مرآتی 🔶 آزر (یای، آذر): چوْخ الی آچێـق اوْلماق یاخجی دڲـیل. چوْخ قێـتمیر اوْلماق دا آدامی گـؤزدن سالار. آتالار دئمیش کیمی، «آدام بیر الی ایله باغێـشلاسا، او بیری الی ایله قازانار.» بیر نفره بیر هدیه آلمالی اوْلاجاقسێـز. اوْرتا دڲرلی بیر هدیه آلێـن چوْخ پول خرجلمه‌یین. بو هفته بیر قـوْنالیقدا، چوْخدان ذهنیزی قاتان سوْرغولارێـن بیر نئچه‌سینه جواب تاپاجاقسێـز. نشانه‌لره دقتلی اوْلون، چوْخلو بولماجالارێـن جوابی گـؤز اؤنـۆنده‌دیر. بو گـۆنلر معامله ائله‌مه‌سز یاخجی‌دیر، مجبو اوْلدوغوز حالدا چوْخ دقتله بو ایشه گیریشین. 🔶 چیلله (اوْغلاق، دی): آللاهێـن یادی کؤنـۆل‌لری ساکین‌لشدیرر. سانێـرام گـۆنده بیر نئچه دۆعا اؤزۆزله تانری آراسێـندا دانێـشیرسیز: «آللاهێـم منه بو تقدری قبول ائتمکده آرامش عطا بویور. ایلاهی دڲـیشدیرمه‌لینی دڲـیشدیرمک جسارتی منه باغێـشلا و بو ایکیسی‌نین آراسێـندا اوْلان فرقی آنلاماق بیلگیسینی منه عنایت بویور.» بو دوعالارا آمین دئمکدن ساوای بیر ایش الیمیزدن گلمیر. اوغورلارێـن یوْلو دۆز عادی یاشامێـن اوْرتاسێـندان گئچیر، چوْخ اؤزۆزو سێخیشدیرمایین. سیز دۆنیانی دڲـیشدیره بیلمییه‌جکسیز، اؤز حیاتێـزا اوْداقلانێـن. بیر کلمه دئسم یاشایێـن!🔶 دوْندۇران آی (قـوْوا، بهمن): عائله بیرزادا اصرار ائتدیکده، سیزین صلاحیزدان باشقا بیر زاد ایسته‌میرلر. بونا گـؤره ده، اؤز ایستکلریزله اوْنلارین نظرینی بیر- بیره قاتێـن و اوْرتا بیر یوْل سئچین. اوْندا یاخجی بیر نتیجه آلا بیلرسیز. طالعیزده اؤنملی بیر سێـناو گـؤرۆنور. سیز بو سێـناودا اؤز چکدیڲـیز زحمتلرین سایه‌سینده اوغورلو اوْلاجاقسێـز. آماجلارێـز اوغروندا ائتدیڲـیز چابالاردان یـوْرقون گـؤرۆنورسوز، اوْلسون دارێخمایین چوْخ چکمز زحمتلریزین نتیجه‌سینی گـؤررسیز. 🔶 بایرام (بالێـقلار، اسفند): بو گـۆنلر ائشیتدیڲـیز سؤزلری جدی توتون، معامله اهلی اوْلساز، سؤزلری ائشیدین و قرارلارێـزی مصلحتلر اۆزره وئرین. سئودیڲـیز کیمسه‌یه آرتێـق زمان صرف ائلیین. عائله‌وی تارتیشمالاری بیتیرمڲه چالێـشین و داها چوْخ دؤزۆملو اوْلون. آرام یاشامێـن ائتگیسی هر کسدن چوْخ بیزیم اؤزۆموزه قایێـدار. سئوینج اۆچون یارانان فرصتلری اصلا قاچێـرمایین. باشقالاری‌نێـن نیازلارینی تأمین ائتمکده اؤزۆزو زورا سالمایێـن. اؤز حقلریزی ساوونون، ایمانێـزی گـۆجلندیرین و ایستکلریزه چاتماق اۆچون چالێـشماقدان یوْرولمایێـن. @SancaqDergisihttps://t.me/Sancaq_media/8317

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 قۇیرۇق دوْغان (آسلان، مرداد): حیاتێـزدا چوْخلو دڲـیشیملر، چوْخلو یئنی‌لیکلر تجربه ائده‌جکسیز. بو دڲـیشیملر روحیه‌زی ده دڲـیشدیریر. چوْخدان بو گـۆنلرین آرزوسونو چکیردیز، آرتێـق فرصت یارانێـب، بو فرصتی قاچێـرمایێـن. بو گـۆنلر اوْلان ایشلر، حیاتێـزین دؤنـۆش نقطه‌سی سایێـلا بیلر. برنامه‌لر ایسته‌دیڲـیز کیمی ایره‌لی گئده‌جک، عاطفی ایلیشگیلر یئنی، ایلگینج و گـؤزل اوْلاجاق. بیر کلمه دئسم، یاشام تام کـؤنلـۆزجه‌دیر شۆکر آللاها. 🔶 زۇمار (باشاق، شهریور): توتدوغوز تصمیمه، وئردیڲـیز قرارا، چتین‌لیک چکمه‌لیسیز. دوْغرودان آماجێـزا چاتماق ایستییرسیز سه، یـوْلون ائنیش- یـوْخوشونو دا نظرده توتمالێـسیز. انسان چتین‌لیکدن قاچماز، چتین‌لیکلر انسانی پیشیرر. بو قدر غم ائدیب، هرزاددان قوْرخمایێـن. تانری‌نین الی هر الین اۆستونه، اراده‌سی هر اراده‌دن قاباقدێـر. بو چتین دؤوره بیتدیکدن سوْنرا خوش گـۆنلر یئنی‌دن سیزه اۆز گتیره‌جک. اوْندا بو گـۆنلری یادێـزا سالێـب، دئییه‌جکسیز «اوْلجای» منه دئمیشدی بو قدر غم ائیله‌مه!🔶 خزل (ترازی، مهر): رویالارا دالماق، سئوینج گتیرن بیر تجربه دیر. آنجاق رویالاردا بـوْغولماق ایشه یاراماز. بئله‌لیکله بیرزادی آنلاماق اوْلماز. یعنی رویادا تاپدێـغیز حیات، گرچکده زحمت‌سیز یارانا بیلمز. اۆمودوزو ایتیرمه‌مک اۆچون، حقیقی یاشامدان فاصله آچمامالێـسیز. عاطفی باخێـمدان هئچ اوْنو نظرده توتمورسوز، سیز اؤز ایچیزده دئییرسیز من اوْنو سئویرم، بو یئتمز! یا ایلکیندن او دا سیزی سئومه‌لیدی، یا بیر ایش گـؤرۆب، اؤزۆزو اوْنا سئودیرمه‌لیسیز، یا دا بو فکرلرین خئیریندن گئچیب، اوْنو راحات بوراخمالێـسیز. 🔶 قیروْو (عقرب، آبان): هر یئنی تانێـشلیغین، یئنی چتین‌لیکلری وار. هر سلامێـن سوْنوندا بیر ساغ‌اوللاشماق وار. عاطفی دوروما چوْخ گیریشمه‌یین. معامله و آل- وئره فکر وئرین. البته داها چوْخ منفعتلی معامله‌لره گیریشین، بیر الینن ایکی قارپێـز گـؤتـۆرمزلر. ساغلاملێـغیزی جدی توتون، اجتماعی بیر فرصتی قاچێـرمایین، بیر یێـغینجاقدا گـؤرۆشدوڲوز ایش باشێـندا اوْلان آداملارلا داها یاخێـن ایلتیشیمه گئچین. انعطافلی اوْلون، کؤنزلیکدن ال چکین، آرادا کدورت وارسا بیر تیلیفون یا بیر گـؤرۆشمه ایله کدورتی آرادان آپارماغا چالێـشین.#آردێ_وار.... @SancaqDergisihttps://t.me/Sancaq_media/8317

⭕️ هفته‌لیک فالێـنیز✍ حاضرلایان: #اوْلجای_مرآتی 🔶 آغلار‌- گـۆلر (قـوْچ، فروردین): بیرزاددان راحات‌سێـز گـؤرۆنورسوز. بو راحاتسێـزلیق بـۆتون فکریزی اؤزۆنه قاتێـب. بونو بیر مصیبت سانێـب، هر زمان اوْنا دۆشونورسوز. هر گـۆن نئجه بو انگلی یاشامێـزدان چێـخاریب- آتماق فکرینده‌سیز آما بیر یوْل تاپا بیلمیرسیز. سیزه دئمه‌لییم بو سوْرون بو قدر ده بـؤیـۆک و آغێـر دڲـیلدیر. بیرآز منطیقلی اوْلون، بیرآز اؤزۆزه حاکم اوْلون. بو دۆنیادا هئچ بیر زاد چاره‌سیز دڲـیل. راحاتسێـزلیغیز جسمی اوْلسا، آتالار دئمیش: آللاه درد ده وئریب، درمان دا. مادی اوْلسا، آتالار دئمیش: آللاه جان ضرری وئرمه‌سین. عاطفی اوْلسا، آتالار دئمیش اؤلن ایله اؤلمزلر! اوزون سؤزۆن قێـسساسی اؤزۆزو اله آلێـن! سیز اوشاق دڲـیلسیز!🔶 گـۆلن‌آی (بۇغا، اردیبهشت): یئنی و اۆمود وئریجی بیر دوروملا قارشێـلاشاجاقسیز. بیر سئویندیریجی خبر ائشیده‌جکسیز. اوْنون- بونون سؤزۆنو حسابا قوْیمایێـن. اوْلان اوْلوب، گئچیب، گئدیب. ندن اؤزۆزو بو قدر دانلایێـرسیز؟! آللاها توکل ائلیین. ان شاءالله بو تئزلیکده سوْرونلارێـز بیتر- قورتارار. یاخێـن گله‌جکده الیزه بیر پول یئتیشیر، اوْنو حێف- مئیل ائله‌مه‌یین. دئمیرم کسین بو پولو ساخلایێـن یا حتما ضروری بیر نسنه آلێـن، دئییرم اوْنو لاپ اڲلنجه‌یه، گزمڲه ده خرج‌لسز کی حقێـزدیر، بو خرجه برنامه تؤکۆن و ان گـؤزل شکیلده اڲلنجه‌نین دادێـنی چێـخاردین. 🔶 قێـزاران آی (ائکیزلر، خرداد): سیزه ضررلی اوْلان عادتلری ترک ائتمکده گـؤرستدیڲـیز همت، آلقێـشلامالیدیر. آنجاق بو اراده‌نی، لازم اوْلان زمانا قدر ساخلامالێـسیز. رقابت ائتمکدن قـوْرخمایێـن. رقابت سیزه یاخجی گلیر هر زمان. سیز کیمسه‌نی قێـسقانمادیغیزی ادّعا ائده بیلرسیز آنجاق بو ادّعانێـن دۆز- یالان اوْلدوغونو اؤزۆزدن ساوای بیری بیلمز. ذهنیزی قاتان عاطفی مسئله‌یه عادی یاناشێـن، عائله‌نی جریاندا قـوْیون و لازم اوْلام اقداملاری ائدین. 🔶 قـوْرا پیشیرن (یئنگج، تیر): پله پله یوخاری چێـخدیغیز اۆچون، آرتێـق اؤزۆزدن آشاغێدا اوْلانلاری کیچیک گـؤرۆرسوز. آنجاق بو ایره‌لی‌لمه و گلیشمه اوْنلارێـن یاردێـمی اساسدا اوْلدوغونو اونوتمایێـن! بو قدر غرورلانمایێـن! آغاج بار گتیردیکجه، باشێـنی آشاغی سالار. طالعیزده بیر داشێـنماق وار، یئنی یئره آلێـشماق چتین گـؤرۆنور، آما سیز تئز بونو باشاراجاقسێـز. عاطفی باخێـمدان، حیات‌یوْلداشێـز یا سئوگیلیز بیر گـۆن سیزه دئیردی، سیز اوْنون هر بیر زادی، هر بیر کسی سیز، آنجاق سیز یئرسیز غرورلا اوْنو دا اینجیدیبسیز...#آردێ_وار.... @SancaqDergisihttps://t.me/Sancaq_media/8317

⭕️ زرنیشان خانێـمین چنلی‌بئله گلمه‌سی ✍️ کؤچۆرن: #شبنم_توحیدی بیرینجی بؤلۆم بلی، استاد دیلی موبارک اوْلار. ایندی سیزه هاردان خبر وئریم، کیمدن خبر وئریم، چارداخلی چنلی‌بئلده قوْچ کوْراوغلودان. کوْراوغلونون کئفی کؤک، داماغێ چاغ ایدی. اوْغوللارێ ائیوازلا، حسن ساغ­ – سوْلوندا قوْلونا قوّت، دیزینه طاقت، گؤزۆنه اێشیق ایدی.­حسن داغێستان‌دان گلندن سوْنرا ائله بیل چنلی‌بئلین زینتی بیره – بئش آرتمێشدی.حسن مشقلری أن چوْخ دمیرچی‌اوْغلو ایله ائدیردی. حسن‌ین آت مینمه‌سی، یَـهرده شاهین کیمی اوْتورماسێ، توْپپوز ائندیرمه‌سی، کوْراوغلونو غرورلاندێریردی. کوْراوغلو، نیگار خانێملا مشقه باخێردی. مشقدن سوْنرا ائیوازلا حسن، نیگار خانێمین یانێنا گلدیلر. ایلک آنالارێـنا باش اڲدیلر، سوْنرا آت‌لارێ‌نین قارشێسیندا امره منتظر دایاندێلار. کوْراوغلو عارف آدام ایدی. درحال ایشی باشا دۆشدو، نیگار خانێمین اۆزونه باخدێ. نیگار خانێم کوْراوغلونون غم دریاسێنا غرق اوْلدوغونو گؤرۆب، گؤزۆنو اطرافێـنا گزدیردی. جمعی چنلی‌بئل دلی‌لری اوْنلارێ ائله قوْمارالامێشدیلار کی، ائله بیل هامێ نیگار خانێمدان بیر "هه" جوابێ گؤزله­‌ییرلر. نیگار خانێم الینی – الینه ووردو. دلی‌لرین نعره‌سیندن یئر – گؤڲ لرزه­‌یه دۆشدو. چنلی‌بئلده بیر مجلیس قورولدو کی، روزگارێن گؤزۆ هله بئله شادیانالێق گؤرمه‌میشدی. دلی مئهتر دورآتێ، عرب‌آتێ میدانا گتیردی. ائیوازلا، حسن آلتدان گئیینیب اۆستدن، اۆستدن گئیینیب آلتدان قێفیل‌لاندیلار. ائیواز دورآتـێن، حسن عرب‌آتـێن قان‌تارغێ‌سینی برکیتدی. بیر گؤز قێرپیمیندا آیاقلارێنی اۆزنگی­یه قوْیوب، قێرغی کیمی یـهره اڲلشدیلر. مجلیسین دؤره­‌سینده گردیش ائدیب، کوْراوغلو ایله نیگار خانێمدان حلاللێق دیله‌دیلر. نیگار خانێم اوْغوللارێ‌نین سفرینه بیر سؤز دئمه­‌سه ده، یاز بولودو کیمی دوْلموشدو. ایره‌لی یئریدی، حلاللێق ائدیب، اجازه وئردی. دورآت‌لا، عرب‌آت نیگار خانێمین سؤزۆنه بند ایمیش کیمی شیهه چکدیلر، داغیستانا یؤن آلدێلار. سَفرین اۆچونجو گۆنو شن­لیک چێراق‌لارینی یاندێران واختێندا، جۆت قارداشلار آغ‌قایانێن قارتالێ کیمی، دمیرقاپێ دربندده «عرب پاشا»نێن حیطینده آتـدان ائندیلر. «مؤمینه خانێم­»ین اوْغلو حسن، گئدندن سوْنرا گؤزلری‌نین قوْراسێنی او قدر سێخمیشدی کی، جانێـندا جان، دیزینده طاقت قالمامێشدی. سارالێب ساپا، اینجه‌لیب ایـپه دؤنۆشموشدو. زیل قارانلێـقدا اوْغلونون سسینی تانێـسا دا، حیطده دایانانلاردان هانسێ‌نین اوْغلو اوْلدوغونو آنشێـرا بیلمه‌دی. ائیوازی باغرێـنا باسێب، دوز کیمی یالادێ. دئدی:- دوْققوز آی، دوْققوز گۆن، دوْققوز ساعات، دوْققوز ثانیه عذاب اذیتـینی چکدیڲیم، یۆڲورویونون باشێنی کسدیڲیم دیره­‌ڲـیم – دیله­‌ڲـیم اوْغول، آدام دا آناسێنی گؤزۆ یاشلێ قوْیارمێ؟ سن گئدندن سوْنرا اختیار بابانێ، آتانێن دشمنلری اؤلدۆردولر. گؤزلریم سنی آختاردێ، اوْغول – اوْغول دئمکدن دیلیم دۆڲون باغلادێ. ائیوازلا، حسن، مؤمینه خانێمین قوْلونا گیریب ایچری کئچدیلر. مؤمینه خانێم، اوْغلونو چێراغین اێشیغیندا تانێدی. آنا – بالا یاز سارماشێغی کیمی بیر مدّت بیر بیرینه سارێشدیلار. گؤز گرک ایدی، بو صحنه­‌نی اوْخشایێـب تماشا ائده­یدی. گئجه­‌دن خیلی کئچندن سوْنرا ائیواز مطلبین اۆستونه گلدی. دئدی:- آناجان! آتا – آنامێز سنی چنلی‌بئلده جمعی دلی‌لرین، خانێملارین آغ‌بیرچـڲی گؤرمک ایسته­‌ییرلر. اؤزۆن اۆچون نه عزیزدی خزینه­‌دن گؤتۆر، اختیارێـندادی. صحبت اوزاندێ. ائیواز دوروب دورآت‌لا، عرب‌آتێ یئمله‌دی. دان یئری سؤکۆلنده ائیوازلا، حسن یاتاقلارێنا اوزاندێلار. او یاتان اۆچ گون، اۆچ گئجه یاتدێلار. آیێلاندا گؤردۆلر کی، مؤمینه خانێم ائله دڲیشیب، گؤز ایسته­‌ییر تاماشا ائتسین! بو اۆچ گۆنده ائله بیل مؤمینه خانێمین بۆتون گنجلیڲینی اؤزۆنه قایتارمێشدیلار. رنگی یالاف – یالاف یانێر، آی خجالتیندن اۆزونو بۆروموش، گۆن اوتاندێغیندان بولودلارێن آرخاسێنا کئچمیشدی. زربافت‌لی قێرچین دوْن، مؤمینه خانێما ائله یاراشێردی کی، ائله بیل جمعی حوری‌لر اوْنون قارشێسیندا حسابا دوراجاقدێ. ائیوازلا، حسن توْققانێن آلتێنی برکیتدیلر. ائیواز دئدی:- آناجان! یوْلچو یوْلوندا گرک! وعده­‌یه ناخلف­لیک ایڲیده یاراشماز. مؤمینه خانێم چکی­ده یۆنگول، وزنده آغێر خزینه‌دن نه وارسا یۆکونو توتوب، قاطێرلارا یۆک ووردوردو. مال ساغێنی واختی قاطێرلار، «عرب پاشا»نێن منزیلیندن قالخدێ. حسن اوشاقلێق دوْستو، دمیرقاپێ دربندده ایڲیدلیکده، سخاوتده آد قازانان یـهر اوستاسێ فتحعلی‌نی چاغێرتدی. دمیرقاپێ دربندین خانلێغینی اوْنا حواله ائدیب، جماعتین دوْلانێشیغینی اوْنا تاپشێردی. #آردێ_گلن_سایێدا... @SancaqDergisihttps://t.me/Sancaq_media/8313

■ 2801 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز پنجشنبه 8 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۰۱. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ شیخ اوْغلو شاه عباس و زورناچێ قاغاش✍️ یازان: #آیدین_خلفی***🔷 تصویرده‌کی اثر،  یازیچی‌نین اؤز ال ایشی‌ و ساخسێ‌دیر.شیخ اوْغلو شاه عباسێن ائوی، چایێـرلی کندی‌نین گیره‌جڲینده، یوْلون قێـراغیندا یئرلشیر‌دی.پایێـزین آخێر گۆنلری ایدی؛ آلا قار یاغمێشدی. قار چوْخ اوْلماسا دا، شاختاسێ اؤز سؤزۆنو دئییردی. اوْنا گؤره گۆن اڲیلن کیمی، هامێ ائوه چکیلمیشدی.هاوا بالا – بالا قارالێـردی. بیردن شیخ گیلین قاپێـسی چالێندی! آردێـنجا دا:- «های ائو ییه‌سی!»دئیه اوجا، آما اؤزۆنه‌مخصوس بیر سس گلدی.شیخ تله‌سیک یوْلا سارێ اوْلان باجانێ آچێب:«کیمسن؟» – دئیه سسلندی.- «آللّه قوْناغێ‌یام» – دئیه اوْرتا یاشلی بیر کیشی، حیط دیوارێ‌نین دالێندان قَنشره چێخیب، اؤزۆنو گؤستردی.شیخ میسرییه‌سینی چیڲنینه آتێب، قاپێـنی آچماق اوْچون ائیواندان حیطه ائندی.چایێـرلی کندی «یاردێملی» داغلارێ‌نین قوزئی اۆزونده، هامار بیر یئرده، باغلارین ایچینده یئرلشمیشدی. آخێ هر ائوین بؤیۆک حیطینده، قدیمدن قالمێش گؤوده‌لی بیر قوْز آغاجێ وار ایدی. اوْنا گؤره اوزاقدان باخاندا، کنددن چوْخ باغا اوْخشایێـردی.پیلله‌نین آیاغێندان حیط قاپێسینا دک، قوْز آغاجێ‌نین خزلی ایله اؤرتۆلموش، اوْتوز مترلیک قێسا مسافه‌نی شیخ سرعتله گئدیب، قاپێـنی آچدێ و قوْناغێ ایچه‌ری آلدێ.خزلین اۆزرینه قوْنموش یوخا قارێن اۆستونده، باشماق ایزلری دامغا کیمی آچێق – آیدێن گؤرۆنوردو.شیخ قوْناغێ ائوه یئرلشدیریب، سوْنرا قایێدیب، حیطده اوْلان «کوسارا»دان بیر آز اوْدون گتیردی، «پێـچی» قالایێب آلێشدیردی.ائو قێـزیشدیقجا، شیخ‌لا قوْناغێن دا صؤحبتی قێـزیشدی. شیخ دئدی:- قوْناق بویور گؤرک، کیمسن؟ نه‌چی‌سن؟ هاردان گلیب، هارا گئدیرسن؟- آدێم «قاغاش»‌دێر، زورناچێ‌یام. ائله بئله کندلری دوْلاشێرام، جماعتین گؤز یێغینجاقلاریندا زورنا چالێب پای آلێرام. چایێـرلی‌نین شیخ‌نشین اوْلدوغونو بیلیرم، بورا دؤنمک ایسته‌میردیم، آما بئواختا قالدێغیم اۆچون سیزه زحمت وئرمڲه مجبور اوْلدوم.شیخ آزاجێق اوجا سسله، تعجّۆبلو شکیلده:- زورناچێ؟! – دئدی.قاغاش بیر آز آلێندی؛ داها دوْغروسو، بیر آز قوْرخدو. اۆره‌ڲینده:«زورناچێ اوْلدوغوما گؤره شیخ منه مۆتروف دئییب ائودن چێخارسا، گئجه‌نین بو واختێ، بو قار- شاختانێن ایچینده من هارا گئده‌جم؟» - دئیه دۆشوندو.دیلی توتار – توتماز:- هه شیخ، زورنا چالێرام.- هه‌ه‌ه‌ه… بس سن بیلمیرسن شریعتده زورنا چالماق گناه سایێلیر؟- یوْخ شیخ، من اوْ صؤحبت‌لری بیلمیرم. دده‌بابادان بیز زورناچێ‌ییق. بو زورنا دا منه دده‌مدن قالێب.شیخین ایشاره‌سی ایله، قاغاش زورنانێ پالتوْسونون جیبیندن چێخاریب یئره قوْیدو. شیخین نه دۆشوندوڲونو بیلمه‌دیڲی اۆچون، بیر آز اۆره‌ڲی ایله آراشێردی.شیخ، قاغاشا سارێ دؤنۆب:- گؤتۆر پیله، گؤرۆم نئجه چالێرسان! – دئدی.قاغاش چکینه – چکینه زورنانێ گؤتۆروب، آغزێـنا آپاردێ. دوْداقلارێ زورنانێن تاغالاغێ ایله اؤپۆشونجه، گؤزلری یومولدو، زورنا دیله گلدی.بیر آووردو شیشیر، بیری یاتێردی. ائل هاواسێ شیخا خوْش گلدیکجه، شیخ قولاغێنی داها یاخێنا -زورنایا سارێ- آپارێردی.قاغاش بیر ده گؤزۆنو آچدێ و گؤردۆ کی، شیخ قولاغێنی او قدر یاخێنا گتیریب کی، ساققالێ زورنانێن آغزێنا یاپێشیب، اؤزۆ ده زورنانێن هاواسێندا ایتیب.قاغاش زورنانێ دایاندێریب، دئدی:- اوّل بئله دئدین «زورنا چالێرسان!» من قوْرخدوم. ایندی ده ساققالێن زورنانێن ایچینه گیریر!شیخ گۆلومسه‌ییب دئدی:- دانێشما، چال دده‌م، قوربان قێریلیریق.«قاغاش»ێن گؤزۆ تاقچادا دورموش بیر هیکله دۆشدو.- بو هیکل نه‌دیر؟- منیم هیکلیم‌دیر.- نییه ساققالێـنلا، گؤبڲین عینی شکیلده‌دیر؟- بیزیم کندده بیر هیکل‌تراش وار؛ آدامێن ایچ اۆزونو گؤرۆر، و هر کسدن گؤردۆڲو سیمانێ هیکله چئویریر. منی ده بو شکیلده گؤرۆب.۱۴۰۴/۰۹/۲۹ @SancaqDergisihttps://t.me/Sancaq_media/8311

■ 2800 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز چهارشنبه 7 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۰۰. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ شوُر لا شوْر ✍️ یازان: #فرخ_جرایدی من هئچ اوْلدوغوم یئردن ائشیڲه چێخمامیشام، سحردن گئجه‌یه‌دک، ایشیم ایشله‌مک اوْلوب، نئجه دئیرلر ایش وقتیم گۆن چێخاندان، جان چێخانا قدردیر.  آنجاق ائله چوْخو کیمی گۆنده ۴-۵ ساعت باشێم جیب تلفنومون ایچینده اوْلار، دئیه سن بو یالنێزلیق ماغاراسێ‌نین اوْوسونو منی ده بتر توتوب، بونون کؤلگه سینده کتاب اوْخوماغێ قێراغا قوْیموشام، ایدمان‌دان ال چکمیشم، یاخێن قوْهوملارلا، یوْلداشلارلا ایلگیمیز ایکی سطر یازێ، دؤرد دنه ایموْجی، ایکی استیکر و بیر گیف اوْلوب! تۆرکوسو دا لاپ شۏرون چێخارتمیشام.بیر ایشین شۏرونو چێخارتماق بیزیم توْپلوملاردا بیر مرض، بیر عادی ایش یا هر نه آد وئرسک یایغێن بیر ایش کیمی اوْلوب.هر کس، یا گاهدان توْپلوم بۆتونلوکله اوْ ایشین شۏرون چێخارتمایینجا ال چکن گۆنو یوْخ. البته درد تکجه ایشین شۏرون چێخارتماق دڲیل، بیر شوُر لا بیر ایشه گئدیب شۏرون چێخاردانلاردانیق. اؤرنک اۆچون بیر زمان اینیستاگرامدا دیله دۆشن اوْ خوْشتیپ سؤزۆ، ماشاللاه ۷ دن ۷۰، ارکک‌لی قادێنلی، اوْغلانلی قیزلی ائله  خوْشتیپ، خوْشتیپ دئییب گۆلوردو، ملتیمیزده شوُر لا بو ایشه قوْشولوردو، ائله کی شۏرو چێخدی، خوْشتیپ ده دیلدن دۆشدو. بونون بیر اۆزونده ایشلر ده گؤرمک اوْلار، گؤرۆرسن بیری بیر یئنی ایش باشلایێب چالێشیر و اؤزۆن بیر یئره یئتیریر، کئفین بیراز سازالدێر، داها ملّتین اؤنۆنو آلماق اوْلماز، شهرین هر یئری همان ایشله دوْلار! یئمک یئری اوْلسون، پالتارچێ دکانێ اوْلسون، یا... بوگۆنلر ده یاپای ذکا، هوش مصنوعی مد اوْلوب، هارا باخێرسان بونون ایزین گؤرۆرسن. بیزیم یوْلداش یانا ۴ نفرلیک گروهدان توت فلان کسین ۴ میلیون نفرلیک گروهونا کیمی گئت، هر یئرده وار، سوال جوابلاردا، نسخه‌لری اوْخوماقدا، ویدیولاری جۆرله مکده، موسیقی یارالتماقدا. تأسفله سانکی بو ایشین سوْنونا و سوْنوجونا باخان یوْخ، کلاسیک ادبیاتێمیزین گؤزل – گؤزل شعرلرین یاپای ذکا هئچ ائله‌ییب، قوْیور یئره آنجاق بونا فکر وئرن یوْخ! کلاسیک ادبیاتێمیز تۆرکجه، عربجه، فارسجا سۆزلردن بیتیب باشا گلیب یاپای ذکا دکلمه‌لرینده، شعر اوْخونوشلاریندا هله‌لیک بونو دوْغرو دۆزگون یئرینه یئتیره بیلمیر. اما سانکی بونو گؤزه آلان یوْخ! تکجه قوْی دئسینلر فلان آخاق بو ایشی گؤرۆب، اوْن دنه آلقێش تپگیسی، ایکی اۆرک، بئش بڲنمه یوْلچوسو اوْلموشوق. قوْرخورام بو دا اوْ بیری ایشلره تای اوْلا شوُر لا گئدیب شۏرون چێخاردیب، ال چکک.  @SancaqDergisihttps://t.me/Sancaq_media/8308

■ 2799 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز سه‌شنبه 6 مردادماه 1405 🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۷۹۹. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⚫️ قیامت قوْپساق✍ شاعر: #سوسن_نواده‌رضی📚 تبریزیم کیمی کتابێـندانابدیت‌دنبیر یوْل چکه‌جـڲم فیکرلرین ائن - بوْیونا.تبریزین تبریز اوْلان هر یئرینی،هم ده گؤڲۆنو،سؤکۆب، تؤکدۆلرآرزولارێمین قارێن باغێرساغی کیمی.نیه بس قانادلانمێرسان اوچماغا؟من، حق قاپێسینی آچانمێرام آخێ تک‌باشێما!...سوْن سؤزلریمی،سوْن ساواشچێ‌یاننه قوربان پایێ ساخلامێشام.آلما دئسم، گل!هئیوا دئمه‌رم،نه من قێیارام، نه دیلیم گلر.سن اَس...باهار یئلی اوْل، اسمـڲه تلَـس...جۆجرسین، چیچک آچسێن بۆسبتون ابدیت.ابدیت هارانێـن هاراسێندادیر؟هارالارێ، هارا یوْخ ائتدیلر گؤره‌سن؟کاش بۆتون دۆنیا گیجَلله‌نسین،ابدیت گیجلله‌نسین،هر یئرده هر نه کی واردێر گیجلله‌نسیناونودسون هر کیم هر نمنه‌نی هر نه تَهر.آغرێلار دا گیجلله‌نسین،آجێلار دا گیجلله‌نسین،ائله نیسگیللر ده.سوْنرا،قیامت اوْلاق قوْپاق!قوْپساق،قیامتین قێچی چێخاربۆتون گزه‌گن‌لرین آذربایجانێندا!@SancaqDergisihttps://t.me/Sancaq_media/8306

⭕️ پۆسته! پامبێـق!✍️ یازان: #سهیلا_نظری بیرینجی بؤلۆم بو جۆجه‌نین یومورتادان چێخان گۆنو یادێمدادی، آنام‌گیل تبریزه گئتمیشدیلر، سئویل ایله چیل‌چیل یومورتا اۆستونده یاتێردیلار. سئویلین آدێنا باخمایێن قێز آدێ‌دیر! اؤزۆ اوْغلاندێ، بیزه گلنده گؤیچک اوْلدوغونا گؤره آدێن سئویل قوْیدوم! سوْنرا بیلدیم اوْغلاندێر! امّا دا آدێنا اؤرگنمیشدی، اوْنا گؤره دڲیشمه‌دیم. نئچه آیدان سوْنرا گئتدیک بیله‌سینه تای آلدێق. اوْنون دا آدێن آنام، چیل‌چیل قوْیدو.من اۆست اوْتاقدا درسه باخێردیم، باجێم زنگ ووردو، دئدی:- گل گؤر بو سئویله ناوولوبدو! اوْیانا – بویانا اوچور قێشقیریر!من تئز دوردوم گلدیم، گئتدیم یووالارێنا باخدێم. گؤردۆم یومورتالارێن بیری‌نین ایچی یوْخدور! فقط قابێغی قالێب! اؤز –  اؤزۆمه دئدیم: «بس بو یومورتایا نه گلیب؟ «تئز اینترنته باخدێم! اینترنت‌ ده سوووق دڲمه‌نی سرطان ائله‌دیڲی کیمی، منه یازدێ؛ «عروس هلندی‌لر یا آجلێـقدان، یا ویتامین‌سیزلیکدن یا دا استرسدن، اؤز یومورتالارێن یئیه بیلرلر.» من چوْخ ناراحت اوْلدوم. بابام ایله باجێما دا دئدیم. ائله اوْنلار دا ناراحت اوْلدولار. باجێما تاپشێردیم آماندێ آنامێـزا زنگ ووروب، دئمه ها! او ائشیتسه قوشلار یومورتالارێن یئییبلر چوْخ ناراحت اوْلار.سوْنرا من گئتدیم درسه باخام. لیلا بیرآزدان سوْنرا آشاغادان سسله‌ندی:- سهیلااااا! سئویل‌گیل بالا چێخاردیب، گل باخ!من ائله سئوینجک قاچا – قاچا گلدیم ها، هیچ بیلمه‌دیم اوْ بئله پلّه‌نی نه زمان ائندیم.گلدیم گؤردۆم هه! بیر اَججی بالا جۆجه! سئویل اوْ قدر قێشقیریب، بابام گئدیب اوْرا دقّتلی باخێب، گؤرۆب جۆجه یومورتادان چێخاندان سوْنرا هِلله‌نیب قێراغا تۆشوب.اللّه! سئویل جۆجه‌سین تاپاندان سوْنرا اوْ قدر سئوینیردی! سئویل ایله چیل‌چیلین ایلک جۆجه‌لری ایدی، ۱۴۰۵/۰۷/۱۶سی ایدی.تئز زنگ ووردوم آناما دئدیم:- سئویل ایله چیل‌چیلین بیر دنه جۆجه‌لری چێخیبدی.اوْ دا سئویندی. آنام‌گیل آخشام تبریزدن گلدیلر.صباحلارێما قوش ساخلایان قوْنشوموزا زنگ ووردو، دئدی:- بیزیم عروس هلندیمیز جۆجه چێخاردیب. بونو نئجه یئدیردک؟اوْ دا دئدی:- گلرم باخارام.بیرآزدان گلدی جۆجه‌نی الینه آلدێ. باخاندان سوْنرا دئدی:- «چینه‌دانێ دوْلودور، یئدیردیبلر.»بیز اوْ قدر تعجّب ائلییردیک ها! آخێ اوْ چێققیلیلیقدا جۆجه‌نی نئجه یئدیردیرلر!! سوْنرا گؤردۆک، جۆجه‌نین دیمدیڲیندن یاواشچا وورورلار، جۆجه آغێزین آچێر، یئدیردیرلر. هرنه! بو جۆجه‌دن سوْنرا ایکی جۆجه ده چێخدی، بیری لاپ بالاجالێقدا اؤز – اؤزۆنه اؤلدۆ. بیری ده سئویله اوْخشایێردی، آغ ایدی. اوْنون آدێن آغ، یوموشاق اوْلدوغونا گؤره، آنام پامبێق قوْیموشدو. بو ایلک جۆجه‌یه ده پۆسته دئییردیک. یومورتالارین بیری ده لَق اوْلدو، جۆجه‌سی چێخمادی.اما بو ایلک جۆجه، گئتدیکجه گؤردۆک بیر قێچی‌نین اۆستونده دورانمێر، قێچی اوزانێر...هم سئویل ناراحت ایدی هم بیز! جۆجه‌نی قوْیوردوق یئره، قێچلاری‌نین اۆستونده دورانمێردی، یئریینمیردی، سئویل ده دیمدیک ایله چالێشیردی بالاسێن ایته‌لییب یئریده، بالا یئریمه‌ینده سینیرله‌نیردی.آنام ایله بابام دا مراغه‌ده دامپزشک قوْیمادێلار قالا، هر گۆن بالاجا جۆجه‌نی قوْیوردولار بیر چێققیلا کارتونون ایچینه، دکتره آپارێردیلار، دامپزشک‌لری ده ساغ اوْلسون! هامێسی بیر سؤزۆ ازبرله‌میشدیلر:"ویتامین‌سیزلیکدن بئله اوْلوب! بو قطره‌نی سالێن سویا، ایچسین دۆزلر." *** گتیریردیلر قطره‌نی وئریردیلر، گئنه دۆزلمیردی. بیری دئمیشدی: «خاک اَرّه» تؤکۆن یوواسێ‌نین ایچینه، پارچا زۆیور اوْنا گؤره قێچی‌نین اۆستونده دورانمێر! بس اوْبیریسی نئجه دورا بیلیر؟ دئین یوْخدو!..!#آردێ_گلن_سایێـدا...  @MuncuqAzhttps://t.me/Sancaq_media/8305

■ 2798 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز دوشنبه 5 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

«#سانجاق»، سیاسی- اجتماعی مهد تمدن گۆنده‌لیگی‌نین ۲۷۹۸. سایێنداکی تۆرکجه صفحه‌«مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چێخیر.@SancaqDergisi@MuncuqAz

⭕️ ان اسکی «شهر یئری» پیرازمییان کندینده ✍️ یازان: #قربان_مهیار- خیاو شهریندن  شهر یئری خیاوێـن پیرازمییان کندی‌نین یاخێـنلیغیندا یئرلشیب. شهر یئرینده 537 ان اسکی و انسان شکلینده یوْنولموش داشلار وار. شهر یئرین تاپماغا گؤره «چارلی برنی» انگلستان اؤلکه‌سیندن چوْخلو زحمت چکیب. شهر یئرینده انسان شکلینده یوْنولان داشلارێـن گئچمیشی 8000  ایل بوندان قاباغا یئتیشیر. دۆنیادا فقط (پرو، مکزیک و گواتمالا)دا اوْلان اؤلکه‌لرین تمدنی، خیاوین شهر یئری‌نین تمدنینه یئتیشیر. بو انسان شکلینده یوْنولان داشلارێن اوجالێغی 70 سانتیمتیردن 360 سانتیمتره قدردیر. بو داشلارێن چـوْخونون بئلینده ناخێـشلی ائـنلی کمربندلری وار و اوْلارێـن کمرلریندن شمشیر آسلانێـب و بیر اللری سینه‌لرینده قرار تاپێـپ. بو حال نیظامی یا مذهبی باورلردن خبر وئره بیلر. بو داشلاردا بیر معمالی سرّ قالێـب. بو انسان شکلینده یوْنولان داشلاردا، بیر قادێـن پیکریندن سوْنرا هئچ بیری‌نین آغزێ یوْخدور و بیر کیمسه دۆزگون بو سرّی آچا بیلمه‌ییب. ندن بونلارێـن آغزی یوْخدور؟! سوْن ایللرده میراث فرهنگی اداره‌سی شهر یئرین قـوْرویوب ساخلایێـر!!. *** شهر یئری اۆچ یئره بـؤلـۆنور: معبد بـؤلگـۆسو، قـوْشا تپه بـؤلگـۆسو، قله بـؤلگـۆسو شهر یئری‌نین مساحتی 400 هکتارا چاتێـر. ایندی‌یه قدر شهر یئری‌نین چوْخ یئری قازێـلماییب. شهر یئری‌نین بعضی مزارلاری‌نێـن اوزونلوغو ۶- ۵ متره یئتیشیر. بو بونو یئتیریر شهر یئری‌نین یاشێـیانلاری آخرت دۆنیاسێـنا ایناملارێ وارایمیش. قارا کـؤهـۆل یئرین آلتێـندان قازێـلمیش بیر قیسمتدی. قارا کـؤهـۆل شهر یئری‌نین گـۆن‌باتان تایێـندا قرار تاپێـب. یئری وار دوْستلار بیر دفعه شهر یئرینی گـؤرسۆنلر. ۱۲/ ۰۲/ ۱۴۰۵@SancaqDergisihttps://t.me/Sancaq_media/8302

■ 2797 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز يكشنبه 4 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۷۹۷. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ اوشاقلێق گۆنلری... ✍️ یازان: #نوروز_احمدزاده – کرج اوشاقلێغین کۆسوب، بارێشما کۆچه‌لری‌نین دؤنۆم دؤنگه‌لرینده ایتیرمیشم اؤزۆمو...اوشاقلارلا بؤلۆشوروک اوْیناماغا. هرکس اؤز هالایێن چکیر. یئنه منیم اۆستومده عیباد ایله زینال دالاشێر!جێریق یاماقلێ پالتارلار! کؤهنه و ائشیڲه آتێلمیش تای دڲیشیک باشماق‌لار! جورابسێز آیاق‌لار! صمیمی ایسته‌مه‌لی اۆرک‌لر. ال اله دۆڲـمه دَلهبیز گئدیریک بابام گیلهبابام منه، بیزه باشماق آلابیر تای سنه، بیر تای منهدوْنبالان پیس... داشدان دۆزلمیش سَکی‌لر، سوواخلی در – دیوار، اوجا تاقچالار، قێرخ پیلّه‌لی کهریزلر، سرین و ایچمه‌لی سولار، رنگ‌به‌رنگ ختمی گۆل‌لر. بؤیۆک بیر توت آغاجێ‌نین حیطدن بوْیلانیب، کۆچه‌یه باخماسی! کؤهنه آرابا، قوْجا آت و.. یوْرغون آرابا و جاوان سۆروجو! وفالی آغ کؤپك، قێشین اوزون گئجه‌سی، شَبچره‌سیز چیلله! جَرجَنک قالمێش کۆرسو! شۆشه‌سی سێنیق دوره پیلته‌لی چێراق! نفتی چێراق! بایرام سۆفره‌سی، کۆرسونون اوْدسوز – کؤمۆرسۆز قابێ! نئچه دانا رنگلی شیرنی، سَمنی، بیر دانا اوْن شاهی‌لێق پنابات! کیچیک پرتقال سۆفره‌نین اوْرتاسێندا...خان‌ننه اوشاقلارێ چاغێریر: «دورون گلین! سیزه، مَلک جمشید و جێرتدانین ناغێلین تعریفلییم. اوْ سوْیوق و دوْنموش ال‌لریزی منیم قوْینومدا قێزدیرین، کۆچه چوْخ شاختادێ.» بو یوْرغون و خسته جانێم دوْلودور عشق، محبت ایله... ایسته‌ییرم قارتال کیمی قاناد چالێب، اوجالێقلاردا یوْخ اوْلوب، گؤزدن ایتَم...۱۴۰۲/۱۱/۱۳ – گئجه ساعت بیر @MuncuqAzhttps://t.me/Sancaq_media/8300

■ 2796 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز شنبه 3 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۷۹۶. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 آزر (یای، آذر): بیر معامله یا مالی قراردادا تلسمه‌یین. بیرآز ال ساخلایێـن گـؤرۆن دوروم نئجه قاباغا گئدیر. عاطفی باخێـمدان دا، اؤزۆز و حضوروزون دڲرینی بیلمه‌ین آداملاردان اوزاقلاشێـن. بیز انسانلاری دڲـیشدیره بیلمه‌ریک، تکجه گـۆجوموز اؤزۆموزه چاتار. اؤز آری- دورو گـؤز و کـؤنلـۆزون قدرینی بیلین و اؤزۆزه دڲر وئرین. سیزین لیاقتیز ایکی طرفلی و گرچک بیر سئوگی‌دیر، اوْننان آزێـنا راضی اوْلمایێـن. بلکه آماجلارێـزا چاتماق اۆچون بعضی برنامه‌لریزی دڲـیشدیرمه‌لی اوْلاسێـز. بو گـۆنلر ایش و فکری باخێـمدان چوْخ سێخینتی‌دا اوْلوبسوز، آرتـێـق دینجلمک زمانی‌دێر. وقتیزی سیزینله بیر فکرده اوْلمایان انسانلارێـن فکرینی دڲـیشدیرمک اۆچون هدر ائتمه‌یین. آرام اوْنلارێـن کنارێـندان گئچین، باشێـز اؤز ایشیزده اوْلسون و اؤز اؤزل دوروموزا اوْداقلانێـن. 🔶 چیلله (اوْغلاق، دی): بیرآی بوْیونجا گـؤره‌جڲـیز ایشلری یازێـب، اوْنلاردا اوْلان آماجێـزی اؤلچۆن. اؤزۆزدن سوْروشون، «ایستک و آرزولارێـمین یـوْلوندایام یـوْخسا یـوْخ؟ من بو حیاتدان راضێـیام یا یـوْخ؟» حیاتـێـزدا ایسته‌دیڲـیز سوْن‌اوجا چاتمایێـب‌سیزسا، لازم اوْلان دڲـیشیملره جسارتێـز اوْلسون. آرتـێـق یئنی بیر یـوْل باشلاماق زمانی‌دیر. گـۆندم کیچیک ایشلرین ائتگیسینی، بـؤیـۆک دڲـیشیملرده سهل سانمایێـن. کیچیک عادتلری دۆزلدین و ائتگیسینی گـؤرۆن. گئچمیش کینه‌لری اونودون، باغێـش و بارێـش اوْندان- بوندان چوْخ، انسانێـن اؤزۆنو آرامشه چاتدێـرار. کـؤنلـۆزون ایسته‌ڲـینه چالێـشمامیش یئتیشه بیلمزسیز. آماجلارێـز اوغروندا چێـرمالانیب، ایشه باشلامالێـسیز. 🔶 دوْندۇران آی (قـوْوا، بهمن): بیر ایشی باشارمێرسیزسا، اوْنو باشارانێـنا تاپشێـرین. بیر خبری ائشیتمڲه صبیرسیز گـؤرۆنورسوز. سوْیوق قانلی اوْلون و سوْن‌اوج نه اوْلور- اوْلسون اؤزۆزو ایتیرمه‌یین. وفالی دوْستلار و یالاننان سیزه یاخێـنلاشانلارین فرقینی بیلمه‌لیسیز. هر کس انسانێـن سێـرداش یا یاخێـن یـوْلداشی اوْلا بیلمز. عاطفی باخێـمدان، دانـێـشماق راحاتدێـر. بیری سیزه اؤنملی‌دیرسه، سئوگیزی عمل‌ده اثبات ائدین. یئنی ایش باشلامادان اؤنجه، یارێـم قالمیش ایشلری بیتیرین. نظم‌سیزلیک قوْیماز ایشلریزه اوْداقلاناسێـز بو دا سیزین ضرریزه دیر. سئوگی بیر گـۆل کیمی، بسله‌مک و اؤزه‌ن گـؤرستمک ایستر. عزیزلریزه زمان آیێـرماقلا، ایلیشگی‌لری جانلی و ایستی ساخلایێـن. 🔶 بایرام (بالێـقلار، اسفند): بو گـۆنلر داشێـنماق و باشقا یئره گئتمکدن سؤز گئدیر، نهایی قراری سیز وئره‌جکسیز، آما مندن ائشیدیرسیزسه، حرکتدن چکینمه‌یین، انسان بیر یئرده دوردوقجا، قالار. آللاها توکل ائلییب، باشلاماق اوْلار، یالنێـز یالان یئره دیل تـؤکـۆب، اۆزده بیر سؤز، آرخادا باشقا سؤز دئین آداملاردان اوزاق اوْلون. یئنی ائولی‌لیک و اوْرتاقلێـق موبارکدیر و اۆره‌ڲـیزی سئوینجه بـۆرویه‌جک. عائله‌ ایچی یا ایش یئرینده گـؤزله‌نیلمز بیر دوروم یاراناجاق، نگران اوْلمایێـن سئویملی آرخاداشلارێـز هر زمان کی کیمی، آرخازدا دوروب سیزه یاردێـم ائده‌جکلر. عاطفی باخێـمدان بیرآز دقتلی اوْلماغێـز توصیه اوْلور. سیزین سایمازیانا داورانێـشلاریز حیات یـوْلداشێـز یا سئوگیلیزین اۆره‌ڲـین سێـندیریر. اوْنون کـؤنلـۆنو آلێـب، سئویندیرمک اؤزۆزه یاخجی‌دێـر.@SancaqDergisihttps://t.me/Sancaq_media/8298

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 قۇیرۇق دوْغان (آسلان، مرداد): بو گـۆنلر اؤنملی بیر گـؤرۆش و دانێـشیق فرصتی یاراناجاق. بو ایلیشگینی جدی توتون، اوْنون ائتگیسینی گله‌جکده گـؤره‌جکسیز. یاخێـنلارێـزدان بیری سیزی آلداتماغا چالێـشیر، فکر وئرمه‌یین، تئزلیکده آماجی بیلینیب، حقیقتین اۆستو آچێـلاجاق. چوْخدان قالان بیر آلاجاغێـزی آلێب، حسابلارێـزی دورولداجاقسێـز. ایش و تحصیل دوروموزو دۆزه‌نه سالێب، ذهنیزی آراملاتمالێـسیز. بونو کیچیک برنامه‌لردن باشلامالێـسیز. بیر ایش اۆچون اوزاق بیر یئره گئتمه‌لی اوْلاجاقسێـز. ایلک اؤنجه بو سفره گئتمک ایسته‌مه‌سز ده، بو سفردن چوْخ منفعت قازاناجاقسێـز. گـۆندم سوْرونلارا سوْیوق‌قانلی اوْلون و کیچیک مسائلدن چوْخ اۆزولمه‌یین. باخێـش آچێـزی دڲـیشدیرمک، هرزادی راحاتلاداجاق. 🔶 زۇمار (باشاق، شهریور): یاخێـن گـۆنلرده عائله‌وی بیر دانێـشیغیز اوْلاجاق. سیزین دقیق نظرلریز هر کسین طرفیندن اوْلوملو آلێـناجاق، بو اۆزدن ده، کـؤنلـۆزده اوْلان ایستکلره چاتا بیلرسیز. یئنی بیر ایش یا پروژه‌یه باشلامامێـش، اوْنو دقیق آراشدێـرین. البته سیز هوش- باشێـزا دایاناراق، چتین دوروملاردان راحاتلێـقلا گئچه بیلرسیز. اوْنا- بونا ایشله‌مکدن یـوْرولوب، اؤزۆزه بیر ایش باشلاماق ایستییرسیزسه، شانسیزی امتحان ائلیین و اؤزل ایشیزی باشلاماغا فکرلشین. کـؤنلـۆزدن گلمه‌ین ایشلره اؤزۆزو زوْرلامایێـن. هنری ایشلرده اوْلان استعدادلارێـزی جدی توتون. ایچیزده اوْلان باشارێـلارا اینانا بیلسز، اوغورلو اوْلاجاقسێـز. دوروم چتینلشدیکجه، اؤز ایچیزده اوْلان چتین دوروملاری آتلاتماق گـۆجوزو خاطیرلایێـن و یئنی‌دن گـۆج‌لنین. 🔶 خزل (ترازی، مهر): اوزون زمان فکریزده اوْلان ایشی باشلاماق زمانی دیر. چئورزده اوْلانلار بو حقده سیزه یاردێـم ائده‌جکلر. یاخێـنلاردان بیر نفرین پیس ایشلری سیزی راحاتسێـز ائدیر. اوْنون ایشلرینی گـؤرمزدن گلین و فکر وئرمه‌یین. مسائلی بـؤیـۆتمه‌یین. هر زادێـن دڲری اؤزۆ قدر اوْلمالێـدی. انرژیزی اؤنملی ایشلره ایشله‌دین. ایستکلریزه چاتماق اۆچون آرتـێـق وقت قـوْیمالی و آرتـێـق چالێـشمالیسیز. تئزلیکده گئده‌جاغێـز سفره اوْداقلانێـن و بو سفردن قازاناجاغێـزا فکر وئرین. بیر نفره بیر هدیه آلماغا اؤزۆزو چتین‌لیڲه سالمایێـن. هدیه‌نین دڲـری اوْنون آرخاسێـندا اوْلان دویغولارا باغلێـدیر. 🔶 قیروْو (عقرب، آبان): چئورزده اوْلان اؤنملی اوْلایلاری گـؤرمک اۆچون، گـؤزلریزی آچامالێـسیز. تئزلیکده خوْش بیر خبری یاخێـنلاریزا وئریب، اوْنلاری سئویندیره‌جکسیز. ایشیزه گـؤره بیلگی‌لریزی گـۆندم‌لشدیرین و دۆنیا گئدیشیندن گئری قالمایێـن. خبرلری معتبر قایناقلاردان ایزله‌یین و ائشیتدیڲـیز هر سؤزه اینانمایێـن. بو گـۆنلر عاطفی ایلیشگی‌لریز یـوْلونا دۆشوب، ایشلر ایسته‌دیڲـیز کیمی ایره‌لی گئده‌جک. آرتێـق آرامشه چاتماق اۆچون، کیمسه‌دن بکلنتی‌لریز اوْلماسێـن و ایشلری چتین توتمایێـن. مالی دوروموز اذن وئرسه، یـوْخسوللارێـن الیندن توتون، خیر ایشلرین سوْن‌اوجو تئـزراق اؤزۆموزه قایێدار. اؤزۆ ده، لاپ گـؤزل شکیلده. باشلادێـغیز ایشلری سئوگی ایله گـؤرۆن اوْندا تئـز یـوْرولمازسێـز و ایشلرین ایره‌لی‌لمه‌سینی اؤز گـؤزۆزله گـؤررسیز.#آردێ_وار.... @SancaqDergisihttps://t.me/Sancaq_media/8298

⭕️ هفته‌لیک فالێـنیز✍ حاضرلایان: #اوْلجای_مرآتی 🔶 آغلار‌- گـۆلر (قـوْچ، فروردین): بو گـۆنلر گـؤردۆڲـوز کیمسه‌نین گرچک نیّـتی سیزه آیدێـن دڲـیل. تلسمه‌یین، اجازه وئرین زمان هرزادی آیدێـنلاتسین. اؤزۆز اۆچون ده اوْلموش اوْلسا، انسانلارا یاخجی‌لێـق ائدین. تواضع‌لو اوْلماق انسانێـن داها سئوملی اوْلماغێـنا سبب اوْلار. سیزی تانێـمایان کیمسه‌لرله دانێـشاندا، آنلاشمازلێـق یارانماسێـن دئیه، دقتلی اوْلون. چوْخدان قالان بیر بوْرجو وئریب، راحاتلاشاجاقسێـز. آلت بیلینجیزه گـۆوه‌نین و ایچ سسیزی ائشیتمڲه چالێـشین. عاطفی باخێـمدان کؤنزلیکدن ال چکین، ایندی یئرسیز تارتێـشمالارین وقتی دڲـیل. یاشامێـن تکراری اوْلماسێـندان قورتولماق اۆچون، اؤزۆز بیر ایش گـؤرۆب، هیجان یاراتمالێـسیز. 🔶 گـۆلن‌آی (بۇغا، اردیبهشت): بو گـۆنلر ذهنی باخێـمدان یـوْرقون و قارێـشیق گـؤرۆنورسوز. آرامشه چاتێب، روحی باخێـمدان اؤزۆزو اله آلماق اۆچون، طبیعتده زمان گئچیردین و گـۆنده نئچه دقیقه یاشێـلیق- آغاجلێـق بیر یئرده دوْلانێـن. بو تئزلیکده بیر اوْلایێـن اۆز وئرمه‌سی باخێـش آچێـزی دڲـیشدیره‌جک و اوزون زمان یئرسیز اؤزۆزو دانلادێـغیزی بیله‌جکسیز. بیر نفر، سیزدن اوْلوملو بیر ایلک آددێـم گـؤزله‌ییر، بو ایلک آددێـمدان سوْنرا اؤزۆ قاچا- قاچا سیزه دوْغرو گلر. بو قوْنودا قرار اؤزۆزه قالێـب، آما مندن ائشیدیرسیزسه، تلسمه‌یین و ایره‌لی گئدنده، آرخادا اوْلان کـؤرپـۆلری سێـندیرمایێـن. گـۆندم گـؤرۆشلرین بیرینده ساده بیر سؤز سیزین ذهنیزده یارادێجی بیر ایده باشلاداجاق. بو ایده‌نی جدی توتون. آرادا یارانان آنلاشمازلێـق تئزلیکده ایکی طرفین آنلاشماسێـیلا قورتولوب، بارێـش اوْلاجاق. 🔶 قێـزاران آی (ائکیزلر، خرداد): اۆمود پنجره‌لری اۆزوزه آچێـلیب، یاخجی انرژی وئریر سیزه. چوْخ اؤنملی بیر قـوْنویا تئزلیکده قرار وئرمه‌لیسیز. اؤزگـۆوه‌نیزه دایاناراق، بو قرار ان دوز قرار اوْلا بیلر. شۆبهه‌سیز سئچدیڲـیز یـوْل دۆز بیر یـوْل اوْلاجاق. بیر قـوْناقلێـق یا شنلیڲـه آلدێـغیز دعوتدن چوْخ سئوینه‌جکسیز. بو گـؤرۆشده ائشیتدیڲـیز خوْش خبرلردن ده آیرێـجا سئوینه‌جکسیز. قـێـسقانج و گیجیکلی آداملارێـن سؤزۆنه فکر وئرمه‌یین. عاطفی باخێـمدان دویغولارێـزی گیزتلمه‌یین. سئودیڲـیز کیمسه سیزین ذهنیزی اوْخومور کی! سؤز و داورانێـشیزلا، سیزه نه قدر دڲرلی بیری اوْلدوغونو اوْنا خاطێـرلادین. یئمکلریزه دقتلی اوْلون و یارانان آنلاشمازلێـقلاری دانێـشاراق، چؤزمڲـه چالێـشین.🔶 قـوْرا پیشیرن (یئنگج، تیر): بیر آز دؤزۆملو اوْلون. تئزلیکده بیر ایش یا امکداشلێـق اۆچون، سیزدن دعوت اوْلوناجاق. بالاجا سوْرونلار، ایشلریزی یوبالداجاق، یئرسیز عصبی‌لشمه‌یین. دؤزۆمله هر ایش اؤز یـوْلونا دۆشر. بو گـۆنلر بعضی گـؤرۆشلر، چوْخدان کـؤنلـۆزده اوْلان دارێخمانی چێـخارداجاق. بعضی آداملارێـن حضورو، یاشامێـزا خیری- برکت گتیره‌جک. بو حضورون قدرینی بیلین و کیچیک سوْرونلارلا، درین آرامشیزی پوْزمایێـن. بیر معامله‌نین پـوْزولماسێـندان اۆزولمه‌یین. کسین بوندا بیر حکمت وار. مالی باخێـمدان اؤزۆزه اوْداقلانێـن و اوْنون- بونون ایشینه قارێـشمایین. یاخێـن یـوْلداشلارین بیری سیزدن یاردێـم ایستییر. اوْنا یاردێـم ائدین و بو ایشین اوْلوملو انرژیسینی حیاتـێـزدا گـؤرۆن.#آردێ_وار.... @SancaqDergisihttps://t.me/Sancaq_media/8298

⭕️ خییوْ چایی سوْلغۇن بیر حالا چئوریلمیشدی! ✍️ یازان: #رحیم_خیاوی ایکینجی بؤلۆم 🔷 دقّت: یازیچی‌نین اورژینال املا طرزی و شخصی سلیقه‌سینه توخونولمادی. من گؤزلریمی‌گونشین قان چاناغینا بنزه‌ر درینلیکلرینه زیلله‌میشدیم. رضا سایخاش -سایخاش دانیشیردی:- بیز آسیلی کؤرپودن آسیلساق، بوتون عالم ایکی سئوگیلینین بیر- بیرینه چاتمادیغینی بیله‌جکدیر. بیز آسیلدیقدا، دونیا وارکن، ابدییته چئوریله‌جه‌ییک.رضانین حالی اولدوقجا آجیناجاقلی ایدی.- آخی سن بؤیله جینایت تؤرتمکدن قورخمورسان؟ بو ایش ایکی اینسان حاقیندا بیر جینایتدی. اینسان دا هئچ اؤزونو آسارمی؟جواب وئریر: - یوخ، یالنیز یوخ، منجه بو ایش سئوگیلیمله بیرلیکده ابدی یاشاماقدی. رضانین باخیشلارینداکی ووقار، اونون سیرلی اولدوغونو گؤستریردی، آمما من سیرلرین اوستونونون آچیلماسینی ایسته‌میردیم. من رضانین سیرلی اولماسینی سئویردیم.گونون شعالاری باتی‌یا ساری ساللانیردی؛ ‌هاوا قارانلیغا چئوریلمه‌دیدی. رضا ایله گیردولی داغین ائنرکن، اونون تهلوکه‌لی بیر اویونا آیاق باسما احتمالی منی سارسیلدیردی. میرده‌شیرخانادا رضانین جنازه‌سی یویولان زامان، اونون دوستلاری، داغچی یولداشلارینین اللری قوینوندا هؤنکور- هؤنگور آغلاملاری ایله برابر گنج قیزلار دا آغلاشیردیلار. اونلار گؤز یاشلارینی گیزله‌دیر، آغلادیقجا ایچلرینی چکیردیلر. رضانین آناسی‌نین تورپاغی باشینا سووورارکن «بالا وای» ناله‌سی، کیشی‌لرین دیزلرینی تیتره‌دیردی. او اوره‌ک یاندیریجی اوخشامالار اوخویوردو؛ اینجارسیزلیقدان سسی گئت- گئده سیزیلتی‌یا چئوریلیردی.یوسوف‌لا صمد منیمله یاناشی دووارین دیبینده دورموشدولار. درین فیکره دالمیش صمد دئییر:-  هئچ اینانمالی دئییل! یازیق آتاسی، آناسی، اونلارین بئلی سیندی. قیز بیرینه گئدیب کئفین چکه‌جک. تانرینین ایشینه بیر باخ؟!یوسوف ائله صؤحبت ائله‌ییر، سانکی اؤلو مجلیسینه گلمه‌ییب:– – نئچه آی اؤنجه ایکی گنج اوغلان دا اؤزلرینی ائله بو خییو چاییندا آسمیشدی. بیر گنج قادین دا سیچان داواسی ایله جانینا قصد ائتمیشدی. گورونورکی سئودالانماق سؤزو وار آرادا. کؤورلمیشدیم. اوره‌ییم سیخیلیردی. پوزغون بیر حالدا دئدیم:- آنجاق‌هامیسی سئودالانماق دئییل. ایشسیزلیک، احتیاج، تحقیر، آغیر و دؤزولمز معیشت شرایطی ده بونلارین ایچینده گؤرونور.بونلارا باخمایاراق صمد، یوسوفا اوز توتوب دئدی:- اولار یاواشجانا بیر یانیغلی بایاتی اوخویاسان؟یوسوفون حزین سسی‌له رضانین جنازه‌سی یویولوب، آغ کؤینه‌یه گئیدیریلیب یولداشلارینین اللرینده تورپاغا تاپشیریلدی. آتاسینین ایسته‌گینه گؤره، رضانین »داغ یاتاجاغی« اونون قبر ائوینده اوستونه چکیلدی. ایندی تورپاق داها گؤزللشمیشدی، رضانین آتاسی دیزی اوسته چؤکوب، اوزونو تورپاق اوزه‌رینه قویموش و تورپاق ایسه اونون دالغین روحونو دینجلدیردی.یوسوفون حزین بایاتی سسینی اطرافداکیلاردا ائشیدیردی. بو سس سانکی سیخیلان اوره‌کلره، سرین مئه کیمی‌اله‌نیردی:عزیزیم داغ یئریدیمسکنین داغ یئریدیگوردوم کی اوردا یوخساناوستومه داغ یئریدی. پاییزین بوغولان گونلر ایدی، خییو چایی سولغون بیر حالا چئوریلمیشدی. یولو بوتونلوکله خزل دوتموشدو. آرا بیر قیزارمیش، بوزارمیش خزل آغاجلاردان دوشوردو. من ایسه یول قیراغیندا کی آسیلی کؤرپونون آلتیندا، قهوه‌خانادا اوتورموشدوم. یانیلی سیگارئت بارماقلاریمین آراسیندا بوتونلوکله کوله چئوریلمیشدی. آغیر بیر فیکره دالمیشدیم. باشیمی‌قالدیردیقدا گؤزلریم اونون گؤزلرینه ساتاشدی. رضانین آتاسی دوز قنشریمده اوتورموشدو. منی گؤردوکده یئریندن قالخیب، منیمله یاناشی اوتوردو. بو آدام ایکی آی بوندان اؤنجه گؤردویوم آدام دئییلدی. اینانیلماز درجه‌ده ده‌ییشیلمیشدی. اینانمادیم. ساچلاری آغ آپباغ آغارمیشدی؛ پوزغون احوالدا ایدی؛ اوره‌کدن درین آه چکیب، شاشقین بیر حالدا اوزون منه توتوب دئدی:- ایسته‌ییرم اوشاقلارین الیندن یاپیشیب، بو شهردن گئدم.– گئده‌سن؟! ‌هارا گئده‌سن؟- هئچ اؤزوم ده بیلمیرم‌هارا! آنجاق ایسته‌ییرم داها بو شهرده قالمییام.– هر یئرده بیز اؤلولریمیزی تورپاغا قویموشوق، او تورپاق بیزه دوغمادیر. رضانی خییو تورپاغی آلیب باغرینا، گئتمه‌ملیسن! هر بیر زاد اوز یئرین تاپاجاق، بیر آز زامان ایستیر!- گئتمه‌یه اوشاقلار دا راضیلاشمیر، آمما اوره‌ییم هئچ بیر ایشه قیزمیر!بارماقلاریمین آراسیندا سیگارئت سؤنموشدو. رضانین آتاسی‌نین نه زامان کؤلگه کیمی‌سوزولوب گئتمه‌سینی هئج دویمامیشدیم. #سون @SancaqDergisihttps://t.me/Sancaq_media/8294

■ 2795 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز پنجشنبه 1 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۷۹۵. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ خییوْ چایی سوْلغۇن بیر حالا چئوریلمیشدی! ✍️ یازان: #رحیم_خیاوی بیرینجی بؤلۆم 🔷 دقّت: یازیچی‌نین اورژینال املا طرزی و شخصی سلیقه‌سینه توخونولمادی. خییو شهرلیسی و یاخود خییو شهرینه گلمیش اولسانیز، یقین کی دفه‌لرله آسیلی کؤرپونون اوستوندن اولماسادا، آلتیندان گؤز اوخشایان باغلاری، داغلاری گزیب گؤروبسونوز.آسیلی کؤرپو، گیردولی داغینا ائله‌جه‌ده اونون اوستونده ساوالانین اتک‌لرینده اولان باشقا داغلارا یول آچیر. من گیردولی داغینین اطرافینداکی داغلاری و اونون یان- یؤره‌سینده‌کی یایلاق‌لاری، بولاق‌لاری، ایستر یای، یاز، ایسترسه قیشین قارلی، قیرولی گونلرینده ده، یوزلر دفه گزیب دولانمیشام. آسیلی کؤرپونون آلتینداکی قورخونج و گؤز قاماشدیران دره‌ده، ایل بویو، گؤم گوی، گؤز یاشی تک سویو اولان خییو چایی آخار. بو چای بوللو چیچکلی ساوالانین دؤشلرینده‌کی یایلاقلاردان قیدالانیب، یام یاشیل یاماجلارین قوخوسونو داشییاراق، شهرین قیراغیندان گئچیب و نهایت قاراسویا قاریشیب، آرازلا قول بویون اولور. بورادا مئیوه باغلاری بیر بیرینین قوینونا ائله سیغینیبدیرلار کی، آسیلی کؤرپونون هوندورلوگوندن سیخ مئشه‌ کیمی‌گؤرونرلر. من‌ایسه بو داغلارین اته‌گینده بویا، باشا چاتمیشام. بو باغلارین، داغلارین هر بیر کونجونده آجیلی، شیرینلی خاطیره‌لریم اولوب… بیر یاز گونونون تراوتینده گونده‌لیک ایشیم اولاراق، خییو چایی کنارینداکی باغلارین آراسیندا اولان جیغیردا گئدیردیم؛ مقصدیم گیردولی داغی‌نین زیروه‌سی ایدی. طبیعتین گؤزللیک‌لری ایچیمده خوش دویغولار اویادیردی. یولون آشاغی الینده، نئچه گنج اوغلان وولیبال اویناییردیلار… بیر آن گؤزوم قارانلیغا گئتدی؛ باشیم فیرلاندی. ایلاهی نه گؤرورم…….!!؟. گوزلریمه اینانمیردیم؛ بلکه ده اینانماغا اینجاریم یوخ ایدی. گنج بیر اوغلان اؤزونو گیرده‌کان آغاجیندان آسمیشدی!. یئره اوتوردوم؛ ایکی الیم‌له باشیمی‌توتدوم. گؤزومده گنجین آغاجدان آسیلی قالمیش اوجا بوی هئیکلی جانلاندی. ایختیارسیزجاسینا، آیاغا قالخیب، اونا طرف یاواش- یاواش یورودوم. توپ اوینایان اوشاقلار و قونشو باغچی‌لار دا‌هامیسی گلمیشدی.‌های- کوی‌دن قولاق توتولوردو.– آی بالا قاچین پولیسه خبر وئرین!- بس آتاسینا؟– منده او اوره‌ک یوخدو آتاسینا خبر وئرم!، بو دانیشیقلاری تکجه ائشیدیردیم؛ کیملرین طرفیندن دئیییلدیک‌لرینی اصلا بیلمیردیم. سانیردیم سسلر قولاغیما چوخ اوزاقلاردان گلیر. بوغولوردوم ایچیمده؛ داها نه اولدوغونو بیلمیردیم….. «رضا» بیزیم یاخین قونشو اوشاقلاریندان ایدی. اوره‌گی جوشغون، اوجا بوی، شووه‌رک و داغ سئور بیر گنج ایدی. دئمک آدلیم داغچی‌لاردان ایدی. اونون ائورئست داغینادک گئتمه‌گینی ده ائشیتمیشدیم.رضا ایله بیرلیکده گیردولی داغینا قالخیردیق؛ بیرینجی تپه‌ده دینجه‌لک دئیه اوتوردوق. بو اوجا یئردن، خییو شهرینین هر بیر طرفی گؤزل گؤرونوردو خییاوانلار و ائولرین بیر-بیرلرینه سیخ سؤیکنیلمه‌سی گوزومون اؤنونده بیر رئال تابلونو جانلاندیریردی. رضا دیللندی:– چوخ ایسته‌ییردیم اؤزومو آسیلی کؤرپودن آسام.– نه اوچون؟! بس آتان، آنان، سئوگیلین؟– منجه سئوگیلیم داها ایچیمده بوغولوب، داها ایچیمی‌یئین قادانی هئچ کیمسه‌یه آچماق ایسته‌میرم؛ دردلریم اؤزوم اوچون عزیزدیر، اؤزوم ده چکمه‌لی‌یم. رضا ائله دردلی، کدرلی دانیشیردی، قهر ایچینده بوغولان کیمی‌گؤرونوردو.– منیم هئیکلیم آنجاق آسیلی کؤرپودن آسیلمالی‌دی؛ سئوگیلیم ایله بیرلیکده.رضانین سسی داها جالاق اولموشدو …– ایللر بویی ایلقاریمیزلا یاشادیق، آمما چیرکین خیانتله قارشیلاندیم. رضایا سئوگیلیسی طرفیندن خیانت اولدوغونو ظن ائدیردیم، آمما نئجه اولماغینی بیلمیردیم و او ایسه‌ده دئمیردی. گونون باتار چاغینا آز قالیردی. گیردولی داغینین زیروه‌سیندن یاواش- یاواش گونون شعالاری ییغیلیردی. جانلی بیر تابلو گؤزومون اونونده جانلانیردی. آسیلی کؤرپونون اوستونده جماعات آددیملاییر، اوشاقلار ایسه اویناییردیلار. رضا بو آندا دولوخسوندو؛ یاش گؤزلرینده لپه‌لندی؛ باشینی دیزلریمین اوستونه قویوب، اوره‌کدن هونکورتو ایله آغلادی، من‌سه اونو باغریما باسارکن، ساچلارینی سیغاللادیم. اوره‌یی‌نین دؤیونمه‌ سسینی ائشیدیردیم؛ اؤزومله دوغمالاشمیشدی. باشینی قالدیریب، دئدی:-گؤزلریمه دریندن باخسان، سئوگیلیمی‌ده گؤررسن، من آغلایاندا سئوگیلیم راحاتلاشیر. #آردی_وار... @SancaqDergisihttps://t.me/Sancaq_media/8292

■ 2794 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز چهارشنبه 31 تیرماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۷۹۴. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ شَن آیشن ✍️ یازار: گۆلزار ابراهیم‌اوْوا🔷 کؤچۆرن: #شبنم_توحیدی اۆچونجو بؤلۆمون دوامێ آیشن دئدی:- ایسته‌میرم سارای – زاد! من، بابامسێز، ننه‌مسیز بوردا نئیله‌یه‌جـڲم؟-  بوردا تک دئییلسن، بابان دا بوردادێر. بیر آز گزیب آختارسان، تاپارسان! کۆپه‌گیرن قارێ طوفان قوْپارێب، بابانێ طلسمه سالێب، قایێـغی‌نی باتێریب، قوْجا بابان اۆزو اۆسته یێخیلیب، آدادا قالێب.- بابا، جانێم بابا! – دئییب، آیشن قێشقیردی، باباسێنی آختارماغا باشلادێ. *** قوْی آیشن آدادا باباسێنی آختارماقدا اوْلسون، سیزه کۆپه‌گیرندن دانێشیم. ائله کی اژدها قێزی آغزێنا آلێب، گؤڲـه قالخدێ، کۆپه‌گیرنین کئفی دۆزلدی. حیکّه‌سی* آزالدێ. گئجه یاتمامێشدی دئیه، اَسنه‌دی. گئدیب راحاتجا یاتدێ. نه قدر یاتدێ، بیلمه‌دی. بیردن عفریت‌ین سسینه اوْیاندێ:-  اۆچ گۆن، اۆچ گئجه‌دیر یاتێرسان! سنه شاد خبریم وار. بالێـقچی دا، قارێسی دا، آیشن ده، یوْخا چێخیبلار!کۆپه‌گیرن قارێ یئریندن دیک قالخدێ. خێـریلدایا – خێـریلدایا گۆلدو. تئز فال آچدێ. فال آچان کیمی سئحرلی کۆپ، شاه سارایێـن گؤستردی. قارێ نئچه دفعه فال آچدێ، سئحرلی کۆپ عینی شئیی گؤستردی.کۆپه‌گیرن حیرصلندی، کۆپو یئره چێـرپیب سێندیردی.-  من، سنه دئییرم بالێـقچی‌نین عائله‌سینی گؤستر، سن منه شاهێ، اوْنون سارایێـن گؤستریرسن! چوْخ کؤهنه‌لیبسن، داها سئحرین قالمایێب! ائله سێنسان یاخشێ‌دیر. *** گلین، کۆپه‌گیرن‌له عفریت‌دن جانێمیزی قورتاراق، گؤرک آیشن، باباسێنی تاپدێ؟ آیشن آدادا آختاردێ، باباسێنی تاپدێ. اوْنلار قوجاقلاشێب، سئویندیلر.آدادا اوْلان سارایا گیریب، ایسلانمێش پالتارلارێنی دڲیشدیلر. سوْنرا گـمی ایله گئدیب ننه‌نی ده سارایا گتیردیلر.بو، اوْ واخت ایدی کی، کۆپه‌گیرن فال آچێب، اوْنلارێ سارایدا، سۆفره باشێندا، اڲـینلرینده شاهلارا لاییق پالتار گؤرمۆش، تانێمامیشدی! ائله بیلمیشدی سارای آداملارێدیلار. بابا، ننه و نوه عؤمۆرلری بوْیو شاه سارایێـدا بوْللوق ایچریسینده یاشادێلار، آرزولارێنا چاتدێلار. اوْنلارێن گۆلوش سسی دنیزین دالغالارێنا قارێشدی، دۆنیانێن هر یانێنا یایێـلدی. سن ده دنیزه گئت، دنیز هاواسێندان بیر دوْلو نفس آل، «آیشن»ین شن گۆلوشو اۆره‌ڲینه گیرسین، کئفین آچێلسین. اوْتوردوغون یئرده سئوینجین عطیر ساچسێن و بو سئوینجدن هامێیا پای گئتسین. گۆلزار ننه ده سنه باخسێن، آرزو – مُرادێـنا چاتسێن! 🔶 آچێقلاما؛حیکّه‌: ادّعا، منَم – منَملیک #سون(۲۱ تیر ۱۴۰۵ – خیاو شهری)  @MuncuqAzhttps://t.me/Sancaq_media/8289

⭕️ ماهیت نه‌دیر؟ ✍️ یازان: #همت_شهبازی«ماهیت» آنلایێشی فلسفه تاریخینده ان مرکزی موضوعلاردان بیری‌دیر. «ماهیت» سؤزۆ، عرب دیلینده‌کی «ما هیَ؟» («اوْ نه‌دیر؟») سوالێندان یارانێب. یعنی ماهیت آختارێشی اصلینده بیر شئیین «نه اوْلدوغو»نو معین‌لشدیرمه چاباسێ‌‌دیر. بیر شئیین ماهیتینی آنلاماق اۆچون اوْنون ایشلک دایره‌سینی، قورولوشونو و استفاده ساحه‌سینی بیلمه‌لی‌ییک. مثلاً، ماسا دؤرد آیاقلێ شاقولی دایانان بیر شئی‌دیر کی، اوْنون اۆزرینده:۱. یئمک یئیرلر۲. کتاب اوْخویارلار۳. ایش ماساسێ کیمی استفاده ائدرلر و... بورادا ماسانێن نه اوْلدوغونو (ما هی؟ / اوْ نه‌دیر؟) اوْرتایا چێخاریریق. اوْنو بعضاً ذهنی مضمونونا گؤره بعضاًعینی ایشلک دایره‌سینه گؤره آچێقلاییریق.آنجاق بو «نه‌دیر؟» سوالێ‌نین اؤزۆ تاریخ بوْیو فرقلی شکیلده جاوابلاندێریلمیشدیر. کلاسیک یاناشمایا گؤره، ماهیت ثابت اؤزدۆر (ذات). ارسطوچو یاناشما و اسلام فلسفی عنعنه‌سینده – اؤزللیکله ابن‌سینا کیمی فیلسوفلاردا – ماهیت بیر شئیین دَڲیشمز، ضروری اؤزۆدور. مثلاً، «انسان نه‌دیر؟» سوالێنا «عاغێللی جانلێ‌دیر» جاوابێ وئریلیردی. بورادا مقصد فوْنکسییالاری[کارکرد] صادالاماق دئییل، وارلێغین اوْنتولوژی[وارلێغا یؤنۆملو، هستی‌شناختی] تعریفینی وئرمکدیر. بو باخێمدان ماسا نمونه‌سی کلاسیک تعریفده بئله ایفاده اوْلونا بیلردی: «ماسا، اۆزرینده اشیالارێن قوْیولماسێ اۆچون دۆز سطحه مالیک دایاقدێر.» بو، اوْنون استفاده حاللارێنی یوْخ، قورولوش و مقصدینی گؤستریر. کلاسیک مئتافیزیکادا ماهیت اوْبیئکتیودیر؛ انسانێن سوبیئکتیو مناسبتیندن آسێلی دئییل. ماسا انسان استفاده ائتمه‌سه ده ماسادێر. مدرن فلسفی یاناشمایا گؤره، بیر شئیین ماهیتی اوْنون فوْنکسییالاری، قورولوشو و استفاده ساحه‌سی ایله معین‌لشیر. ماسا حقّینده «اۆستونده یئمک یئییلیر، کتاب اوْخونور، ایشله‌نیر» دئمک، اصلینده اوْنون اجتماعی پراکتیکاداکی [عملده] روْلونو گؤسترمکدیر. بو باخێمدان، بیر سؤزۆن معناسی اوْنون استفاده فوْرماسێندان آسێلی‌دیر. بو یاناشما دیل فلسفه‌سینده اؤزۆنون ان مشهور ایفاده‌سینی «ویتگنشتاین»ێن سوْن دؤور دۆشونجه‌سینده تاپێـر. اوْ دئییردی: «سؤزۆن معناسی اوْنون دیلده استفاده‌سی‌دیر.» (ویتگنشتاین،1380: 59) اوْ، بونو «استفاده‌یه اساسلانان دیل» (ایشلک دیل (زبان کاربردی)) آدلاندێریردی. بورادا آرتێق ماهیت مئتافیزیک درین‌لیکده دئییل، استفاده باغلامێندا آختارێلیر. بیر سؤزۆن و یا شئیین نه اوْلدوغونو بیلمک اۆچون اوْنون «اوْیناندێغی دیل اوْیونونا» باخماق لازیم‌دیر. مثلاً، آنا غضب‌لنه‌رک «سنی اؤلدوره‌جـڲم» دئییر. «اؤلدورمک» سؤزۆنون معناسی، بیری‌نین جانێنی و نفسینی آلاراق حیاتدان محروم ائتمکدیر. سیزجه آنا «اؤلدوره‌جـڲم» دئینده بو معنانی‌می نظره آلێر؟ البته کی یوْخ. بورادا آنا غضبله «سنی اؤلدوره‌جـڲم» دئینده، گئرچکدن اؤلدۆرمه نیّتی یوْخ، شرطی(فرضی) معنادا ایشله‌نیر. بو دا «ایشلک دیل» آدلانێر. بو، گؤستریر کی، دیل گئرچکلیڲین مکانیکی گۆزگوسو دڲیل. دیل، اجتماعی داورانێش فوْرماسێ‌دیر. انسان سؤزلرله تکجه بیلگی اؤتۆرمور، هم ده تأثیر گؤستریر، قوْرخودور، ظارافات ائدیر، سئویندیریر. بو باخێمدان سؤزلرین «ماهیتی» ثابت اونتولوژی چرچیوه‌دن چوْخ، اجتماعی پراکتیکادا آچێلیر. بورادا اۆچ قات وار:  ۱. لُغَوی معنا (اوْبیئکتیو / عینی تعریف)۲. دانێشانین نیّتی۳. متنه یؤنۆملو ایشلک (کانتکستوال فوْنکسییا) دئمه‌لی، معنا یالنێز سؤزۆن داخیلی تعریفیندن دئییل، اوْنون استفاده اوْلوندوغو حیات فوْرماسیندان دوْغور. بئله‌لیکله، «ما هیَ؟» سوالێ آرتێق یالنێز «بو نه‌دیر؟» دئییل، هم ده «بو نئجه ایشله‌دیلیر؟» سوالێنا چئوریلیر. بورادا ماراقلێ بیر فلسفی گرگین‌لیک یارانێـر:اگر ماهیت اوْبیئکتیودیرسه، اوْندا سؤزلرین و شئیلرین ثابت تعریفی اوْلمالێ‌دی.اگر ماهیت استفاده‌ده‌دیرسه، اوْندا اوْ دڲیشکن‌دیر و کانتِکستدن [متن، زمینه] آسێلی‌دیر. ماسا هم اوْبیئکتیو[عینی] قورولوشا مالیکدیر (دؤرد آیاق، سطح و...)، هم ده استفاده‌یه گؤره فرقلێ آنلام قازانێر (یئمک ماساسێ، ایش ماساسێ، عملیات ماساسێ و...). دئمه‌لی، ماهیت تامامیله سوبیئکتیو (ذهنی) ده دئییل، تامامیله مستقل ده دئییل. اوْ، قورولوش و پراکتیک فعالیتین کسیشمه‌سینده فوْرمالاشێر. اوْ، حیاتێن ایچینده دواملێ اوْلاراق یئنیدن قورولان بیر معنا شبکه‌سی‌دیر. 🔶 فایدالاندێغیم قایناق:-  ویتگنشتاین، لودویک (1380)، پژوهشهای فلسفی، ترجمه فریدون فاطمی، چاپ اول، نشر نی، تهران. @SancaqDergisihttps://t.me/Sancaq_media/8290

■ 2793 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز سه‌شنبه 30 تیرماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۷۹۳. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ شَن آیشن ✍️ یازار: گۆلزار ابراهیم‌اوْوا🔷 کؤچۆرن: #شبنم_توحیدی اۆچونجو بؤلۆم اژدها معطّل – معطّل سوْروشدو:- نه‌یه گۆلورسن؟ آیشن گۆله – گۆله دئدی:- منی بئلینه قوْی، دئییم نه‌یه گۆلورم! اژدها اوْنو بئلینه قوْیدو. آیشن دئدی:- بئلیمدن ائله توتموشدون، قێدیغیم گلیردی، اوْنا گؤره گۆلوردوم!- قێدیق نئجه گلیر کی؟!- سنین هئچ‌واخت قێدیغین گلمه‌ییب؟- یوْخ!- ایندی گلر! – دئییب، آیشن، اژدهانێن بوْینونو قێدیقلادی. قێدیقلاماغینا دا پشیمان اوْلدو. اۆچ باشێن اۆچو ده بیردن ائله گۆلدو، سس‌لرینه گؤڲ گورولدادێ، ایلدێریم چاخدێ. آیشن قولاق‌لارێنی توتدو. ائله کی، گؤردۆ باش‌لار ساکتلشیب، قولاق‌لارێنی آچدێ. گۆلندن سوْنرا اژدهانێن کئفی نئجه آچێلدیسا، گؤڲده دؤره وورا – وورا اوچماغا باشلادێ. بو، آیشن‌ین چوْخ خوْشونا گلدی:- من اوچوراااام! – دئییب، قوللارێنی آچدێ، سوْنرا ماهنێ اوْخوماغا باشلادێ: من آیشنَـم، آیشنـم،اؤزۆم ده کی، چوْخ شنَـم!قانادێم یوْخدور، امّا،اوچارام، کپه‌نـڲم. اژدها گؤردۆ قێـز چوْخ گؤزل اوْخویور. هم ده نه آغلایێر، نه ده قوْرخور، تعجّب ایله سوْروشدو:- نه عجیب قێـزسان! آپارێرارم سنی آزدێرام، ایتیرم، سن ایسه اوْخویورسان!- من آیشنـم. بابام منه اؤڲره‌دیب، چتین واختدا دا شادام.- من اژدهایام. بیردن سنی یئمک ایسته‌سم، یئنه کئفین پوْزولماز؟! شن – شاد اوْلارسان؟- نوش اوْلسون. دئیرم من! بئله دئییب، آیشن گۆلدو. اژدهانێ دا قێدیقلادی کی، او دا شن اوْلسون.اژدها یئنه برکدن گۆلدو. اوْنو عؤمرۆنده بئله گۆلدورن اوْلمامێشدی. بونا گؤره «آیشن»دن چوْخ خوْشو گلدی و «آیشن»ـه دئدی:- سن چوْخ عقللی، شن قێـزسان. ایسته‌ییرم سنی کۆپه‌گیرن قارێ‌نین اللریندن آزاد اێلییم.- من، کۆپه‌گیرن قارێ‌نین یوْخ، سنین الینده‌یم.- یوْخ! کۆپه‌گیرن قارێ‌نین الینده‌سن. اوْ دئدی، بو دئدی، آخێـردا اژدها یوْرولدو. یئنه ایکیسینی  ده گۆلمک توتدو.اوْنلار گۆله – گۆله دۆشدولر بیر آدایا. آدادا بؤیۆک، شاهلارا لاییق سارای وار ایدی. سارایێـن قارشێسیندا، ساحیلده ایسه بؤیۆک بیر گَـمی. اژدها دئدی:- بو ساراێـی یۆز ایل بوندان اوّل، بیر شاه گیزلینجه تیکدیریب. سوْنرا قوْجالێب اؤلۆب، سارای دا، گـمی ده صاحیبسیز قالێب. اوْنا صاحیب اوْلا بیلرسن؟ #آردێ_وار... @MuncuqAzhttps://t.me/Sancaq_media/8287

■ 2792 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز دوشنبه 29 تیرماه 1405 🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

«#سانجاق»، سیاسی- اجتماعی مهد تمدن گۆنده‌لیگی‌نین ۲۷۹۲. سایێنداکی تۆرکجه صفحه‌«مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چێخیر.@SancaqDergisi@MuncuqAz