⭕️ خئیرخواه اوْغلان✍ یازان: زاهید خلیل🔷 کؤچۆرن: #شبنم_توحیدی شکرآباد شهری‌نین ایکینجی کلاس شاگیردی…

■ 2817 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز شنبه 31 مردادماه 1405🔹فایل pdf صفحات نشریه در لینک کانال تلگرام مهدتمدن⬇️t.me/mtnewspaper%F0%9F%8C%90 www.mtnews.ir🌐 www.asanews.ir☎️ 04135550663📳 09362822918🆔 @asanews

ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۱۷. سایینداکی تۆرکجه صفحه@SancaqDergisi🌐 instagram.com/sancaq2%F0%9F%8C%90 instagram.com/asanews.ir

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 آزر (یای، آذر): بیر نفرین داورانـێـشلاری ذهنیزی قارێـشدیریب. بو قـوْنودا دانـێـشماغا تلسمه‌یین اجازه وئرین اوْرتام بیرآز سایخاش‌لاشسێـن. طالعیزده ایش یا اؤزل دوروموزدا اوزاقدان بری اوْلان بیر آماجا یئتیشمک گـؤرۆنور. جزئیاتا فکر وئرمک و گئچمیش تجربه‌لردن یارارلانماق سیزی داها تئز منزیله چاتدێـرا بیلر. بیر سفر یا یئر دڲـیشمک قاباغا گله بیلر، بیرآز آرتـێـق فکرلشین، اؤنملی قرارلاری تلسه‌رک وئرمزلر. مالی باخێـمدان چتینلیکلر بیتمک و دوروم دۆزلمڲه دوْغرو گئدیر. بو گـۆنلر چالێـشملاریزین نتیجه‌سینی آلا بیلرسیز. اۆمود و آرامشله دوام ائدین. 🔶 چیلله (اوْغلاق، دی): دویغوسال تصمیملرده داها چوْخ دقتلی اوْلمالێـسیز. تلسمک بعضی ساخلامالیلاری الدن وئرمڲه باعث اوْلار. بیرآز دورومدان آرا آچێـب، ایشلری اوزاقدان ایزله‌مک داها گئنیش باخێـش آچێـسی وئرر انسانا. مالی مسائلده بیلگین بیریندن یاردێـم آلمالی و یئنی یـوْللاری دنه‌ملیسیز. ایسته‌ڲـیزه چاتماق اۆچون، بعضی کیچیک ایستکلریزه گـؤز اؤزتمه‌لی‌سیز. اۆزدن گـؤزل گـؤرۆنن هر بیر فرد یا دوروم، یاخجی بیر سئچه‌نک اوْلدوغو آنلاما گلمز. انسانلاری تانێـییب، دورومو اینجه‌لمک داها دۆزگون قرارلار وئرمڲه باعث اوْلار. یاشام طرزی یا روحیه‌زده بالاجا دڲـیشیملر سیزه یئنی انرژیلر وئرر. آرتـێـق حساب اوْلونموش ایشلر گـؤرمک و آرامشله حیات یـوْلوزو سئچمک زمانی دێـر. 🔶 دوْندۇران آی (قـوْوا، بهمن): بو گـۆنلر داها چوْخ ساغلاملێـغیزی نظرده توتمالێـسیز. بعضی کیچیک و یا حتی لازم اوْلان حالدا، بؤیۆک دڲـیشملر یاراتمالێـسیز. بونلار انرژیزین چوْخالماسی و دویغولارێـزین خوْشالماسێـنا سبب اوْلار. مالی باخێـمدان گـؤزله‌دیڲـیز خوْش خبری ائشیدیب، سئوینه‌جکسیز. عاطفی باخێـمدان یئنی دویغولارێـن باشلانماسی اوْلا بیلر آنجاق دقت ائدین هیجانێـن چوْخلوغو سیزی دۆز ایشدن اوزاقلاشدێـرماسین! یئنی تجربه‌لر سیزی سئویندیره‌جک. آماجلارێـزا یالنێـز یـوْرولمادان- اوسانمادان دوام ائتمک شرطی‌یله یئتشه بیلرسیز. کیچیک آما اوْلوملو اوْلایلار، سیزی آداق- آداق آماجلارێـزا یاخێـنلاشدیریر. 🔶 بایرام آیی (بالێـقلار، اسفند): بو گـۆنلر داها چوْخ هر کسین الیدن توتماق و هر کسه یاردێـم ائتمک ایستییرسیز. سیزین بو ایشلریز چئورزده‌کیلری سئویندیریر. اوْنلارێـن سئوینجی ده، سیزین یـوْرقونلوغوزو جانێـزدان چێـخاردیر. کیچیک بیرزاد آلماق یا کیچیک بیر دڲـیشیم دوروموزو یاخجی‌لادێـب سیزی سئویندیریر و سیز بو اوْلوملو انرژینی چئورزده اوْلان هر کسه یانسێـدیرسیز. ایش یئرینده یئنی باشارێـلار الده ائدیرسیز. عاطفی باخێـمدان داورانـێـشلاریزدا اوْلان بالاجا دڲـیشیم، اوْرتادا یارانان سوْیوقلوغو آرادان آپارار. دؤزمک و قارشی طرفین دویغولارێـنی نظرده توتماق چوْخ یاخجی‌دێـر. @SancaqDergisihttps://t.me/Sancaq_media/8368

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 قـۇیروق دوْغان (آسلان، مرداد): گـؤزله‌نیلمز بیر خبر سیزین باخێـش آچێـزی دڲـیشدیره‌جک. سیزه چوْخ مهم اوْلان بیریسی‌نین سؤزلری اؤنجه سیزی چوْخ تعجب‌لندیره‌جک، آنجاق سوْنرا اوْنون سیزه اهمیت وئرمه‌سینی آنلایاجاقسێـز. عاطفی باخێـمدان اؤزۆز و قارشی طرفین دویغولارێـنی آنلاماغا فرصتیز اوْلاجاق. آرام دانێـشقلا بـۆتون آنلاشمازلێـقلار آرادان گئدر. یئنی بیر تانـێـشلیقدان یئنی تجربه‌لر و یئنی بیلگیلر قازاناجاقسێـز. ایش یئرینده قابلیتلریزی آز بیلمه‌یین، ذهنیزده اوْلان سؤزلری دانـێـشماقلا یئنی یـوْللارێـن اؤنـۆزده آچێـلماسێـنا امکان یاراداجاقسێـز. سیزدن اوْلونان نقدلره عصبی‌لشه‌رک تبکی وئرمه‌یین. بعضی سؤزلری دانـێـشاندان سوْنرا پشیمان اوْلماغێـن فایداسی یـوْخدور. بیر یـوْلداشێـن سیزین اۆرک بیرلیک ائتمه‌ڲـیز و سؤزلرینی دینله‌مڲـیزه احتیاجی وار، او دا سیزین پیس گـۆنده یانێـزدا اوْلوب، بونو اونوتمایێـن! 🔶 زۇمار (باشاق، شهریور): اؤنملی بیر قـوْنو ذهنیزی قاتێـب، آرامشیزی پوْزوب. بوندان آرتـێـق دؤزۆملو اوْلمالێـسیز. بیر مئساژ یا تماس نگرانلێـقلاریزی آزالدا بیلر. آماجلارێـز اوغروندا حرکته باشلاماق زمانی دیر. ال ساخلاماق فرصتلرین الدن گئتمه‌سینه سبب اوْلار. بیر آموزشی مسأله یا اؤنملی قـوْنو یاخجی ایره‌لیلمک حالدا دێـر. تانـێـشلارین بیری وئرن اؤنریه دۆشونون، تلسمه‌یین و ایشی هر طرفدن سالێـب- چێـخین. آرتـێـق فکریزی تـوْپارلایێـب دۆز یـوْلو سئچمه‌لیسیز. سوْن دؤنم اوْلان راحاتسێـزلیقلار بیتمک و یئرینی آرامش آلماقدادێـر. 🔶 خزل (ترازی، مهر): دانـێـشق و داورانـێـشلاریزا داها چوْخ دقت ائتمه‌لیسیز. بیر نفر ایشی داها چتین نظره گتیریر و سیزی اوْنون نفعینه اوْلان قرارلارا دوْغرو آپارێـر. بیر سؤزۆ قبول ائتمه‌میش اوْنا هر طرفلی دۆشونون. ایش یا اؤزل دوروموزدا اوْلان برنامه‌لرده بعضی دڲـیشیملریز اوْلاجاق. بو یئنیلمک آنلامێـنا گلمز، بلکه سیزی داها یاخجی یـوْلا آپارماق دئمکدیر. ایستکلریزی آچێـق سؤیله‌یین، یئرسیز سوسماق باعث اوْلار سیزی اوْلدوغوز کیمی آنلاماسێـنلار. منطق اۆزره اوْلان دانـێـشیقلار، آنلاشمازلێـقلارین آزالماسێـنا سبب اوْلار. یئنی آداملارلا احتیاطلی داورانێـن، بیر نفر سیزه حددن آرتـێـق یاخێـنلاشیر، اؤزل بیلگیلریزی اوْنا وئرمه‌یین، گـؤوه‌نج زمان سۆره‌جینده یارانمالێـدیر. 🔶 قیروْو (عقرب، آبان): چوْخدان ذهنیزی قاتان مسأله بو هفته یـوْلونا دۆشه‌جک گئچمیشدن اوْلان سوْرغولارێـن جوابینی تاپاجاقسێـز بیرآز دؤزۆملو اوْلون، ایشلر بیز دئین زمان اوْلماسا دا، لازم اوْلان زمان اوْلاجاق. مالی باخێـمدان احتیاطلی اوْلمالی و ریسک ائتمه‌مه‌لیسیز. یـوْلداش‌یانا بیر گـؤرۆش سیزه یاخجی اوْلاجاق، بو گـؤرۆشده بیر نفرین سؤزلری سیزین الهام قایناغێـز اوْلاجاق، بو گـؤزل بیر تانـێـشلیغین باشلانقێـجی اوْلا بیلر. ایش یا تحصیلی باخێـمدان نشانه‌لری جدی توتمالێـسیز. آرتیق اؤنـۆزده دقت ائتمه‌لی و گئچمیش تجربه‌لردن یارارلانمالی بیر دؤنم باشلایێـبدیر. تلسمه‌یین و آرامشله قرار وئرین.#آردێ_وار.... @SancaqDergisihttps://t.me/Sancaq_media/8368

⭕️هفته‌لیک فالێـنیز✍حاضرلایان: #اوْلجای_مرآتی 🔶 آغلار‌- گـۆلر (قـوْچ، فروردین): روحی باخێـمدان اؤزۆزه یئتیشمه‌لیسیز. ایشلرین چوْخلوغو سیزده انرژی دۆشوک‌لوڲـۆنه سبب اوْلوب. بیرآز دینجه‌لین، اؤزۆزه استراحت وئرین، داها دوْغروسو اؤزۆزو اؤزه‌نین. بو گـۆنلر بیر ایش یئنی‌دن سیزه اۆمود وئره‌جک. ایش و داورانـێـشلاریز هر کسی ائتگی‌لندیره بیلر، بو اۆزدن آرامشلی اوْلاراق ایشه دوام ائده بیلسز، یئنی یـوْللار اؤنـۆزده آچێـلیب گـۆجلریزه داها چوْخ ایناناجاقسێـز.🔶 گـۆلن‌آی (بۇغا، اردیبهشت): ذهنیزی قاتان بیر عاطفی مسأله یا ایش قـوْنوسو گئت- گئده آیدێـنلاشاجاق. ذهنیزده اوْلان بیر سوْرغویا جواب تاپاجاقسێـز یئتر کی باخێـش آچێـزی دڲـیشیب، داها بیلگین آداملارێـن نظر و تجربه‌سیندن فایدالاناسێـز. ایش یئرینده یا بعضی اؤزل مسائلده بعضی اؤنری‌لری دینله‌ییب ایشه توتماق سیزین نفعیزه دیر. بیرآز انعطافلی اوْلون و یالنـێـش ایش گـؤرمک قـوْرخوسوندان اوزاقلاشێـن، یالنـێـش دا انسان اۆچوندور. دورومون یاخجی‌لاشماغێـنا امکان وار آنجاق بو فرصتی دڲرلندیرمک دۆز قرار وئرمڲه باغلێـدیر. عائله‌ده یارانان سوْرونلاری چـؤزمک اۆچون بیر نفرین مداخله‌سی لازمدیر. آرامشله دانـێـشین و قـوْیمایێـن ایش بوندان آرتـێـق اوزانسێـن. ایستکلریزه گـؤره آرام اوْلون و کـؤنلـۆزون سسینی دینله‌یین. 🔶 قیزاران آی (ائکیزلر، خرداد): آرتـێـق تردیدلری بوراخێـب، فرصتلری دڲرلندیرمک زمانی دیر. بلکه یاخێـنلاریزدان بیر مسأله‌یه گـؤره یاردێـم ایسته‌ملی اوْلدوز. چئورزده‌کیلرین یاردێـمنی قبول ائتمک ضعیف‌لیک آنلامێـنا گلمز بلکه آماجا چاتماق یـوْللارێـنی قێـسسالدار. گـؤزله‌دیڲـیز اداری ایش یـوْلونا دۆشه‌جک آنجاق دورومون داها یاخجی‌لاشماسی اۆچون دؤزمک گره‌کدیر. مالی باخێـمدان دوروم یاواش- یاواش دۆزه‌لیر. یاشام یا ایش یئریزده بعضی دڲـیشیملر اۆز وئریر. فایداسی اوْلمویان ایشلری داها فایدالی ایشلرله دڲـیشین. چئورزده اوْلان بوْش- بوْش دانـێـشانلاری بوراخێـب، عمل آداملارێـیلا اوْتوروب- دورمالێـسیز. دؤزۆملو اوْلماقلا یاواش- یاواش چالێـشمالاریزین نتیجه‌سینی گـؤره‌جکسیز. دۆز بیر قرار وئرمک یئنی و فرقیلی بیر یـوْلون باشلانقێـجی اوْلا بیلر. 🔶 قـوْرا پیشیرن (یئنگج، تیر): باشقالارێـنا یاردێـم ائدیڲـیز اۆچون گـؤزل نشانه‌لر طالعیزده گـؤرۆنور. بیر یاخێـن آدام یا بیر یـوْلداشا یاردێـم ائتدیڲـیز اۆچون خوش دویغولارێـز اوْلاجاق. کـؤنـۆلدن ائتدیڲـیز محبتلرین نتیجه‌سی اؤزۆزه قایێـداجاق. بیر ایشی بوندان آرتـێـق یوباتماغێـز توصیه اوْلونمور. اؤنملی بیر قـوْنو حقده دانـێـشمالی، یا اؤنملی بیر قراری وئرمه‌لی اوْلاجاقسێـز. کیچیک بیر سفر، سیزی گـۆندم فشارلاردان اوزاقلادێـب، ذهنیزی آراملاداجاق. گئچمیش کینه‌لری بوراخێـن، باغێـشلاماق انسانی داها چوْخ آراملادار. چوْخ مهم بیر اوْلای ایلک اؤنجه نظره یاخجی گلمه‌سه ده، سوْنوندا سیزین نفعیزه اوْلاجاق.#آردێ_وار.... @SancaqDergisihttps://t.me/Sancaq_media/8368

⭕️ زرنیشان خانێـمین چنلی‌بئله گلمه‌سی ✍️ کؤچۆرن: #شبنم_توحیدی اۆچونجو بؤلۆم کوْراوغلو دئدی:- اوْغول، گـل داشێ اتڲیندن تؤک. بونو بیلمه‌­سن یاخشێدی. ائله شئیلر وار کی، آداما دَم گتیرر، ائله شئیلر وار کی، غم. بو عکسین گتیردیڲی دم دڲیل، غمدی. من ایسه سنی غملی یوْخ، دملی گؤرمک ایسته‌ییرم. حسن دئدی:- باباجان! دم ده، غم ده ائکیزدی. اوْغلون باشێ یا دمده، یا غمده گرک! سن اوْنون یئرینی، یوردونو دئنن، دالێسینان ایشین یوْخدور. کوْراوغلو چوْخ دئدی، حسن آز ائشیتدی. قێرساققیز اوْلوب، باباسێ‌نین یاخاسێندان یاپێشدی. کوْراوغلو گؤردۆ حسن زَلی کیمی یاپێشدیغیندان قوْپان دڲیل، ال اوزادێب دیواردان سازێنی گؤتۆردو. اۆزونو اوْغلونا توتوب، گؤتۆردو، گؤرک نه دئدی: باشێنا دؤندۆڲوم، گۆل اۆزلو اوْغول،قان آغلار، قان آغلار دیده‌لریمیز.یئددی ایلدی حسرتینی چکیرم،قان آغلار، قان آغلار دیده‌­لریمیز. سنه سؤیله‌دیڲیم سؤزۆن دۆزونو،سینه‌مده‌کی محبتین کؤزۆنو،آغ‌شهرده قارا پاشا قێـزیدی،قان آغلار، قان آغلار دیده‌لریمیز. ایگید اوْدو اؤز دردینی بیلدیره،دشمنی آغلادێب، دوْستو گۆلدوره،کوْراوغلویام، بو درد منی اؤلدۆره،قان آغلار، قان آغلار دیده‌لریمیز. سؤز تماما یئتدی. حسن آیاغا قالخدێ. ال – ال اۆسته باباسێندان سؤز ایسته‌مک اۆچون خواهیشه منتظر دایاندێ.کوْراوغلو ایشی بئله گؤرۆب، دئدی:- سؤزۆنو دئنن اوْغول! حسن دئدی:- مهربان آتا! آغ‌شهره اؤزۆم گئده­‌جم. یا او قێزی سنه گتیره‌جڲم، یا دا بو باشدان کئچه‌جڲم.کوْراوغلو دئدی:- اوْغول! سن منی دۆز باشا دۆشمه‌دین. من عکسه باخاندا، اوْندان اؤتری آغلامێرام کی، قارا پاشانێـن قێـزینی سنه آنالێق گتیره بیلمیرم. اوْنا گؤره آغلایێرام، او قێزی چنلی‌بئله گلین گتیرمه‌ڲین واختی چاتێب. سنی ایسه هله آغێر سفرلرده بـرکدن – بوْشدان چێخارمامیشام. آنان نیگارێ گتیرمڲه گئدنده من آرتێق «رؤشن» یوْخ، کوْراوغلو ایدیم. او واخت من آنان نیگار اۆچون استانبولا گئدرکن جمعی دلی‌لر منیمله گئتمک ایسته‌دیلر. من راضی اوْلمادێم. ایندی، اوْغول، آت‌دێ، آرواددێ، پاپاق‌دێ، کیشی اۆچون غیرتدی. سفر آغێر، سنسه تجربه‌سیز! اوْنونچۆن آغلایێرام. آتاسێندان بو سؤزلری ائشیدن حسن، دئدی:- آتاجان! سینه‌مه بیر خانا سؤز گلیب، گؤر نه دئییرم: ایڲید گرک آتـلانا،آتـێن مینه، آتـلانا.مرد اوْدو کی، دؤڲۆشده،هر یارایا قاتـلانا.ایندی، مهربان آتا! سێناق سنده، قوّت منده. میزان سنده، عاغێل منده. بو میدان، بو دا من. نئجه ایسته‌ییرسن، ائله ده امتحانـا چک. کوْراوغلو گؤردۆ حسن‌دن یاخا قورتارا بیلمه‌یه‌جک. دئدی:- اوْغول، منیم ده سینه‌مه بیر نئچه خانا سؤز گلیب. قوْی اوْنو دا دئییم، بلکه باشا دۆشه‌سن. آلدێ کوْراوغلو:باشێنا دؤندۆڲوم، مهربان اوْغول،گئتمه اوْغول، گئتمه آغ‌شهره سن.تزه‌جـه تاپمێشام قندیله – نوْغول،گئتمه اوْغول، گئتمه آغ‌شهره سن. آلدێ حسن:باشێنا دؤندۆڲوم، مهربان آتا،آتا! گئتمه‌لی‌یـم آغ‌شهره من.چاغێررام مولانـێ دادێما چاتا،آتا! گئتمه‌لی‌یـم آغ‌شهره من. آلدێ کوْراوغلو:کوْراوغلویام، نیّـتیمی یئتیردیم،پاشالاردان باجێ – خراج گؤتۆردوم،یئددی ایلده بیر عکسی­نی گتیردیم،گئتمه اوْغول، گئتمه آغ‌شهره سن. آلدێ حسن:کوْراوغلوسان، سن آلێنماز قالاسان،قوْیمام سنـی غمـه، یاسا دالاسان،حسن بَـڲ­‌ام، ایندی منی سێنا سن،آتا! گئتمه‌لی‌یـم آغ‌شهره من. آتا – بالا سؤزلرینی تمام ائله­دی. کوْراوغلو گؤردۆ یوْخ، حسن­دن یاخا قورتارماق چتین ایشدی. آخێر علاج‌سێز قالێب، «حسن»ـی آغ‌شهره یوْلا سالماق اۆچون ضیافت دۆزلتدی. نیگار خانێم، کوْراوغلونون ساغێندا، مؤمینه خانێم سوْلوندا اڲلشدی. کوْراوغلو آیاغا قالخدێ، دئدی:- دلی‌لریم، یئددی ایلدی قارا پاشانێن قێـزی «زرنیشان» خانێمین عکسی­نی چنلی‌بئلده آیرێجا اوْتاقدا گلینیم دئیه ساخلایێرام. من؛ عکسی دوْستوم مئهترباشێ «عبدالرحمن»‌ین واسطه­‌سیله الده ائده بیلمیشدیم. ایندی ایسه سیزدن نه دانێـم، کؤنلۆمه اوْغول توْیو دۆشوب. مصلحت سیزدن، رخصت مندن. دمیرچی‌اوْغلو دئدی:- آی کوْراوغلو، ایڲیدی داردا، تاجیری واردا سێنایارلار. #آردێ_گلن_سایێـدا... @SancaqDergisihttps://t.me/Sancaq_media/8366